ନୂଆଦିଲ୍ଲୀ: ଭାରତୀୟ ସ୍ପିନର ୟୁଜବେନ୍ଦ୍ର ଚହଲ ଓ ଧନଶ୍ରୀ ବର୍ମାଙ୍କ ସମ୍ପର୍କରେ ଅଫିସିଆଲି ପୂର୍ଣ୍ଣଚ୍ଛେଦ ପଡ଼ିଛି । ଦୁହିଁଙ୍କ ରାସ୍ତା ଏବେ ଅଲଗା ହୋଇଛି । ଦୁହିଁଙ୍କ ମଧ୍ୟରେ ଛାଡ଼ପତ୍ର ହୋଇଛି । ବମ୍ୱେ ହାଇକୋର୍ଟଙ୍କ ଆଦେଶ ପରେ ଗୁରୁବାର ବାନ୍ଦ୍ରା ଫ୍ୟାମିଲି କୋର୍ଟ ଏହି ମାମଲାରେ ରାୟ ଶୁଣାଇଛନ୍ତି । ବିନା କୌଣସି କୁଲିଂ ପିରିୟଡରେ ବିବାହକୁ ଶେଷ କରିବା ପାଇଁ କୋର୍ଟ ମଞ୍ଜୁରି ଦେଇଛନ୍ତି । ଆଜି ଦୁହେଁ ମାଜିଷ୍ଟ୍ରେଟ୍ଙ୍କ ସାମନାରେ ହାଜର ହୋଇଥିଲେ ଓ ଛାଡ଼ପତ୍ରକୁ ମଞ୍ଜୁରି ମିଳିଥିଲା । ଚହଲଙ୍କ ପକ୍ଷ ରଖିଥିବା ଆଇନଜୀବୀ ନୀତିନ କୁମାର ଗୁପ୍ତା କହିଛନ୍ତି, 'କୋର୍ଟ ଉଭୟ ପକ୍ଷଙ୍କ ମିଳିତ ଆବେଦନକୁ ସ୍ୱୀକାର କରିଛନ୍ତି । ଏବେ ଦୁହେଁ ସ୍ୱାମୀ-ସ୍ତ୍ରୀ ନୁହନ୍ତି ।' ୫୧ ମାସ ପରେ ଦୁହିଁଙ୍କ ସମ୍ପର୍କ ଭାଙ୍ଗି ଯାଇଛି ।
#WATCH | Mumbai: On the divorce of Cricketer Yuzvendra Chahal and Dhanashree Verma, Advocate Nitin Kumar Gupta, representing Chahal, says, "The court has granted the decree of divorce. The court has accepted the joint petition of both parties. The parties are no longer husband… pic.twitter.com/LV1BpFwxIN
— ANI (@ANI) March 20, 2025
ଚହଲ ଓ ଧନଶ୍ରୀ ଦୀର୍ଘ ମାସ ହେଲା ପରସ୍ପରଠାରୁ ଅଲଗା ରହୁଥିଲେ । ଦୁହିଁଙ୍କ ଛାଡ଼ପତ୍ରକୁ ନେଇ ଖବର ସାମନାକୁ ଆସିବା ପରେ ଉଭୟ ଅନେକ କ୍ରିପ୍ଟିକ୍ ପୋଷ୍ଟ ସୋସିଆଲ୍ ମିଡିଆରେ ସେୟାର କରିଥିଲେ । ଏହାସହ ଚହଲ-ଧନଶ୍ରୀ ଇନଷ୍ଟାଗ୍ରାମରେ ପରସ୍ପରକୁ ଅନଫୋଲୋ କରିଥିଲେ । ଧନଶ୍ରୀଙ୍କ ସହ ଥିବା ସବୁ ଫଟୋକୁ ଚହଲ ହଟାଇ ଦେଇଥିଲେ । ୨୦୨୨ରେ ଦୁହିଙ୍କ ସମ୍ପର୍କରେ ଫାଟ ହୋଇଥିବା ଖବର ସାମନାକୁ ଆସିଥିଲା । ସେତେବେଳେ ଧନଶ୍ରୀ ବର୍ମା ଚହଲ ସରନେମ୍ ହଟାଇ ଦେଇଥିଲେ । ତେବେ ପରେ ଦୁହେଁ ପୋଷ୍ଟ କରି ସବୁକିଛି ଠିକ୍ ଥିବା କହିଥିଲେ ।
#WATCH | Mumbai | Cricketer Yuzvendra Chahal arrives at Bandra Family Court for hearing in his divorce proceedings pic.twitter.com/tltfYsd3hM
— ANI (@ANI) March 20, 2025
୨୦୨୦ରେ ଲକ୍ଡାଉନ୍ ସମୟରେ ଭର୍ଚୁଆଲ୍ ମୋଡ୍ରେ ଚହଲ ଓ ଧନଶ୍ରୀଙ୍କ ଭେଟ ହୋଇଥିଲା । ଏକ ସାକ୍ଷାତକାରରେ ଧନଶ୍ରୀ କହିଥିଲେ ଯେ ଚହଲ ଲକ୍ଡାଉନ୍ ସମୟରେ ତାଙ୍କର ଅନ୍ଲାଇନ୍ କ୍ଲାସ୍ ଜଏନ୍ କରିଥିଲେ ଓ ଏହି ସମୟରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଅଢେଇ ମାସର ପ୍ରେମ ପରେ ଚହଲ ଓ ଧନଶ୍ରୀ ନିର୍ବନ୍ଧ କରିଥିଲେ । ଏହାପରେ ୨୦୨୦ ଡିସେମ୍ୱର ୨୨ରେ ଦୁହେଁ ବିବାହ କରିଥିଲେ ।
ଚହଲ ଓ ଧନଶ୍ରୀ ଉଭୟେ ଫେବ୍ରୁଆରୀ ୫ରେ ଫ୍ୟାମିଲି କୋର୍ଟରେ ପରସ୍ପରର ସହମତିରେ ଛାଡ଼ପତ୍ର ନେବା ପାଇଁ ଯାଚିକା ଦାଖଲ କରିଥିଲେ । ତେବେ ଫ୍ୟାମିଲି କୋର୍ଟ ୬ ମାସ କୁଲିଂ ପିରିୟଡ୍କୁ ଛାଡ଼ କରିବାକୁ ମନା କରିଦେଇଥିଲେ । ଏହାପରେ ଚହଲ ଓ ଧନଶ୍ରୀ ଉଭୟ ଫ୍ୟାମିଲି କୋର୍ଟରେ ଏହି ରାୟକୁ ଚ୍ୟାଲେଞ୍ଜ କରିଥିଲେ । ଉଲ୍ଲେଖଯୋଗ୍ୟ ଯେ ହିନ୍ଦୁ ମ୍ୟାରେଜ୍ ଆକ୍ଟର ଧାରା ୧୩ବି ଅନୁସାରେ ୬ ମାସର କୁଲିଂ ପିରିୟଡ୍ ଜରୁରି ହୋଇଥାଏ ।
ଚାମ୍ପିଅନ୍ସ ଟ୍ରଫି ଫାଇନାଲରେ ଆରଜେ ମହବଶଙ୍କ ସହ ନଜର ଆସିଥିଲେ ଚହଲ । ଦୁବାଇ ଷ୍ଟାଡିୟମରେ ବସି ଦୁହେଁ ମ୍ୟାଚ୍ ଦେଖୁଥିଲେ । ଧନଶ୍ରୀଙ୍କ ସହ ବିବାହ ବିଚ୍ଛେଦ ଚର୍ଚ୍ଚା ଭିତିରେ ଦୁହିଁଙ୍କ ସହ ଭିଡିଓ ଓ ଫଟୋ ବେଶେ ଚର୍ଚ୍ଚାର ବିଷୟ ହୋଇଥିଲା ।
