ବିଜେପି ପାଇଥିବା ଚାନ୍ଦାରେ ରେକର୍ଡ ୬୮% ବୃଦ୍ଧି, କଂଗ୍ରେସର ୪୩% ହ୍ରାସ, ଜାଣନ୍ତୁ କେଉଁ ଦଳକୁ ମିଳିଛି କେତେ ଟଙ୍କା

ନୂଆଦିଲ୍ଲୀ: ଭାରତୀୟ ଜନତା ପାର୍ଟି ୨୦୨୪-୨୫ ଆର୍ଥିକ ବର୍ଷରେ ମୋଟ ୬,୬୫୪.୯୩ କୋଟି ଦାନ ପାଇଛି । ଏହା ପୂର୍ବ ବର୍ଷ ତୁଳନାରେ ୬୮ ପ୍ରତିଶତ ଅଧିକ । ଆଲୋଚ୍ୟ ବର୍ଷରେ ଲୋକସଭା ନିର୍ବାଚନ ଅନୁଷ୍ଠିତ ହୋଇଥିଲା । ସଦସ୍ୟତା ଅନୁସାରେ ବିଶ୍ୱର ସର୍ବବୃହତ ରାଜନୈତିକ ଦଳ ବିଜେପି ଶେଷ ଆର୍ଥିକ ବର୍ଷ ପାଇଁ ଏହାର ଦାନ ରିପୋର୍ଟ ଡିସେମ୍ବର ୮ରେ ନିର୍ବାଚନ କମିଶନଙ୍କ ନିକଟରେ ଦାଖଲ କରିଥିଲା । ନିର୍ବାଚନ କମିଶନଙ୍କ ୱେବସାଇଟରେ ଉପଲବ୍ଧ ଏହି ରିପୋର୍ଟରେ ୨୦,୦୦୦ରୁ ଅଧିକ ସମସ୍ତ ଦାନର ବିବରଣୀ ରହିଛି ।

ଦାନ କେବେ ଏବଂ କେଉଁ ନିର୍ବାଚନ ସମୟରେ ମିଳିଥିଲା?

ରିପୋର୍ଟ ଅନୁଯାୟୀ, ଏହି ଦାନ ୧ ଏପ୍ରିଲ୍ ୨୦୨୪ରୁ ୩୦ ମାର୍ଚ୍ଚ ୨୦୨୫ ମଧ୍ୟରେ ଗ୍ରହଣ କରାଯାଇଛି । ଏହି ସମୟ ମଧ୍ୟରେ ଲୋକସଭା ନିର୍ବାଚନ ସହିତ ଅରୁଣାଚଳ ପ୍ରଦେଶ, ସିକିମ୍, ଆନ୍ଧ୍ର ପ୍ରଦେଶ, ଓଡ଼ିଶା, ଜମ୍ମୁ କାଶ୍ମୀର, ହରିୟାଣା, ଝାଡ଼ଖଣ୍ଡ, ମହାରାଷ୍ଟ୍ର ଏବଂ ଦିଲ୍ଲୀରେ ବିଧାନସଭା ନିର୍ବାଚନ ମଧ୍ୟ ସାମିଲ ରହିଛି । ବିଜେପି ଗତ ଆର୍ଥିକ ବର୍ଷରେ ୩,୯୬୭ କୋଟି ଟଙ୍କା ଦାନ ପାଇଥିଲା, ଯାହା ଚଳିତ ବର୍ଷ ୬୮ ପ୍ରତିଶତ ବୃଦ୍ଧି ପାଇଛି ।

ନିର୍ବାଚନ ଟ୍ରଷ୍ଟରୁ ସର୍ବାଧିକ ଅବଦାନ

ରିପୋର୍ଟରେ କୁହାଯାଇଛି ଯେ ବିଜେପିକୁ ମିଳିଥିବା ମୋଟ ଦାନର ପ୍ରାୟ ୪୦ ପ୍ରତିଶତ ନିର୍ବାଚନୀ ଟ୍ରଷ୍ଟରୁ ଆସିଥିଲା ।

• ପ୍ରୁଡେଣ୍ଟ ଇଲେକ୍ଟୋରାଲ୍ ଟ୍ରଷ୍ଟ: ୨,୧୮୦ କୋଟି
• ପ୍ରୋଗ୍ରେସିଭ୍ ଇଲେକ୍ଟୋରାଲ୍ ଟ୍ରଷ୍ଟ: ୭୫୭ କୋଟି
• ନ୍ୟୁ ଡେମୋକ୍ରାଟିକ୍ ଇଲେକ୍ଟୋରାଲ୍ ଟ୍ରଷ୍ଟ: ୧୫୦ କୋଟି
• ଅନ୍ୟାନ୍ୟ ଟ୍ରଷ୍ଟଗୁଡ଼ିକରୁ ମୋଟ ୩,୧୧୨.୫ କୋଟି ପ୍ରାପ୍ତ ହୋଇଥିଲା
• ଅବଶିଷ୍ଟ ଦାନ କମ୍ପାନି ଏବଂ ବ୍ୟକ୍ତିଗତ ଦାତାମାନଙ୍କଠାରୁ ଆସିଥିଲା

କର୍ପୋରେଟ୍ ଦାତାଙ୍କ ଠାରୁ ଦାନ

• ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ: ୧୦୦ କୋଟି
• ରୁଙ୍ଗଟା ସନ୍ସ ପ୍ରାଇଭେଟ୍ ଲିମିଟେଡ୍: ୯୫ କୋଟି
• ବେଦାନ୍ତ: ୬୭ କୋଟି
• ମାକ୍ରୋଟେକ୍ ଡେଭଲପର୍ସ (ଲୋଧା): ୬୫ କୋଟି
• ବଜାଜ ଗ୍ରୁପ୍ ତିନୋଟି କମ୍ପାନି: ୬୫ କୋଟି
• ଡିରାଇଭ ଇନଭେଷ୍ଟମେଣ୍ଟ: ୫୦ କୋଟି

ଅନ୍ୟାନ୍ୟ ଦାନ:

• ମାଲାବାର ଗୋଲ୍ଡ: ୧୦ କୋଟି
• କଲ୍ୟାଣ ଜୁଏଲର୍ସ: ୧୫.୧ କୋଟି
• ହିରୋ ଗ୍ରୁପ୍: ୨୩.୬୫ କୋଟି
• ଦିଲୀପ ବିଲ୍ଡକନ୍: ୨୯ କୋଟି
• ଆଇଟିସି ଲିମିଟେଡ୍: ୩୫ କୋଟି
• ୱେଭ୍ ଇଣ୍ଡଷ୍ଟ୍ରିଜ୍: ୫.୨୫ କୋଟି
• ଜିରୋଧା (ନିଖିଲ କାମାଥ): ୧.୫ କୋଟି

ବିଜେପି ନେତାଙ୍କ ବ୍ୟକ୍ତିଗତ ଅବଦାନ

• ହିମନ୍ତ ବିଶ୍ୱ ଶର୍ମା (ଆସାମ ମୁଖ୍ୟମନ୍ତ୍ରୀ): ୩ ଲକ୍ଷ
• ପିଜୁଶ ହଜାରିକା (ଆସାମ ମନ୍ତ୍ରୀ): ୨.୭୫ ଲକ୍ଷ
• ଧର୍ମେନ୍ଦ୍ର ପ୍ରଧାନ (କେନ୍ଦ୍ର ଶିକ୍ଷା ମନ୍ତ୍ରୀ): ୧ ଲକ୍ଷ
• ମୋହନ ଚରଣ ମାଝୀ (ଓଡିଶା ସିଏମ୍): ୫ ଲକ୍ଷ
• ପୁଷ୍ପମିତ୍ର ଭର୍ଗାଭା (ଇନ୍ଦୋର ମେୟର): ୧ ଲକ୍ଷ
• ଆକାଶ ବିଜୟବର୍ଗୀୟ: ୧ ଲକ୍ଷ

ଅନ୍ୟ ଦଳଗୁଡ଼ିକୁ ମିଳିଥିବା ଦାନ

1. କଂଗ୍ରେସ: ୫୨୨.୧୩ କୋଟି (ଗତ ବର୍ଷ ୧,୧୨୯ କୋଟି) – ୪୩% ହ୍ରାସ
2. ଟିଏମସି: ୧୮୪.୦୮ କୋଟି (ଗତ ବର୍ଷ ୬୧୮.୮ କୋଟି)
3. ବିଆରଏସ୍: ୧୫.୦୯ କୋଟି (ପୂର୍ବ ବର୍ଷ ୫୮୦ କୋଟି)
4. ଆପ୍:୩୯.୨ କୋଟି (ଗତ ବର୍ଷ୨୨.୧ କୋଟି)
5. ଟିଡିପି: ୮୫.୨ କୋଟି (ଗତ ବର୍ଷ ୨୭୪ କୋଟି)
6. ବିଜେଡି: ୬୦ କୋଟି (ଗତ ବର୍ଷ ୨୪୬ କୋଟି)

୨୦୨୪-୨୫ ହେଉଛି ନିର୍ବାଚନୀ ବଣ୍ଡ୍ ରଦ୍ଦ ହେବା ହେବା ପରେ ପ୍ରଥମ ବର୍ଷ । ସୁପ୍ରିମକୋର୍ଟ ଏହି ଯୋଜନାକୁ ଅସାମ୍ବିଧାନିକ ଘୋଷଣା କରିଥିଲେ ।