ଆଟଲାଣ୍ଟିକରେ ଗାଏବ ହୋଇଗଲା ବିଶ୍ବର ସବୁଠୁ ଶକ୍ତିଶାଳୀ ଆମେରିକୀୟ ଯୁଦ୍ଧ ବିମାନ

ନୂଆଦିଲ୍ଲୀ: ଆଟଲାଣ୍ଟିକ ମହାସାଗର ଉପରେ ଶୁକ୍ରବାର ଏକ ଆମେରିକୀୟ ‘ଡୁମସଡେ ବିମାନ’ ନିଖୋଜ ହୋଇଯାଇଛି । ଅତ୍ୟନ୍ତ ଗୁପ୍ତ ଅପରେସନ୍ ସମୟରେ ଏହି ବିମାନ ଗାଏବ ହୋଇଯାଇଥିବା କୁହାଯାଉଛି । ଆମେରିକାର ନୌସେନାର ବୋଇଂ E-6B ମର୍କ୍ୟୁରୀ ଏୟାରକ୍ରାଫ୍ଟ ସ୍ଥାନୀୟ ସମୟ ପ୍ରାୟ ସକାଳ ୮.୩୦ ରେ ମେରିଲ୍ୟାଣ୍ଡ ଛାଡିବା ପରେ ରାଡାର ସିଷ୍ଟମରୁ ଅଦୃଶ୍ୟ ହୋଇଯାଇଥିଲା।

ବିମାନଟି ଚେସାପିକ୍ ବେ ଦେଇ ଦକ୍ଷିଣ-ପୂର୍ବ ଦିଗରେ ଯାତ୍ରା କରିଥିଲା ଏବଂ ସମୁଦ୍ର ଅଭିମୁଖେ ଯିବା ପୂର୍ବରୁ ନର୍ଫୋକ୍ ନୌସେନା କମ୍ପ୍ଲେକ୍ସ ଅତିକ୍ରମ କରିଥିଲା। ଏହାର ଟ୍ରାନ୍ସପଣ୍ଡର ସିଗନାଲ ଭର୍ଜିନିଆ କେପ୍ସର ପୂର୍ବରେ ୬୦ ମାଇଲ ଦୂରରେ ବନ୍ଦ ହୋଇଯାଇଥିଲା । ଏହାକୁ ଗୁପ୍ତ ସମାରିକ ଅପରେସନ ସାଧାରଣ ପ୍ରକ୍ରିୟା ବୋଲି କୁହାଯାଏ ।

ବିମାନଟି AFD FE2 କଲସାଇନ୍ ସହିତ କାର୍ଯ୍ୟ କରୁଥିଲା ।ଟ୍ରାନ୍ସଆଟଲାଣ୍ଟିକ୍ ଯାତ୍ରା ସମୟରେ ବେସାମରିକ ବିମାନ-ଟ୍ରାକିଂ ସିଷ୍ଟମରୁ ଅଦୃଶ୍ୟ ହୋଇଗଲା। E-6B ମର୍କ୍ୟୁରୀ ହେଉଛି ୧୬ଟି ସ୍ୱତନ୍ତ୍ର ବିମାନ ମଧ୍ୟରୁ ଗୋଟିଏ । ଯାହା ଆମେରିକାର ଷ୍ଟ୍ରାଟେଜିକ୍ କମାଣ୍ଡ, ଯୁଦ୍ଧ ସଚିବ ଏବଂ ରାଷ୍ଟ୍ରପତିଙ୍କ ପାଇଁ ଏୟାରବର୍ଣ୍ଣ କମାଣ୍ଡ ସେଣ୍ଟର ଭାବରେ କାର୍ଯ୍ୟ କରେ।

ଆବଶ୍ୟକ ହେଲେ ଏହି ବିମାନଗୁଡ଼ିକ ପରମାଣୁ ଆକ୍ରମଣ କରିବାକୁ ସକ୍ଷମ।ଏହି ବିମାନ ପରମାଣୁ ସଂଘର୍ଷ ପରିସ୍ଥିତିରେ ମଧ୍ୟ ବାଲିଷ୍ଟିକ୍ କ୍ଷେପଣାସ୍ତ୍ର, ବୁଡ଼ାଜାହାଜ ସମେତ ଆମେରିକୀୟ ରଣନୈତିକ ଶକ୍ତି ସହିତ ଯୋଗାଯୋଗ ବଜାୟ ରଖିବା ପାଇଁ "ଟାକାମୋ" (ଟେକ୍ ଚାର୍ଜ ଏବଂ ମୋଭ ଆଉଟ୍) ମିଶନ୍ ପରିଚାଳନା କରିପାରିବ।

୧୯୮୯ ରୁ ୧୯୯୨ ମଧ୍ୟରେ ନିର୍ମିତ ଏହି ନୌବାହିନୀ ହେଉଛି ସରକାରୀ ଏୟାରବର୍ଣ୍ଣ କମାଣ୍ଡ ପୋଷ୍ଟ । ସ୍ଥଳଭାଗରେ ଯୋଗାଯୋଗ ବିଚ୍ଛିନ୍ନ ହୋଇଗଲେ ମଧ୍ୟ ଏହା ନ୍ୟୁକ୍ଲିୟର ଫୋର୍ସ ସହ ଯୋଗଯୋଗ କରିପାରିବ ।