ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପୂର୍ବତନ ଉପରାଷ୍ଟ୍ରପତି କମଲା ହାରିସଙ୍କ ସିକ୍ରେଟ୍ ସର୍ଭିସ ସୁରକ୍ଷାକୁ ପ୍ରତ୍ୟାହାର କରିଛନ୍ତି । ହ୍ୱାଇଟ୍ ହାଉସର ଜଣେ ଅଧିକାରୀ ଶୁକ୍ରବାର ଜଣେ ଏହି ସୂଚନା ଦେଇଛନ୍ତି । ସିଏନ୍ଏନ୍ ରିପୋର୍ଟରେ କୁହାଯାଇଛି ଯେ ରାଷ୍ଟ୍ରପତି ଟ୍ରମ୍ପ ଗୁରୁବାର କମଲା ହାରିସ୍ଙ୍କ ସିକ୍ରେଟ୍ ସର୍ଭିସ୍ ସୁରକ୍ଷାକୁ ରଦ୍ଦ କରିଛନ୍ତି । ପୂର୍ବତନ ରାଷ୍ଟ୍ରପତିଙ୍କୁ ସାରା ଜୀବନ ସଂଘୀୟ ସୁରକ୍ଷା ମିଳୁଥିବା ବେଳେ ଉପରାଷ୍ଟ୍ରପତିମାନଙ୍କୁ ସେମାନଙ୍କ ପଦ ଛାଡ଼ିବାର ୬ ମାସ ଯାଏ ସୁରକ୍ଷା ମିଳିଥାଏ । ସୂତ୍ର ଅନୁସାରେ ତତ୍କାଳୀନ ରାଷ୍ଟ୍ରପତି ଜୋ ବାଇଡେନ୍ ଗୁପ୍ତ ଭାବେ ଏକ ନିର୍ଦ୍ଦେଶ ଉପରେ ଦସ୍ତଖତ କରିଥିଲେ, ଯାହା ଅଧିନରେ ହାରିସ୍ଙ୍କୁ ସୁରକ୍ଷା ଛଅ ମାସ ପରେ ବି ସୁରକ୍ଷା ମିଳୁଥିଲା ।
କମଲା ହାରିସଙ୍କ ହାଇ-ପ୍ରୋଫାଇଲ୍ ବୁକ୍ ଟୁର୍ (ବାୟୋଗ୍ରାଫି ୧୦୭ ଡୋଜ୍ ରିଲିଜ୍) ଆରମ୍ଭର କିଛି ସପ୍ତାହ ପୂର୍ବରୁ ଡୋନାଲ୍ଡ ଟ୍ରମ୍ପ୍ ତାଙ୍କ ଗୁପ୍ତ ସେବା ସୁରକ୍ଷା ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । କାର୍ଲିଫର୍ଣ୍ଣିଆର ଡେମୋକ୍ରାଟିକ୍ ଗଭର୍ଣ୍ଣର ଗେବିନ ନ୍ୟୁଜମ୍ ପୂର୍ବତନ ରାଷ୍ଟ୍ରପତିଙ୍କ ସୁରକ୍ଷା ପ୍ରତ୍ୟାହର ବାବଦରେ ସ୍ପଷ୍ଟ କରିଛନ୍ତି । ଆଇନ ଅନୁଯାୟୀ ହାରିସଙ୍କ ଗୁପ୍ତ ସେବା ସୁରକ୍ଷା ଜୁଲାଇ ୨୧ରେ ଶେଷ ହୋଇଥିଲା । କିନ୍ତୁ ପଦ ଛାଡିବା ପୂର୍ବରୁ, ଜୋ ବାଇଡେନ୍ ଗୁପ୍ତ ଭାବରେ ହାରିସଙ୍କ ସୁରକ୍ଷାକୁ ଆଉ ବର୍ଷେ ପାଇଁ ବୃଦ୍ଧି କରିବା ପାଇଁ ଏକ ଆଦେଶରେ ସ୍ୱାକ୍ଷର କରିଥିଲେ । ଯାହା ଏପର୍ଯ୍ୟନ୍ତ ସାର୍ବଜନୀନ ହୋଇନଥିଲା । ଟ୍ରମ୍ପଙ୍କ ନୂତନ ଆଦେଶ ବାଇଡେନଙ୍କ ନିର୍ଦ୍ଦେଶକୁ ରଦ୍ଦ କରିଦେଇଛି । ହାରିସ୍ ପୁଣି ଥରେ ସାର୍ବଜନୀନ କାର୍ଯ୍ୟକ୍ରମକୁ ଆସିବାକୁ ପ୍ରସ୍ତୁତ ହେଉଥିବାରୁ ତାଙ୍କ ସଂଘୀୟ ସୁରକ୍ଷା ପ୍ରତ୍ୟାହାର କରାଯାଇଥିବା ଅଭିଯୋଗ ହୋଇଛି ।
କାଲିଫର୍ଣ୍ଣିଆ ଗଭର୍ଣ୍ଣର ଗାଭିନ୍ ନ୍ୟୁସମ୍ ଏବଂ ଲସ୍ ଆଞ୍ଜେଲସ୍ ମେୟର କରେନ୍ ବାସ୍ ଉଭୟ ହାରିସଙ୍କ ଫେଡେରାଲ୍ ସୁରକ୍ଷା ପ୍ରତ୍ୟାହାର ଉପରେ ଚିନ୍ତା ପ୍ରକାଶ କରିଥିଲେ । ନ୍ୟୁସମଙ୍କ ମୁଖପାତ୍ର ବବ୍ କହିଛନ୍ତି 'ସରକାରୀ ଅଧିକାରୀଙ୍କ ସୁରକ୍ଷା କେବେ ବି ପ୍ରତିଶୋଧ ପରାୟଣ ଓ ରାଜନୈତିକ ଆବେଗ ଅଧୀନ ହେବା ଉଚିତ୍ ନୁହେଁ ।' ସେହିପରି କରେନ୍ ବାସ୍ କହିଛନ୍ତି, ଟ୍ରମ୍ପଙ୍କ ପଦକ୍ଷେପ ପ୍ରତିଶୋଧକୁ ଦର୍ଶାଉଛି । ଫେଡେରାଲ୍ ସୁରକ୍ଷା ପ୍ରତ୍ୟାହାର କରାଯିବା ପରେ, ହ୍ୟାରିସ୍ଙ୍କୁ ମହଙ୍ଗା ବ୍ୟକ୍ତିଗତ ସୁରକ୍ଷା ଉପରେ ନିର୍ଭର କରିବାକୁ ପଡ଼ିପାରେ । ବିଶେଷଜ୍ଞଙ୍କ ମତରେ ବାର୍ଷିକ ଲକ୍ଷ ଲକ୍ଷ ଡଲାର ଖର୍ଚ୍ଚ ହୋଇପାରେ ।
