ରାୟପୁର: ଛତିଶଗଡ଼ରେ ସାମ୍ବାଦିକଙ୍କୁ ଟାର୍ଗେଟ୍ । ମୁକେଶ ଚନ୍ଦ୍ରକାରଙ୍କୁ ହତ୍ୟା ପରେ ଆଉ ଜଣେ ରିପୋର୍ଟରଙ୍କୁ ଟାର୍ଗେଟ୍ । ସୁରଜପୁର ଜିଲ୍ଲାର ଜଣେ ଜାତୀୟ ଗଣମାଧ୍ୟମର ସାମ୍ବାଦିକଙ୍କ ପରିବାର ନିର୍ମମ ଭାବେ ହତ୍ୟା କରାଯାଇଛି । ବାପା ଓ ମାଆଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଚିକିତ୍ସାଧୀନ ଅବସ୍ଥାରେ ସାମ୍ବାଦିକଙ୍କ ଭାଇ ପ୍ରାଣ ହରାଇଛନ୍ତି । ଏହାକୁ ନେଇ ସମଗ୍ରୀ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।
ସୂଚନା ଅନୁଯାୟୀ, ଶୁକ୍ରବାର ଏଭଳି ଅଭାବନୀୟ ଘଟଣା ଘଟିଛି । ମୃତକଙ୍କ ହେଉଛନ୍ତି, ଜାତୀୟ ଗଣମାଧ୍ୟମର ରିପୋର୍ଟର ସନ୍ତୋଷ ଟପୋଙ୍କ ବାପା-ମାଆ ଏବଂ ଭାଇ । ଜଗନ୍ନାଥପୁରର ଖାରଗୱା ଥାନା ଅଞ୍ଚଳରେ ନିଜ ଜମିରେ ସନ୍ତୋଷଙ୍କ ବାପା-ମା' ଚାଷ କାର୍ଯ୍ୟ କରୁଥିବା ସମୟରେ ଦିନ ଗୋଟାଏ ବେଳେ କିଛି ଦୁର୍ବୃତ୍ତ ତାଙ୍କୁ ଅତର୍କିତ ଭାବେ ଆକ୍ରମଣ କରିଥିଲେ । ପ୍ରାୟ ୬ରୁ ୭ଜଣ ପରିବାର ଠେଙ୍ଗାରେ ପିଟିବା ସହିତ କୁରାଢ଼ିରେ ହାଣିବା ହତ୍ୟା କରିଥିଲେ । ଘଟଣା ସ୍ଥଳରେ ସନ୍ତୋଷ ଟପୋଙ୍କ ବାପା-ମାଆଙ୍କ ମୃତ୍ୟୁ ହୋଇଥିଲା ବେଳେ ଅମ୍ବିକାପୁର ମେଡିକାଲ କଲେଜରେ ଚିକିତ୍ସାଧୀନ ଅବସ୍ଥାରେ ଭାଇର ମୃତ୍ୟୁ ହୋଇଛି ।
ପୋଲିସର ସୂଚନା ଅନୁଯାୟୀ, ସନ୍ତୋଷଙ୍କ ପରିବାର ଏବଂ ତାଙ୍କ ସମ୍ପର୍କୀୟଙ୍କ ମଧ୍ୟରେ ଜମିବାଡ଼ିକୁ ନେଇ ଦୀର୍ଘ ଦିନ ହେଲା ବିବାଦ ଲାଗି ରହିଥିଲା। ଶୁକ୍ରବାର ଦିନ ଚାଷ ଜମିରେ କୌଣସି କଥାକୁ ନେଇ ବିବାଦ ହୋଇଥିଲା, ପରେ ଏହି ଝଗଡ଼ା ରକ୍ତାକ୍ତ ସଂଘର୍ଷରେ ପରିଣତ ହୋଇଥିଲା। ସେମାନେ ସମସ୍ତଙ୍କୁ କୁରାଢ଼ିରେ ଅତି ନିର୍ମମ ହତ୍ୟା କରି ଫେରାର୍ ହୋଇଯାଇଛନ୍ତି । ଖାରଗୱା ଥାନା ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହିତ ତଦନ୍ତ ଜାରି ରଖିଛି ।...
