ବଲାଙ୍ଗୀର: ବଲାଙ୍ଗୀର ସଦର ଥାନା ଅନ୍ତର୍ଗତ ତୁଷୁରା ବାହାଲ ପଞ୍ଚାୟତ ଡଙ୍ଗାଘାଟ ଗାଁରେ ଚାଷ ଜମିକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଛି। ଏଥିରେ ୩ ଜଣ ଗୁରୁତର ହୋଇଥିବା ବେଳେ ୫ ଜଣ ଆହତ ହୋଇଛନ୍ତି l ଗୁରୁତର ଅବସ୍ଥାରେ ଥିବା ଜଣେ ଆହତଙ୍କ ମୃତ୍ୟୁ ହୋଇଛି।
ଚାଷ ଜମିକୁ ନେଇ ସଂଘର୍ଷ ହୋଇଥିବା କୁହାଯାଉଛି । ଦୁଇ ଗୋଷ୍ଠୀ ମଧ୍ୟରେ ପୂର୍ବରୁ ଶତ୍ରୁତା ରହିଥିବା ବେଳେ ବିଭିନ୍ନ ସମୟରେ ଝଗଡା ହୋଇଆସୁଥିଲା l ହେଲେ ଝଗଡ଼ା ହାତାହାତି ହୋଇ ଦୁଇ ପକ୍ଷରୁ ଗାଁ ମଝି ରାସ୍ତାରେ ଠେଙ୍ଗାରେ ମାଡ଼ ପିଟ ହୋଇଥିଲେ । ଗାଁ ମଝି ରଣକ୍ଷେତ୍ର ପାଲଟିଥିବା ବେଳେ ଗ୍ରାମବାସୀ ଦେଖଣାହାରୀ ପାଲଟିଥିଲେ । ସଂଘର୍ଷ ହେବା ଫଳରେ ୮ ଜଣ ଆହତ ହେଇଛନ୍ତି । ତେବେ ଏହାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି। ଯେଉଁଥିରେ ମାରପିଟ ସମୟର ଭୟାନକ ଦୃଶ୍ୟ ଦେଖିବାକୁ ମିଳିଛି।
ଘଟଣାରେ ୫ ଜଣ ଗିରଫ ହୋଇଥିବା ବେଳେ ଅନ୍ୟ ୩ ଜଣ ଭୀମଭୋଇ ମେଡିକାଲରେ ଚିକିତ୍ସିତ ହେଉଛନ୍ତି। ସେମାନେ ମଧ୍ୟ ମେଡିକାଲରୁ ଆସିବା ପରେ ଗିରଫ ହେବେ। ଏ ନେଇ ସୂଚନା ଦେଇଛନ୍ତି ବଲାଙ୍ଗୀର ଏସଡିପିଓ ସରୋଜ କୁମାର ଉପାଧ୍ୟାୟ ।