ଗଗନୟାନ ମିସନ ପାଇଁ ‘ଇସ୍ରୋ’ର ଡ୍ରୋଗ ପାରାସୁଟ୍ ପୀରକ୍ଷଣ ସଫଳ

ଚଣ୍ଡିଗଡ଼ ୨୦।୧୨: ଗଗନୟାନ ମିସନରେ ଭାରତୀୟ ମହାକାଶ ଗବେଷଣା ସଙ୍ଗଠନ (ଇସ୍ରୋ)ଙ୍କୁ ଆଉ ଏକ ସଫଳତା ମିଳିଛି। ଇସ୍ରୋ ଗଗନୟାନ ଚାଳକ ଦଳ ମଡ୍ୟୁଲଙ୍କ ଲାଗି ଗତି-ମନ୍ଦନ ପ୍ରଣାଳୀ (ଡିଲେରେସନ ସିଷ୍ଟମ) ବିକଶିତ କରିବା ନିମନ୍ତେ ଡ୍ରୋଗ ପାରାସ୍ୟୁଟର ସିରିୟେଲ ପରୀକ୍ଷଣ କରିଛି। ଏହି ସବୁ ପରୀକ୍ଷଣ ସଫଳ ହୋଇଥିବା ଏଜେନ୍ସୀ ଶନିବାର ସୂଚନା ଦେଇଛି। ଇସ୍ରୋଙ୍କ ସୂଚନା ଅନୁସାରେ ଏହି ପରୀକ୍ଷଣ ୧୮ ଓ ୧୯ ଡିସେମ୍ବରରେ ଚଣ୍ଡିଗଡ଼ର ଟର୍ମିନାଲ ବାଲିଷ୍ଟିକ ରିସର୍ଚ୍ଚ ଲାବୋରେଟରୀ (ଟିବିଆରଏଲ) ରେଲ ଟ୍ରାକ୍ ରକେଟ ସେଡରେ କରାଯାଇଥିଲା।

ଏଜେନ୍ସୀ ଏକ ବୟାନରେ କହିଛି ଯେ ଗଗନୟାନ କ୍ରୁ ମଡ୍ୟୁଲର ଡିଲେରେସନ ସିଷ୍ଟମରେ ୪ ପ୍ରକାରର ମୋଟ ୧୦ଟି ପାରାସୁଟ ରହିବ। ଇସ୍ରୋଙ୍କ ଅନୁସାରେ ଅବରୋହଣ କ୍ରମ ଆରମ୍ଭରେ ଦୁଇ ଏପେକ୍ସ କଭର ସେପାରେସନ ପାରସୁଟରୁ ଅଲଗା ହେବା ସହିତ ହୋଇଥାଏ। ଏହା ପରେ ଡ୍ରୋଗ ପାରସୁଟ ଖୋଲିଥାଏ, ଯାହା ମଡ୍ୟୁଲକୁ ସ୍ଥିର କରିବା ଓ ଏହାର ଗତିକୁ ମନ୍ଥର କରିବାରେ ସହାୟତା କରିଥାଏ। ଇସ୍ରୋ କହିଛନ୍ତି ଯେ ଡ୍ରୋଗ ପାରାସୁଟ୍ ଖୋଲିବା ପରେ ୩ ପାଇଲଟ ପାରାସୁଟ ଖୋଲିଥାଏ, ଏଥିରୁ ୩ଟି ମୁଖ୍ୟ ପାରାସୁଟ୍ ବାହାରକୁ ବାହାରିଥାଏ। ଏହି ମୁଖ୍ୟ ପାରାସୁଟ କ୍ରୁ ମଡେଲର ଗତିକୁ ଆହୁରି କମ କରିଥାଏ। ଏଣୁ ସୁରକ୍ଷିତ ଲ୍ୟାଣ୍ଡିଂ ସୁନିଶ୍ଚିତ ହୁଏ।

ଡ୍ରୋଗ ପାରାସୁଟ ମିସନର ଏକ ଗୁରୁତ୍ୱପୂର୍ଣ୍ଣ ଘଟକ। ଏହା ଦ୍ୱାରା ପୁନଃ ପ୍ରବେଶ କାଳରେ ଗତିକୁ ସୁରକ୍ଷିତ ସ୍ତର ପର୍ଯ୍ୟନ୍ତ ହ୍ରାସ କରି କ୍ରୁ ମଡେଲକୁ ସ୍ଥିର କରିବାରେ ସହାୟତା କରିଥାଏ। ଏହି ବିଶେଷ ପରୀକ୍ଷଣ ଶୃଙ୍ଖଳା ସମ୍ପର୍କରେ ଇସ୍ରୋ କହିଛି ଯେ ଏଗୁଡିକୁ ଚରମ ପରିସ୍ଥିତିରେ ଡ୍ରୋଗ ପାରାସୁଟର କାର୍ଯ୍ୟକ୍ଷମତା ଓ ବିଶ୍ୱସନୀୟତାର ମୂଲ୍ୟାଙ୍କନ କରିବା ଲାଗି ଅନୁଷ୍ଠିତ ହୋଇଥିଲା। ଏହି ପରୀକ୍ଷଣରେ ବିକ୍ରମ ସାରାଭାଇ ମହାକାଶ କେନ୍ଦ୍ର, ଇସ୍ରୋ, ଏରିୟଲ ଡେଲିଭରି ରିସର୍ଚ୍ଚ ଆଣ୍ଡ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ, ଡିଆରଡିଓ ଏବଂ ଟିବିଆରଏଲ ସକ୍ରିୟ ସହାୟତା ଓ ଭାଗିଦାରୀ ହୋଇଥିଲା।