News7 Logo

ପରଲୋକରେ ମାଲାୟଲମ ଅଭିନେତା କନ୍ନନ ପଟ୍ଟାମ୍ଵୀ, କିଡନୀ ଜନିତ ରୋଗରେ ଥିଲେ ପୀଡିତ

Published By: Prameya-News Bureau - Prameya-News Bureau | January 05, 2026 12:08 PM
NEWS7
congress-protest-against-karnataka-governors-decision

ମୁମ୍ଵାଇ ୦୫।୦୧; ମାଲାୟଲମ ସିନେମାର ଜଣାଶୁଣା ପ୍ରଡକ୍ସନ କଣ୍ଟ୍ରୋଲର ଏବଂ ଅଭିନେତା କନ୍ନନ ପଟ୍ଟାମ୍ବୀ। ଏବେ ସେ ଦୁନିଆକୁ ଅଲବିଦା କହିଛନ୍ତି । ରବିବାର ବିଳମ୍ବିତ ରାତିରେ ତାଙ୍କର ଦେହାନ୍ତ ହୋଇଛି। ଏହି ଖବର ସାମ୍ନାକୁ ଆସିବା ପରେ ଚଳଚ୍ଚିତ୍ର ଜଗତରେ ଶୋକ ଖେଳିଯାଇଥିଲା। ସେ ପ୍ରାୟ ତିନି ଦଶନ୍ଧି ଧରି ସିନେମାରେ ସକ୍ରିୟ ଥିଲେ। ପରଦା ପଛରେ ଏବଂ ପରଦା ସାମ୍ନାରେ ରହି ବହୁ ଭୂମିକା ନିର୍ବାହ କରିଥିଲେ। ଅଭିନେତା ଜାନୁଆରୀ ୪ ତାରିଖ ରାତି ପ୍ରାୟ ୧୧:୪୧ ସମୟରେ ପାଲକ୍କଡର ନ୍ୟାଙ୍ଗତିରିସ୍ଥିତ ଘରେ ଆଖି ବୁଜି ଥିଲେ। ତାଙ୍କ ଦେହାନ୍ତର ଖବର ସାମ୍ନାକୁ ଆସିବା ମାତ୍ରେ, ତାଙ୍କ ସାଥୀ ଅଭିନେତା ଏବଂ ଟେକ୍ନିସିଆନମାନଙ୍କ ଠାରୁ ଶ୍ରଦ୍ଧାଞ୍ଜଳିର ସୁଅ ଛୁଟିଛି।

କନ୍ନନ ପଟ୍ଟାମ୍ବୀଙ୍କ ଅନ୍ତିମ ସଂସ୍କାର କେବେ ?

ତାଙ୍କ ବଡ଼ ଭାଇ ତଥା ଅଭିନେତା-ନିର୍ଦ୍ଦେଶକ ମେଜର ରବି ଏକ ଫେସବୁକ୍ ପୋଷ୍ଟ ମାଧ୍ୟମରେ ଏହି ଖବରକୁ ନିଶ୍ଚିତ କରିଛନ୍ତି । ଏକ ଭାବପ୍ରବଣ ବାର୍ତ୍ତାରେ, ମେଜର ରବି କହିଛନ୍ତି ଯେ ତାଙ୍କ ସାନ ଭାଇ, ଯିଏ ଜଣେ ଚଳଚ୍ଚିତ୍ର ପ୍ରଡକ୍ସନ କଣ୍ଟ୍ରୋଲର ଭାବରେ କାର୍ଯ୍ୟ କରିଥିଲେ। ଗତକାଲି ବିଳମ୍ବିତ ରାତିରେ ତାଙ୍କର ଦେହାନ୍ତ ହୋଇଥିଲେ। ସେ ଏହା ମଧ୍ୟ କହିଛନ୍ତି ଯେ ସୋମବାର ଅପରାହ୍ନ ୪ଟାରେ ନ୍ୟାଙ୍ଗତିରିସ୍ଥିତ ଶେଷକୃତ୍ୟ ହେବ।

କନ୍ନନ ପଟ୍ଟାମ୍ବୀଙ୍କ ସିନେମାରେ ଉଲ୍ଲେଖନୀୟ ଅବଦାନ ପାଇଁ ଜଣାଶୁଣା ଥିଲେ। ସେ ଜଣେ ଅଭିନେତା ଏବଂ ପ୍ରଯୋଜନା ଦଳର ଜଣେ ପ୍ରମୁଖ ସଦସ୍ୟ ଭାବରେ ପ୍ରସିଦ୍ଧି ଅର୍ଜନ କରିଥିଲେ। ସେ ପ୍ରାୟତଃ ଲାଇମଲାଇଟରୁ ଦୂରରେ ରହୁଥିଲେ। ଜଣେ ଅଭିନେତା ଭାବରେ, ସେ ପ୍ରାୟ ୨୩ ଟି ମାଲାୟଲମ ଚଳଚ୍ଚିତ୍ରରେ ଅଭିନୟ କରିଥିଲେ। ଯେଉଁଥିରୁ ଅନେକ ବ୍ଲକବଷ୍ଟର ଥିଲା। ଏତିକି ହିଁ ନୁହେଁ ସେ ମୋହନଲାଲଙ୍କ ସହିତ ମଧ୍ୟ କାମ କରିଥିଲେ।

କନ୍ନନ ପଟ୍ଟାମ୍ବୀଙ୍କ ମୃତ୍ୟୁର କାରଣ

ରିପୋର୍ଟ ଅନୁଯାୟୀ, କନ୍ନନ ପଟ୍ଟାମ୍ବୀଙ୍କ ମୃତ୍ୟୁ କିଡନୀ ଜନିତ ରୋଗ ଯୋଗୁଁ ହୋଇଥିଲା। ତାଙ୍କ ଅଭିନୟ କ୍ୟାରିୟରରେ ତାଙ୍କର ସବୁଠାରୁ ବଡ଼ ସଫଳତା ଥିଲା ପୁଲିମୁରୁଗନ୍, ମାଲାୟଲମ ସିନେମାର ବ୍ଲକବଷ୍ଟର ଏବଂ ଐତିହାସିକ ଚଳଚ୍ଚିତ୍ର। ସେ ଓଡିଆନ୍ ଏବଂ 12th ମ୍ୟାନ୍ ଭଳି ଲୋକପ୍ରିୟ ଏବଂ ସମୀକ୍ଷକଙ୍କ ଦ୍ୱାରା ପ୍ରଶଂସିତ ଚଳଚ୍ଚିତ୍ରର ମଧ୍ୟ ଏକ ଅଂଶ ଥିଲେ। ଗତ କିଛି ବର୍ଷ ଧରି, ପଟ୍ଟାମ୍ବୀ ଅନନ୍ତଭଦ୍ରମ୍, ଭେଟ୍ଟମ୍ ଏବଂ କୀର୍ତିଚକ୍ର ଭଳି ଚଳଚ୍ଚିତ୍ରରେ ଅଭିନୟ କରିଛନ୍ତି।