ନୂଆଦିଲ୍ଲୀ ୦୧।୦୫: ପରମାଣୁ ବୋମାକୁ ନେଇ ଏବେ ବେଶ୍ ଚର୍ଚ୍ଚା । ପାକିସ୍ତାନ ଭାରତକୁ ଦେଇଛି ପରମାଣୁ ବୋମା ଧମକ । କିନ୍ତୁ କେମିତି ଜାଣିବେ ଗୋଟିଏ ଦେଶ ପାଖରେ କେତେ ଅଛି ପରମାଣୁ ଅସ୍ତ୍ର ? ଏହାର କିଏ ରଖେ ହିସାବ ?
ଦ୍ୱିତୀୟ ବିଶ୍ୱଯୁଦ୍ଧ ସମୟରେ, ଆମେରିକା ଜାପାନର ହିରୋସିମା ଏବଂ ନାଗାସାକିରେ ଦୁଇଟି ପରମାଣୁ ବୋମା ପକାଇଥିଲା। ଏଥିରେ ଜାପାନର ଲକ୍ଷ ଲକ୍ଷ ଲୋକ ପ୍ରାଣ ହରାଇଥିଲେ । ଷ୍ଟକ୍ହୋମ୍ ରିପୋର୍ଟ ଅନୁଯାୟୀ ବିଶ୍ୱର ଅନେକ ଦେଶ ପରମାଣୁ ଅସ୍ତ୍ରଶସ୍ତ୍ର ପାଇଁ କୋଟି କୋଟି ଡଲାର ଖର୍ଚ୍ଚ କରୁଛନ୍ତି । ଏହାର ନିର୍ମାଣ ଠାରୁ ରକ୍ଷଣାବେକ୍ଷଣ ପର୍ଯ୍ୟନ୍ତ ମୋଟା ଅଙ୍କର ହୋଇଥାଏ ଖର୍ଚ୍ଚ ।
ବର୍ତ୍ତମାନ ସୁଦ୍ଧା ବିଶ୍ୱର ୯ଟି ଦେଶ ପାଖରେ ରହିଛି ପରମାଣୁ ଅସ୍ତ୍ର । ଏହି୯ଟି ଦେଶ ମଧ୍ୟରେ ରୁଷ, ଆମେରିକା, ଚୀନ୍, ଭାରତ, ପାକିସ୍ତାନ, ଫ୍ରାନ୍ସ, ୟୁକେ, ଫ୍ରାନ୍ସ, ଇସ୍ରାଏଲ ଏବଂ ଉତ୍ତର କୋରିଆ ସାମିଲ ରହିଛି । ବାସ୍ତବରେ ସବୁ ଦେଶ ପରମାଣୁ ଅସ୍ତ୍ରର ହିସାବ ଆନ୍ତର୍ଜାତୀୟ ସଂଗଠନକୁ ଦେବାକୁ ପଡିଥାଏ । ଅସ୍ତ୍ରଶସ୍ତ୍ରର ସୂଚନା ରଖିବା ପାଇଁ ଜାତିସଂଘର ରହିଛି ଏକ ପ୍ରମୁଖ ସଂଗଠନ।
ଜାତିସଂଘ ପାଖରେ ସବୁ ଦେଶର ପାରମ୍ପରିକ ଅସ୍ତ୍ରଶସ୍ତ୍ରର ଏକ ସମ୍ପୂର୍ଣ୍ଣ ତାଲିକା ଅଛି । ଏହାବ୍ୟତୀତ ଜାତିସଂଘ ରାସାୟନିକ ଅସ୍ତ୍ରର ସୂଚନା ରଖିଥାଏ । ତେବେ ଆର୍ମ କଣ୍ଟ୍ରୋଲ୍ ଆସୋସିଏସନ୍ ଅସ୍ତ୍ରଶସ୍ତ୍ର ନିୟନ୍ତ୍ରଣ ଏବଂ ନିରସ୍ତ୍ରୀକରଣ ଉପରେ କାମ କରିଥାଏ କରିଥାଏ ଏବଂ ଅସ୍ତ୍ରଶସ୍ତ୍ର ବିଷୟରେ ସୂଚନା ପ୍ରଦାନ କରେ।
