ନୂଆଦିଲ୍ଲୀ: ମେଗା ନିଲାମୀ ପରେ ହେବାକୁ ଆଇପିଏଲର ନୂତନ ସଂସ୍କରଣକୁ ନେଇ କ୍ରୀଡା ପ୍ରେମୀଙ୍କ ମଧ୍ୟରେ ନାହିଁ ନଥିବା ଉତ୍ସାହ ରହିଛି । ବିଶ୍ୱର ସବୁଠୁ ପ୍ରତୀକ୍ଷିତ କ୍ରିକେଟ୍ ଟୁର୍ଣ୍ଣାମେଣ୍ଟର ୧୮ତମ ସଂସ୍କର ମାର୍ଚ୍ଚ ୨୨ରୁ ଆରମ୍ଭ ହେବ । ସଂସ୍କରଣର ପ୍ରଥମ ମୁକାବିଲା କୋଲକାତା ନାଇଟ୍ ରାଇଡର୍ସ ଓ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ । କୋଲକାତାର ଇଡେନ୍ ଗାର୍ଡେନ୍ରେ ଏହି ମ୍ୟାଚ୍ ଖେଳାଯିବ । ଏହା ପୂର୍ବରୁ ଉଦଘାଟନୀ ସମାରୋହରେ ବଲିଉଡ୍ କଳାକାରଙ୍କ ନାଚ ଓ ଗୀତରେ ଝୁମିବେ ଦର୍ଶକ ।
ଆଇପିଏଲ୍ ପକ୍ଷରୁ ଶୁକ୍ରବାର ଓପନିଂ ସେରିମନି ବାବଦରେ ଆନୁଷ୍ଠାନିକ ସୂଚନା ଦିଆଯାଇଛି । ରଙ୍ଗାରଙ୍ଗା କାର୍ଯ୍ୟକ୍ରମରେ ବଲିଉଡର ଲୋକପ୍ରିୟ କଳାକାର ଓ କଣ୍ଠଶିଳ୍ପୀ ନିଜ ଦମଦାର ପ୍ରଦର୍ଶନ ଦେଖାଇବେ । ବଲିଉଡ୍ ଅଭିନେତ୍ରୀ ଦିଶା ପଟାନୀ, ପ୍ରସିଦ୍ଧ କଣ୍ଠଶିଳ୍ପୀ ଶ୍ରେୟା ଘୋଷାଲ ଓ ପଞ୍ଜାବୀ କଣ୍ଠଶିଳ୍ପୀ ଏବଂ ରାପର୍ କରଣ ଅଉଜଲା ଉଦଘାଟନୀ ମ୍ୟାଚରେ ଦେଖିବାକୁ ମିଳିବେ ।
Brace yourself for a symphony of magic like never before as the soulful Shreya Ghoshal takes the stage at the #TATAIPL 18 Opening Ceremony! 😍
— IndianPremierLeague (@IPL) March 19, 2025
Celebrate 18 glorious years with a voice that has revolutionised melody🎶@shreyaghoshal pic.twitter.com/mJB9T5EdEe
IPL ୨୦୨୫ ଉଦଘାଟନୀ ସମାରୋହ ସମୟ ଏବଂ ସ୍ଥାନ
ସ୍ଥାନ- ଇଡେନ୍ ଗାର୍ଡେନ୍, କୋଲକାତା
ତାରିଖ- ୨୨ ମାର୍ଚ୍ଚ
ଉଦଘାଟନୀ ସମାରୋହ ସମୟ- ସନ୍ଧ୍ୟା ୬ଟା
ପ୍ରଥମ ମ୍ୟାଚ୍- ସନ୍ଧ୍ୟା ୭.୩୦
IPL ୨୦୨୫ରେ ୧୦ଟି ଦଳ ମଧ୍ୟରେ ମ୍ୟାଚ୍ ଖେଳାଯିବ । ଚେନ୍ନାଇ ସୁପର କିଙ୍ଗ୍ସ, କୋଲକାତା ନାଇଟ୍ ରାଇଡର୍ସ, ସନ୍ ରାଇଜର୍ସ ହାଇଦ୍ରାବାଦ, ମୁମ୍ବାଇ ଇଣ୍ଡିଆନ୍ସ,, ଦିଲ୍ଲୀ କ୍ୟାପିଟାଲ୍ସ, ଗୁଜରାଟ ଟାଇଟାନ୍ସ, ଲକ୍ଷ୍ନୌ ସୁପର ଜଏଣ୍ଟସ୍, ପଞ୍ଜାବ କିଙ୍ଗ୍ସ, ରାଜସ୍ଥାନ ରୟାଲ୍ସ, ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଟ୍ରଫି ଜିତିବା ପାଇଁ ଲଢେଇ କରିବେ ।
