ଡକାୟତି ଘଟଣାରେ ୫ ଡକାୟତ ଗିରଫ, ଲୁଟ୍ ସାମଗ୍ରୀ ସହ ନଗଦ ଟଙ୍କା ଜବତ

ପାଟଣାଗଡ଼ ୪।୧୧: ପାଟଣାଗଡ଼ ପୋଲିସକୁ ବଡ଼ ସଫଳତା । ୫ ଜଣ ଡକାୟତ ଗିରଫ ହୋଇଛନ୍ତି । ଟଙ୍କା ଓ ସୁନା ଲୁଟ୍ ଘଟଣାରେ ଡକାୟତ ମାନେ ଗିରଫ ହୋଇଥିବା ଜଣାପଡିଛି । ଡକାୟତ ମାନଙ୍କ ଠାରୁ ଲୁଟ୍ ସାମଗ୍ରୀ ସହ ନଗଦ ଟଙ୍କା ଜବତ ହୋଇଛି ।

ସୂଚନାଯୋଗ୍ୟ ଯେ, ବଲାଙ୍ଗିର ଜିଲ୍ଲା ପାଟଣାଗଡ଼ ଥାନା କୁଆବାଉଁଶ ଗାଁରୁ ଗତ ଅକ୍ଟୋବର ୧୭ ତାରିଖରେ ରମାକାନ୍ତ ସରାଫଙ୍କ ଘରୁ ଡକାୟତ ମାନେ ଟଙ୍କା ଓ ସୁନା ଲୁଟିନେଇଥିବା ପାଟଣାଗଡ଼ ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ବଲାଙ୍ଗିର ଏସ୍‌ପି ଅଭିଳାଷ ଜିଙ୍କ ନିର୍ଦ୍ଦେଶରେ ପାଟଣାଗଡ଼ ଏସ୍‌ଡିପିଓ ସଦାନନ୍ଦ ପୂଜାରୀଙ୍କ ତତ୍ଵାବଧାନରେ ଥାନା ଅଧିକାରୀ ହରିବନ୍ଧୁ ଗଡ଼ତ୍ୟାଙ୍କ ନେତୃତ୍ୱରେ ଏକ ଟିମ୍ ଗଠନ କରି ତଦନ୍ତ କରୁଥିବା ବେଳେ ୫ ଜଣ ଡକାୟତଙ୍କୁ ଗିରଫ କରି କୋର୍ଟ ଚାଲାଣ କରିଛି ପାଟଣାଗଡ଼ ପୋଲିସ । ଡକାୟତ ମାନଙ୍କ ଠାରୁ ଗୋଟିଏ ସୁନାଚେନ୍, ହଳେ କାନଫୁଲ, ପାଞ୍ଚୋଟି ମୋବାଇଲ ଫୋନ୍, ଜମିଜମା ଦସ୍ତାବିଜ, ଏକ ହଜାର ଟଙ୍କା ଓ ଦୁଇଟି ଛୁରୀ ଜବତ କରାଯାଇଛି ବୋଲି ପ୍ରେସମିଟ୍ କରି ପୋଲିସ ସୂଚନା ଦେଇଛନ୍ତି ପାଟଣାଗଡ଼ ଏସ୍‌ଡିପିଓ ସଦାନନ୍ଦ ପୂଜାରୀ ।