ଭୁବନେଶ୍ବର: ବିପିୟୁଟି ଓଡ଼ିଶା ରାଉରକେଲା ପକ୍ଷରୁ ଏନଇପି ୨୦୨୦ର କାର୍ଯ୍ୟକ୍ଷମ ଉପରେ ଆୟୋଜିତ ହୋଇଯାଇଛି ଆଲୋଚନାଚକ୍ର। ଏଥିରେ ବୈଷୟିକ ଏବଂ ବୃତ୍ତିଗତ ଶିକ୍ଷା କ୍ଷେତ୍ରରେ ଏନଇପି ୨୦୨୦ ଆବଶ୍ୟକତା ଏବଂ ଉନ୍ନତିକରଣ କିଭଳି ଛାତ୍ରଛାତ୍ରୀଙ୍କୁ ସହାୟକ ହେବ ସେନେଇ ଆଲୋଚନା କରାଯାଇଛି। ମଙ୍ଗଳବାର ଭୁବନେଶ୍ଵର ଚନ୍ଦ୍ରଶେଖରପୁର ସ୍ଥିତ ରେଳ ଅଡିଟୋରିୟମରେ ଆୟୋଜିତ କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେଇଥିଲେ ବିପିୟୁଟି ଭିସି ପ୍ରଫେସର ଅମୀୟ କୁମାର ରଥ। 

ଏହା ସହ OUTRର ଭିସି ଡ. ବିଭୂତି ଭୂଷଣ ବିଶ୍ବାଳ, ଅଲ୍ ଇଣ୍ଡିଆ କାଉନସିଲ ଫର୍ ଟେକ୍ନିକାଲ ଏଜୁକେଶନର ଚେୟାରମ୍ୟାନ ପ୍ରଫେସର ଟି.ଜି ସୀଥାରାମ ଏବଂ ଓଡ଼ିଶା ୱର୍ଲ୍ଡ ସ୍କୁଲ ସେଣ୍ଟରର ଚିଫ୍ ଏକଜୁକେଟିଭ ଅଫିସର ରଶ୍ମିତା ପଣ୍ଡା ପ୍ରମୁଖ ଉପସ୍ଥିତ ଥିଲେ। ସମସ୍ତେ ୨୦୨୦ ଜାତୀୟ ଶିକ୍ଷା ନୀତିର ବିଭିନ୍ନ ଦିଗ ଉପରେ ମତ ରଖିଥିଲେ। ଏଥି ସହ ଭାରତରେ ନିଯୁକ୍ତିର ସୁଯୋଗ କିଭଳି ଅଛି କିଭଳି ଛାତ୍ରଛାତ୍ରୀମାନେ ଉଚ୍ଚ ଶିକ୍ଷା କ୍ଷେତ୍ରରେ ନିଜକୁ ଯୋଡ଼ି ନିଜ ଭବିଷ୍ୟତ ଗଢିବେ ଏଭଳି ବିଭିନ୍ନ ପ୍ରସଙ୍ଗ ଉପରେ ଆଲୋକପାତ କରିଥିଲେ।