ନୂଆପଡା ୯।୮: ଖେଳୁ ଖେଳୁ ଅଘଟଣ । ମା’ ଦେଖି ପାରିଲାନି ବୋଲି ଦେହରେ ପଡିଗଲା ଗରମ ଡାଲି ପାଣି । ଯେଉଁଥିରେ ଏକ ଦେଢ଼ ବର୍ଷର ଶିଶୁ ଗୁରୁତର ହୋଇ ନୂଆପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଏଭଳି ଅଭାବନୀୟ ଘଟଣା ଘଟିଛି ନୂଆପଡ଼ା ଜିଲ୍ଲା କୋମନା ବ୍ଲକ ମାନିଗୁଡା ଗ୍ରାମର । ଗୁରୁତର ଶିଶୁ କୃପାସିନ୍ଧୁ ଠାକୁରଙ୍କ ପୁଅ ପୁରବ ସିଂ ଠାକୁର ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ଶନିବାର ସକାଳୁ ସକାଳୁ ଚୁଲିରେ ଡାଲି ବସେଇ କିଛି ଆଣିବା ପାଇଁ ଭିତରକୁ ଯାଇଥିଲେ ମା’ । ନିକଟରେ ଖେଳୁଥିବା ନାବାଳକ ଶିଶୁଟି ଡାଲି ବସିଥିବା ଡେକଚିକୁ ହାତ ମାରି ଦେଇଥିଲା । ଡେକଚିଟି ପଡ଼ିଯିବାରୁ ସମସ୍ତ ଗରମ ଡାଲି ପାଣି ଶିଶୁର ଦେହରେ ପଡି ଯାଇଥିଲା । ଶିଶୁଟି ଚିତ୍କାର କରିବା ଶୁଣି ମା’ ଧାଇଁ ଆସି ସଙ୍ଗେ ସଙ୍ଗେ ଥଣ୍ଡା ପାଣି ଢାଳି ଦେଇ ନୂଆପଡା ମୁଖ୍ୟ ଚିକିତ୍ସାଳୟକୁ ଆଣିଥିଲେ । ବର୍ତ୍ତମାନ ଶିଶୁଟିର ସ୍ୱାସ୍ଥ୍ୟାବସ୍ଥା ଠିକ୍ ଥିବା ଜଣାପଡିଛି ।
You Can Read:
ଚଳନ୍ତା ବସ୍ରେ ହଠାତ୍ ଲାଗିଲା ନିଆଁ, ସର୍ଟ ସର୍କିଟ୍ରୁ ନିଆଁ ଲାଗିଥିବା ସନ୍ଦେହ
