କିଏ ମନ୍ଦାନା କରିମି ? ଭାରତ ମିଳୁନି ଅଭିନେତ୍ରୀଙ୍କୁ କାମ, କହିଲେ-ସବୁ କଣ୍ଟ୍ରାକ୍ଟ କ୍ୟାନସେଲ କରାଯାଇଛି...

ମୁମ୍ଵାଇ ୦୬।୦୩; ଇରାନୀ ଅଭିନେତ୍ରୀ ମନ୍ଦାନା କରିମି । ବହୁ ବର୍ଷ ଧରି ଭାରତରେ ରହି ବଲିଉଡରେ କାମ କରୁଛନ୍ତି। ଏବେ ସେ ଇରାନ ଉପରେ ଆମେରିକା-ଇସ୍ରାଏଲ ଆକ୍ରମଣକୁ ନେଇ ପ୍ରତିକ୍ରିୟା ଦେଇଛନ୍ତି ଏବଂ ଇରାନର ସର୍ବୋଚ୍ଚ ନେତା ଖାମେନିଙ୍କ ମୃତ୍ୟୁରେ ଖୁସି ପ୍ରକାଶ କରିଛନ୍ତି। ସବୁଠାରୁ ବଡ କଥା ଅଭିନେତ୍ରୀ ଭାରତ ଉପରେ ବିଶ୍ୱାସଘାତକର ଅଭିଯୋଗ ଆଣିଛନ୍ତି ଏବଂ କହିଛନ୍ତି ଯେ ତାଙ୍କର ବ୍ୟାଗ ପ୍ୟାକ୍ ହୋଇଯାଇଛି। ସେ ଶୀଘ୍ର ଇରାନ ଫେରିବାକୁ ଚାହୁଁଛନ୍ତି। ମନ୍ଦାନା କହିଛନ୍ତି ଯେ ଇରାନ ସରକାରଙ୍କ ବିରୋଧରେ ପ୍ରତିବାଦ କରିବା ପରେ, ସେ ଭାରତରେ ବିଶ୍ୱାସଘାତକତା ଅନୁଭବ କରୁଛନ୍ତି। ଇରାନରେ ଏକ ନୂତନ ଶାସନ ପ୍ରତିଷ୍ଠା ହେବା ମାତ୍ରେ ସେ ଭାରତ ଛାଡି ପଳାଇବେ।

ମନ୍ଦାନା କରିମି ଭାରତରେ ରହି ତାଙ୍କର କ୍ୟାରିଅର ଗଢ଼ିଥିଲେ । ବହୁତ ନେମ୍-ଫେମ୍ ମଧ୍ୟ ହାସଲ କରିଥିଲେ । ସେ ଏଠାରେ ମଡେଲିଂ କରିବା ସହ ଅନେକ ଫିଲ୍ମରେ ଅଭିନୟ କରିଥିଲେ, କିନ୍ତୁ ଏବେ ସେ ତାଙ୍କ ଜନ୍ମମାଟି ଇରାନକୁ ଫେରିବାକୁ ଚାହୁଁଛନ୍ତି। ମନ୍ଦାନା ଏହାର କାରଣ ମଧ୍ୟ ବ୍ୟାଖ୍ୟା କରି କହିଛନ୍ତି ଯେ ଭାରତ କାହିଁକି ତାଙ୍କୁ ଧୋକ୍କା ଦେଇଛି। ଏକ ସାକ୍ଷାତକାରରେ, ମନ୍ଦାନା କରିମିଙ୍କୁ ଇରାନର ବର୍ତ୍ତମାନର ପରିସ୍ଥିତି ଏବଂ ଭବିଷ୍ୟତ ବିଷୟରେ ପଚରାଯାଇଥିଲା। ସେ କହିଥିଲେ, ମୁଁ ଏବେ ଇରାନକୁ ମୁକ୍ତ ଦେଖିବାକୁ ଚାହୁଁଛି। ଏମିତି ଏକ ଇରାନ ଯେଉଁଠାରେ ମହିଳାମାନେ ଯାହା ଚାହିଁବେ ତାହା କରିପାରିବେ, ଯାହା ଚାହିଁବେ ତାହା ପିନ୍ଧିପାରିବେ ଏବଂ ଯେକୌଣସି ବିଶ୍ୱବିଦ୍ୟାଳୟରେ ପାଠ ପଢିପାରିବେ। ଯେଉଁଠାରେ ଆମେ ଲୋକଙ୍କ ପାଇଁ ବିପଦ ନୁହେଁ, ବରଂ ଏକ ରାଷ୍ଟ୍ର ଯାହା ପ୍ରକୃତରେ ମଧ୍ୟପ୍ରାଚ୍ୟକୁ ନିର୍ମାଣ କରେ। ମୁଁ ଚାହୁଁଛି ଯେ ଇରାନରେ ବର୍ତ୍ତମାନର ଶାସନ ଶେଷ ହେଉ।

 

 

 

 

View this post on Instagram

 

 

 

 

 

 

 

 

 

 

 

A post shared by RK (@rohitkhilnani)

ଯେତେବେଳେ ପଚରାଗଲା ଯେ ସେ କେବେ ଇରାନକୁ ଫେରିବାକୁ ଯୋଜନା କରୁଛନ୍ତି? ତାହା ଉତ୍ତରରେ ମନ୍ଦାନା କହିଥିଲେ, "ଇରାନରେ ବର୍ତ୍ତମାନର ସରକାର ପତନ ହୋଇଛି ବୋଲି ଘୋଷଣା ହେବା ମାତ୍ରେ ମୁଁ ସେଠାକୁ ଚାଲିଯିବି।" ମୋର ଜିନିଷପତ୍ର ପ୍ୟାକ୍ ହୋଇଛି, ଏବଂ ମୁଁ ଭାରତ ଖୁବ୍ ଶୀଘ୍ର ଛାଡି ପଳାଇବି। ଏହା ମୋର ଯୋଜନା। ମୁଁ ଭାରତ ସହିତ ସମ୍ପର୍କ ଭାଙ୍ଗୁଛି। ଏହା ମୋ ପାଇଁ ବହୁତ କଷ୍ଟକର କାରଣ ମୁଁ ବହୁତ କମ୍ ବୟସରେ ଭାରତ ଆସିଥିଲି। ଭାରତ ମୋତେ ସବୁକିଛି ଦେଇଛି, ମଡେଲିଂ, ଅଭିନୟ କ୍ୟାରିଅର, ମୁଁ ଏଠାରେ ପାଇଥିବା ପ୍ରେମ, ମୋର ବନ୍ଧୁ...

"କିନ୍ତୁ ମୋତେ ଲାଗୁଛି ଯେ ଭାରତରେ ମୋର କୌଣସି ସ୍ୱର ନାହିଁ। ଗତ ଦୁଇ ମାସ ମଧ୍ୟରେ ମୁଁ ମୁମ୍ବାଇରେ ଏତେ ଏକାକୀ ହୋଇଯାଇଛି ଯେ ମୋ ଘର ଲୋକଙ୍କ କଥା ମନେ ପକାଉଛି। କାହିଁକି ନା ମୁଁ କେବେ ବି ଏମିତି ଅନୁଭବ କରିନାହିଁ ଯେପରି ମୁଁ ଏବେ ଅନୁଭବ କରୁଛି। ପ୍ରତିବାଦରେ ଅଂଶଗ୍ରହଣ କରିବା ଏବଂ ଇରାନ ବିଷୟରେ ଖୋଲାଖୋଲି କହିବା ଯୋଗୁଁ ମୁଁ ଅନେକ ବନ୍ଧୁଙ୍କୁ ହରାଇଛି, ଏବଂ ଅନୁଭବ କରୁଛି ଯେ ଭାରତ ମୋତେ ଏକ ପ୍ରକାର ବିଶ୍ୱାସଘାତକତା କରିଛି। ଏବେ ଆଗକୁ ବଢ଼ିବାର ସମୟ ଆସିଛି, ଏବଂ ଆଶା କରୁଛି ଯେ ମୁଁ ଇରାନ ଯିବି।" ସବୁଠାରୁ ବଡ କଥା ଜାନୁଆରୀ ୨୦୨୬ ଠାରୁ ଭାରତରେ କାମ ପାଇବା ବନ୍ଦ ହୋଇଯାଇଛି ଏବଂ ତାଙ୍କର ଯାହା ସବୁ କଣ୍ଟ୍ରାକ୍ଟ ଥିଲା , ତାହା କ୍ୟାନସେଲ କରି ଦିଆଯାଇଛି।

 

 

 

 

View this post on Instagram

 

 

 

 

 

 

 

 

 

 

 

A post shared by Mandana Karimi (@mandanakarimi)

କେବେ ଭାରତ ଆସିଥିଲେ ମନ୍ଦାନା କରିମି?

୧୯୮୮ ମସିହାରେ ଇରାନର ତେହେରାନରେ ମନ୍ଦାନା କରିମିଙ୍କ ଜନ୍ମ । ସେ ସେଠାରେ ବଢ଼ିଥିଲେ ଏବଂ ତା’ପରେ ତାଙ୍କ ବାପାଙ୍କ ସହିତ ଛୁଟିରେ ଭାରତ ଆସିବା ଆରମ୍ଭ କରିଥିଲେ। ୨୦୧୦ ମସିହାରେ, ମନ୍ଦାନା ଏକ ମଡେଲିଂ କଣ୍ଟ୍ରାକ୍ଟ ପାଇଁ ତିନି ମାସ ଯାଏଁ ଭାରତ ଆସିଥିଲେ ଏବଂ ୨୦୧୩ ମସିହାରେ ଏଠାରେ ସ୍ଥାୟୀ ଭାବରେ ରହିଥିଲେ। ଭାରତରେ, ମନ୍ଦାନା କରିମି ଏକ ମଡେଲ ଭାବରେ ତାଙ୍କର କ୍ୟାରିଅର ଆରମ୍ଭ କରିଥିଲେ ଏବଂ ତା’ପରେ ବଲିଉଡରେ କାମ କରିଥିଲେ।

ପରେ ମନ୍ଦାନା କରିମି ୨୦୧୭ ମସିହାରେ ଗୌରବ ଗୁପ୍ତାଙ୍କୁ ବିବାହ କରିଥିଲେ, କିନ୍ତୁ ୨୦୨୧ ମସିହାରେ ତାଙ୍କର ଛାଡପତ୍ର ହୋଇଥିଲା। ତା’ପରେ ମନ୍ଦାନା ତାଙ୍କ ସ୍ୱାମୀ ଓ ପରିବାର ବିରୁଦ୍ଧରେ ଘରୋଇ ହିଂସା ମାମଲା ଦାୟର କରିଥିଲେ। ମନ୍ଦାନା ତାଙ୍କ ଶ୍ୱଶୁର ଘର ଲୋକଙ୍କ ଉପରେ ତାଙ୍କୁ ହଇରାଣ କରୁଥିବା ଅଭିଯୋଗ କରିଥିଲେ। ହେଲେ ପରେ ସେ ସେମାନଙ୍କ ବିରୁଦ୍ଧରେ ମାମଲା ପ୍ରତ୍ୟାହାର କରି ନେଇଥିଲେ। "ଲକ୍ ଅପ୍" ରିଆଲିଟି ଶୋ'ରେ ମନ୍ଦାନା ଅଭିଯୋଗ କରିଥିଲେ ଯେ ଗୌରବ ତାଙ୍କୁ ଜୋର ଜବରଦସ୍ତି ଧର୍ମ ଗ୍ରହଣ କରାଇ ହିନ୍ଦୁ ରୀତିନୀତି ଅନୁସାରେ ବିବାହ କରିଥିଲେ। ସେ "ମୈଁ ଔର ଚାର୍ଲ୍ସ", "ଭାଗ ଜନି", "କ୍ୟା କୁଲ୍ ହେ ହମ୍ ୩" ଏବଂ "ରୟ" ଭଳି ଫିଲ୍ମ ସହିତ "ଲକ୍ ଅପ୍" ଏବଂ "ବିଗ୍ ବସ୍" ରେ ନଜର ଆସିଥିଲେ।

ଅଧିକ ପଢନ୍ତୁ-ଖାମେନିଙ୍କ ମୃତ୍ୟୁ ପରେ ବହୁତ ଖୁସି ଅଛନ୍ତି ଇରାନୀ ଅଭିନେତ୍ରୀ, କହିଲେ- ମୁଁ ମୋ ଦେଶକୁ ଫେରୁଛି...