ଭୁବନେଶ୍ବର ୩୦।୪: ଓଡ଼ିଶାର ଚାଷୀ ସବୁଠାରୁ ଦୁଃଖରେ ଅଛନ୍ତି ବୋଲି କହିଛନ୍ତି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ । ଏ ସରକାର ସମୟରେ କଟନୀ ଛଟନୀ ଅଧିକ ହୋଇଛି l ଗୋଟେ ଚାଷୀ ପାଇଁ ସରକାର ୨ ହଜାର ଟଙ୍କା ସହାୟତା ଦେଇଛନ୍ତି l ଚାଷୀ ଏମ୍ଏସ୍ପି ଠିକ୍ ସେ ପାଉନାହିଁ l ଚାଷୀଙ୍କ ସୁରକ୍ଷା ନାହିଁ କି ପେନସନ ନାହିଁ l ଋଣ ଭାରରେ ଓଡ଼ିଶାର ଚାଷୀ l ତେଣୁ ଚାଷୀଙ୍କ ପାଇଁ ରାଜ୍ୟ ସରକାର ଗୋଟେ ସ୍ବତନ୍ତ୍ର ଯୋଜନା ଆଣୁ l ଚାଷୀର ପୁଅ ଆଜି ଏ ସରକାର ପାଇଁ ଚାଷ କରୁନାହିଁ l
ରାମଚନ୍ଦ୍ର କାଡାମ, କଂଗ୍ରେସ ବିଧାୟକ ଦଳ ନେତା
କାଡାମ ଆହୁରି କହିଛନ୍ତି, କେତେ ପ୍ରତିଶୃତି ବିଜେପି ସରକାର ପୂରଣ କରିଛନ୍ତି ଶ୍ୱେତପତ୍ର ଜାରି କରନ୍ତୁ ସରକାର । ବିଜେପି ଯାହା ପ୍ରତିଶ୍ରୁତି ଦେଇଥିଲା ତାହା ପୂରଣ କରିନାହିଁ l ସରକାର ଗଠନର ୨୪ ଘଣ୍ଟା ମଧ୍ୟରେ ଚିଟ୍ଫଣ୍ଡ ଟଙ୍କା ଫେରସ୍ତ କଥା କହିଥିଲେ, ଦେଲେ କି ? କୁଆଡେ ଗଲା ୩୦୦ ୟୁନିଟ୍ ମାଗଣା ବିଜୁଳି, ଓଡ଼ିଆ ଅସ୍ମିତା ଆଜି କେଉଁଠି, ଓଡ଼ିଶାରେ ଓଡ଼ିଆ ଲୋକ ରହିବାକୁ ଚାହୁଛନ୍ତି ହେଲେ ପଡୋଶୀ ରାଜ୍ୟ ସେ ଅଧିକାର ଛଡ଼ାଇ ନେଉଛି । ଶ୍ରୀମନ୍ଦିରରେ ଅବ୍ୟବସ୍ଥା ଜାରି ରହିଛି, ଗଣତିମଣତିର ହିସାବ ନାହିଁ, ନାରୀ ନିର୍ଯାତନା ବଢ଼ିବଢ଼ି ଚାଲିଛି, ଦରଦାମ ଆକାଶ ଛୁଆଁ ହୋଇଛି l ଯେଉଁ ଯୋଜନା ଡବଲ ଇଞ୍ଜିନ ସରକାର କରିଛନ୍ତି ତାହା ବି ଲୋକଙ୍କୁ ଠକିଛନ୍ତି l ସୁଭଦ୍ରା ଯୋଜନାରେ କ’ଣ କହିଥିଲେ, କ’ଣ କଲେ ମହିଳା ବୁଝିଲେଣି l ତେଣୁ ବର୍ଷ ପୂର୍ତ୍ତିରେ ରାଜ୍ୟ ସରକାର ଓଡ଼ିଶାବାସୀଙ୍କ ପାଖରେ ଶ୍ୱେତପତ୍ର ଜାରି କରନ୍ତୁ ବୋଲି କାଡାମ କହିଛନ୍ତି ।
You Can Read:
