ବିବାହର ୯ ବର୍ଷ ପରେ ଗୁଡନ୍ୟୁଜ୍ ଦେବେ ଦିବ୍ୟଙ୍କା ତ୍ରିପାଠୀ, ମା’ ହେବା ନେଇ କହିଲେ ଏମିତି

ନୂଆଦିଲ୍ଲୀ ୩୦।୧୦; ଟେଲି ଅଭିନେତ୍ରୀ ଦିବ୍ୟାଙ୍କା ତ୍ରିପାଠୀ ଘରେ ଘରେ ପରିଚିତ । ସେ ତାଙ୍କ ଟିଭି ଶୋ’ ମାଧ୍ୟମରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ହାସଲ କରିଛନ୍ତି। ଦିବ୍ୟାଙ୍କା ଏବଂ ବିବେକଙ୍କ ବିବାହକୁ ୯ ବର୍ଷ ବିତିଲାଣି । ପ୍ରଶଂସକମାନେ ଅଭିନେତ୍ରୀଙ୍କ ଠାରୁ ଗୁଡନ୍ୟୁଜ୍‌ ଶୁଣିବାକୁ ଅପେକ୍ଷା କରିଛନ୍ତି।

ଦିବ୍ୟାଙ୍କା ତ୍ରିପାଠି ଏବଂ ବିବେକ ଦହିଆ ୨୦୧୬ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଏହି ଦମ୍ପତିଙ୍କ ବିବାହକୁ ନଅ ବର୍ଷ ହେଲାଣି । ଦିବ୍ୟାଙ୍କା ଏବଂ ବିବେକଙ୍କ ଘରେ କୁନି ସଦସ୍ୟଙ୍କ ଆଗମନକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ଏକ ସାକ୍ଷାତକାରରେ ଅଭିନେତ୍ରୀ ଏହି ଖୁସି ଖବର ବିଷୟରେ କହିଥିଲେ। ଦିବ୍ୟଙ୍କା ମା’ ହେବା ବିଷୟରେ କହିଥିଲେ ଯେ ସେ ଖୁବ୍ ଶୀଘ୍ର ଏହି ଖୁସି ଖବର ସେୟାର କରିବେ। ଆମେ ଏପର୍ଯ୍ୟନ୍ତ କିଛି ଜାଣି ନାହୁଁ…ଏହା ଏକ ସ୍ୱାଭାବିକ କଥା। କିନ୍ତୁ ଏଥିରେ କିଛି ଭଗବାନଙ୍କ କୃପା ଅଛି। ଆମେ ବି ପିତାମାତା ହେବାକୁ ଚାହୁଁ। ବର୍ତ୍ତମାନ, ଆମେ ଦୁହେଁ ପିଲା ପାଇଁ ସମ୍ପୂର୍ଣ୍ଣ ପ୍ରସ୍ତୁତ ।

ଦିବ୍ୟଙ୍କା ଆହୁରି କହିଛନ୍ତି, " ମୁଁ ବର୍ତ୍ତମାନ ଏକ ଶୋ' ସାଇନ୍ କରିଛି। କାମ କରିବା ସମୟରେ ମୁଁ ଗର୍ଭଧାରଣ କରିବାର ମନୋଭାବରେ ନାହିଁ କାରଣ ମୁଁ ଶୋ' ପାଇଁ ମୋର ସମୟ ଦେବାକୁ ଚାହୁଁଛି। ଶୋ' ଶେଷ ହେବା ପରେ ଆମେ ବେବି ପ୍ଲାନିଂ ବିଷୟରେ ଚିନ୍ତା କରିବୁ। ଏବେ ପାଇଁ କିଛି ଯୋଜନା ନାହିଁ। ହୁଏତ ଶୀଘ୍ର ଆପଣଙ୍କୁ ଯଦି ଭଲ ଖବର ଦେଇ ଦବୁ।