ନୀତିଶ କୁମାରଙ୍କ ନୂଆ କ୍ୟାବିନେଟର ୩ ମହିଳା ମନ୍ତ୍ରୀ, ଜାଣନ୍ତୁ ଏମାନଙ୍କ ପରିଚୟ

ନୂଆଦିଲ୍ଲୀ ୨୨/୧୧: ଦଶମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ନୀତିଶ କୁମାର। ଗାନ୍ଧି ମଇଦାନରେ ହୋଇଥିଲା ଭବ୍ୟ ଶପଥ ଗ୍ରହଣ ଉତ୍ସବ । ଯେଉଁଥିରେ ନୀତିଶଙ୍କ ସହ ଶପଥ ନେଇଥିଲେ ଆଉ ୨୬ ମନ୍ତ୍ରୀ। ଲଗାତାର ଦଶମ ଥର ପାଇଁ ବିହାର ମୁଖ୍ୟମନ୍ତ୍ରୀ ହୋଇ ରେକର୍ଡ କରିଛନ୍ତି । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଅନ୍ୟାନ୍ୟ ଶୀର୍ଷ ବିଜେପି ଏନଡିଏ ନେତାମାନେ ବି ସାମିଲ ହୋଇଥିଲେ ।

ନୀତିଶ କୁମାରଙ୍କ ସହିତ ୨୬ ଜଣ ଅନ୍ୟ ମନ୍ତ୍ରୀ ଶପଥ ଗ୍ରହଣ ନେଇଥିଲେ । ସେମାନଙ୍କ ମଧ୍ୟରୁ ୧୪ ଜଣ ବିଜେପିରୁ । କାରଣ ଏହା ବିଧାନସଭା ନିର୍ବାଚନରେ ଏକକ ସର୍ବବୃହତ ଦଳ ଭାବରେ ଉଭା ହୋଇଛି। ଜେଡିୟୁର ଆଠ ଜଣ ବିଧାୟକଙ୍କୁ ମନ୍ତ୍ରିମଣ୍ଡଳରେ ସାମିଲ କରାଯାଇଛି । ଲୋକ ଜନଶକ୍ତି ପାର୍ଟି (ରାମ ବିଳାସ)ର ଦୁଇ ଜଣ ମନ୍ତ୍ରୀ ବି ସାମିଲ ଅଛନ୍ତି । ସେହିଭଳି ହିନ୍ଦୁସ୍ତାନୀ ଆୱାମ ମୋର୍ଚ୍ଚା (HAM) ଓ ରାଷ୍ଟ୍ରୀୟ ଲୋକ ମୋର୍ଚ୍ଚା (RLM) ପ୍ରତ୍ୟେକଙ୍କ ମନ୍ତ୍ରିମଣ୍ଡଳରେ ଜଣେ ପ୍ରତିନିଧି ଅଛନ୍ତି।

ଶ୍ରେୟାସୀ ସିଂହ:​​​​​​​ ବିହାରର ପୁରୁଷ-ପ୍ରଧାନ ରାଜନୈତିକ ଦୃଶ୍ୟପଟରେ ଶ୍ରେୟାସୀ ସିଂହ ଆସିବା ଏକ ଚ୍ୟାଲେଞ୍ଜ କହିଲେ ଚଳେ। ୨୯ ଅଗଷ୍ଟ ୧୯୯୧ରେ ଦିଲ୍ଲୀରେ ଜନ୍ମଗ୍ରହଣ କରିଥିବା ସିଂହ ଏକ ପ୍ରମୁଖ ରାଜନୈତିକ ପରିବାରରୁ ଆସିଛନ୍ତି । ତାଙ୍କ ମାଆ ପୁତୁଲ କୁମାରୀ ସାଂସଦ ଭାବରେ କାର୍ଯ୍ୟ କରିଥିଲେ । ତାଙ୍କ ବାପା ଦିଗବିଜୟ ସିଂହ ଜଣେ କେନ୍ଦ୍ର ମନ୍ତ୍ରୀ ଥିଲେ।

ରମା ନିଷାଦ: ରମା ନିଷାଦ ବିହାରର ଜଣେ ପ୍ରମୁଖ ମହିଳା ରାଜନୈତିକ ବ୍ୟକ୍ତିତ୍ୱ ଭାବରେ ଉଭା ହୋଇଛନ୍ତି । ​​​​​​​ଯଦିଓ ତାଙ୍କର ରାଜନୈତିକ ଯାତ୍ରା ଗୁରୁତ୍ୱପୂର୍ଣ୍ଣ ସଫଳତା ଏବେକାର। ପୂର୍ବତନ ସାଂସଦ ଅଜୟ ନିଷାଦଙ୍କ ସେ ପତ୍ନୀ। ସେ ଔରାଇ ନିର୍ବାଚନମଣ୍ଡଳୀର ପ୍ରତିନିଧିତ୍ୱ କରନ୍ତି ଏବଂ ଅତ୍ୟନ୍ତ ପଛୁଆ ବର୍ଗ (EBC) ସମ୍ପ୍ରଦାୟକୁ ମୁଖ୍ୟ ସ୍ରୋତକୁ ଆଣିବା, ତାଙ୍କର ରାଜନୈତିକ ପରିଚୟ ସୃଷ୍ଟି କରିଛି।

ନିର୍ବାଚନରେ ସେ ନିଷାଦ ନିର୍ବାଚନରେ ବିହାରରେ ସର୍ବାଧିକ ସଂଖ୍ୟକ ଭୋଟରେ ବିଜୟୀ ହୋଇ ଏକ ଉଲ୍ଲେଖନୀୟ ରେକର୍ଡ ସ୍ଥାପନ କରିଛନ୍ତି । ସେ ୨୦୨୦ ବିଧାନସଭା ନିର୍ବାଚନରେ ତାଙ୍କ ଜିଲ୍ଲାର ୧୧ ବିଧାନସଭା ନିର୍ବାଚନ ମଣ୍ଡଳୀରେ ସର୍ବାଧିକ ସଂଖ୍ୟକ ଭୋଟରେ ବିଜୟୀ ହେବାର ରେକର୍ଡ ବି ବଜାୟ ରଖିଛନ୍ତି।

ଏହି ବର୍ଷର ବିଧାନସଭା ନିର୍ବାଚନ ପୂର୍ବରୁ, ବିହାରର ଉପମୁଖ୍ୟମନ୍ତ୍ରୀ କିଏ ହେବେ ସେ ବିଷୟରେ କଳ୍ପନାଜଳ୍ପନା ଚାଲିଥିଲା । ନିଷାଦ ମୁଜାଫରପୁର ଜିଲ୍ଲାର ଆଉରାଇ ନିର୍ବାଚନମଣ୍ଡଳୀରୁ ବିକାଶଶୀଳ ଇନସାନ ପାର୍ଟିର ଭୋଗେନ୍ଦ୍ର ସାହାନିଙ୍କୁ ଆରାମରେ ୫୭, ୨୦୬ ଭୋଟ ବ୍ୟବଧାନରେ ପରାସ୍ତ କରିଥିଲେ । ସେ ଏକ ଲକ୍ଷରୁ ଅଧିକ ଭୋଟ ପାଇଥିଲେ, ଏକ ବିରାଟ ବିଜୟ ତାଙ୍କୁ କ୍ୟାବିନେଟରେ ସ୍ଥାନ ଦେଇଛି।

ଲେଶି ସିଂହ: ଛଅ ଥର ବିଧାୟକ ଥିବା ପୂର୍ଣ୍ଣିଆ-ଲେଶି ସିଂହ ପୂର୍ଣ୍ଣିଆ ଜିଲ୍ଲାର ଧାମଦାହା ନିର୍ବାଚନମଣ୍ଡଳୀରୁ ଜେଡି(ୟୁ)ର ପ୍ରତିନିଧିତ୍ୱ କରନ୍ତି । ବିହାର ବିଧାନସଭାରେ ତାଙ୍କର ନିଜସ୍ୱ ରାଜନୈତିକ ଉପସ୍ଥିତି ଆଣିଛନ୍ତି। ୫୧ ବର୍ଷ ବୟସରେ ତାଙ୍କର ଅଭିଜ୍ଞତା ରାଜନୈତିକ ଦିଗକୁ ପ୍ରତିଫଳିତ କରେ। ୨୦୨୫ ବିହାର ବିଧାନସଭା ନିର୍ବାଚନରେ ଧାମଦାହାରୁ ସେ ପ୍ରତିଦ୍ୱନ୍ଦ୍ୱିତା କରିଥିଲେ। ଏହି ଆସନରୁ ସେ ୨୦୧୦ ମସିହାରୁ ପ୍ରତିନିଧିତ୍ୱ କରିଆସୁଛନ୍ତି ।

୫୫,୧୫୯ ଭୋଟ ବ୍ୟବଧାନରେ ଆରଜେଡିର ସନ୍ତୋଷ କୁମାରଙ୍କୁ ପରାସ୍ତ କରିଥିଲେ। ସିଂହ ପୂର୍ବରୁ ୨୦୦୦ ମସିହାରେ (ସମତା ପାର୍ଟି ଟିକେଟରେ) ଏବଂ ୨୦୦୫ ମସିହାରେ ଧାମଦାହାରୁ ଜିତିଥିଲେ।  ଧାମଦାହାରେ ଲେଶି ସିଂହଙ୍କ ବିଜୟ ସ୍ଥିରତାର କାହାଣୀ ଅନେକ ଚର୍ଚ୍ଚା ସୃଷ୍ଟି କରେ। ଏହା ଜଣେ ନେତାଙ୍କ କାହାଣୀ, ଯିଏ ୨୦୦୦ ମସିହାରେ ତାଙ୍କ ସ୍ୱାମୀ ଏବଂ ଶକ୍ତିଶାଳୀ ବୁଟନ ସିଂହଙ୍କ ହତ୍ୟା ପରେ ଧାମଦାହାର ଗ୍ରାମୀଣ ପୂର୍ଣ୍ଣିଆ ଆସନକୁ ନିଜ  ଦୁର୍ଗରେ ପରିଣତ କରିଥିଲେ। 

ରାଜନୀତିରେ ପ୍ରବେଶ କରିବା ପୂର୍ବରୁ ସିଂହ ଡବଲ୍ ଟ୍ରାପ୍ ସୁଟିଂ ଇଭେଣ୍ଟରେ ଜାତୀୟ ଓ ଅନ୍ତର୍ଜାତୀୟ ସ୍ତରରେ ଅଂଶଗ୍ରହଣ କରି ଭାରତର ସବୁଠାରୁ ସଫଳ ରାଇଫଲ୍ ସୁଟରମାନଙ୍କ ମଧ୍ୟରୁ ଜଣେ ଭାବରେ ନିଜକୁ ପ୍ରତିଷ୍ଠିତ କରିଥିଲେ। ସେ ବିହାରର ପ୍ରଥମ ବ୍ୟକ୍ତି ଭାବରେ ରାଜ୍ୟଗୋଷ୍ଠୀ କ୍ରୀଡାରେ ସ୍ୱର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଥିଲେ । ଯାହାକୁ ସେ ଅଷ୍ଟ୍ରେଲିଆର ଗୋଲ୍ଡ କୋଷ୍ଟରେ ୨୦୧୮ ରାଜ୍ୟଗୋଷ୍ଠୀ କ୍ରୀଡାରେ ମହିଳା ଡବଲ୍ ଟ୍ରାପ୍ ବର୍ଗରେ ହାସଲ କରିଥିଲେ।ସେ ସ୍କଟଲ୍ୟାଣ୍ଡର ଗ୍ଲାସଗୋରେ ୨୦୧୪ ରାଜ୍ୟଗୋଷ୍ଠୀ କ୍ରୀଡାରେ ରୌପ୍ୟ ପଦକ ମଧ୍ୟ ଜିତିଥିଲେ ।

୨୪୩ ସଦସ୍ୟ ବିଶିଷ୍ଟ ବିଧାନସଭାରେ ୨୦୨ ଆସନ ଜିତିଥିଲା । ବିଜେପି ସର୍ବାଧିକ ୮୯ଟି ଆସନ ପାଇଥିଲା । ଜେଡି(ୟୁ) ୮୫ଟି, ଏଲଜେପି(ଆରଭି) ୧୯ଟି, ଏଚ୍ଏଏମ୍ ୫ଟି ଏବଂ ଆରଏଲଏମ୍ ୪ଟି ଆସନ ପାଇଥିଲା।