ସାଲେପୁର ୩୦।୮: ଗଣେଶ ଭସାଣି ନିୟମ ଉଲଂଘନ କଲେ କମିଟି । କଟକ ଜିଲ୍ଲା କିଶନ ନଗର ଥାନା ଈଶାଣୀ ବ୍ରହ୍ମହପୁର ଗ୍ରାମ ପଞ୍ଚାୟତ  ଖେଣ୍ଟାଳ ଗ୍ରାମରେ ଚାଲିଥିବା ଗଣେଶ ଭସାଣିରେ ନିୟମ ଉଲଂଘନ । କିଶନ ନଗର ଥାନା ଅଧିକାରିଣୀ ଦୁର୍ଗେଶ ନନ୍ଦିନୀ ମହାନ୍ତି ଭାସାଣିକୁ ବନ୍ଦ କରିଥିଲେ ।

ସୂଚନାଯୋଗ୍ୟ ଯେ, ବିଗତ କିଛି ଦିନ ତଳୁ କିଶନ ନଗର ଥାନାରୁ ଲିଖିତ ଭାବରେ କମିଟି ମାନେ ୬ଟି ବକ୍ସ ବଜାଇବା ପାଇଁ ଅନୁମତି ଆଣିଥିବା ବେଳେ ୨୧ଟି ବକ୍ସ ଲଗାଇ ପ୍ରସେସନ କରୁଥିଲେ । କିଶନ ନଗର ଖେଣ୍ଟାଳ ଗ୍ରାମର ୩ଟି କମିଟିର ଗଣେଶ ମେଢ଼ ଭସାଣି ଉତ୍ସବରେ ବାହାରୁଥିବା ବେଳେ କିଶନ ନଗର ପୋଲିସ ଭସାଣି ଉତ୍ସବରେ ପହଞ୍ଚି ପ୍ରସେସନକୁ ଅଟକାଇଥିଲେ । ଗଣେଶ ମେଢ଼ ଗୁଡ଼ିକରେ ନିୟମ ଅନୁସାରେ ୬ରୁ ଅଧିକ ବକ୍ସ ଲଗାଯାଇଥିଲା । ସଙ୍ଗେ ସଙ୍ଗେ ଥାନା ଅଧିକାରିଣୀ ଦୁର୍ଗେଶ ନନ୍ଦିନୀ ଏହାକୁ ବିରୋଧ କରି ପ୍ରସେସନ ବନ୍ଦ କରିଥିଲେ ।  କମିଟିର ସମସ୍ତ ସଦସ୍ୟଙ୍କ ସହ ଆଲୋଚନା ପରେ ବକ୍ସ କଢାଯାଇ ୬ଟି ବକ୍ସ ଲଗାଯାଇ ପ୍ରସେସନ କରାଯାଇ ଗଣେଶ ଠାକୁରଙ୍କ   ଶୋଭାଯାତ୍ରା କରାଯାଇଥିଲା । ଯଦି ଆଗାମୀ ଦିନରେ କୌଣସି ଅନୁଷ୍ଠାନ ନିୟମକୁ ଉଲଂଘନ କରନ୍ତି ତେବେ ଆଇନ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କିଶନ ନଗର ଥାନା ଅଧିକାରିଣୀ ଦୁର୍ଗେଶ ନନ୍ଦିନୀ ମହାନ୍ତି ଚେତାବନୀ ଦେଇଛନ୍ତି ।

You Can Read:

ସାର ଉପରେ କହିବା ପାଇଁ ବିରୋଧୀ ଦଳ ନେତାଙ୍କ ନୈତିକତା ନାହିଁ