ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀଙ୍କ ଦେହାନ୍ତ, ୮୧ ବର୍ଷ ବୟସରେ ଦେହାନ୍ତ

ନୂଆଦିଲ୍ଲୀ ୦୬/୦୨:ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ସୁରେଶ କଲମାଡିଙ୍କ ପରଲୋକ । ମଙ୍ଗଳବାର ଭୋରରୁ ୮୧ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି। ଦୀର୍ଘ ଦିନ ଧରି ଅସୁସ୍ଥ ଥିଲେ କଲମାଡୀ । ପରିବାର ସୂତ୍ରରୁ ଜଣାପଡିଛି ଯେ, ତାଙ୍କର ଶେଷକୃତ୍ୟ ଅପରାହ୍ନ ୩ଟାରେ ପୁଣେର ବୈକୁଣ୍ଠ ଧାମ ଶ୍ମଶାନରେ କରାଯିବ। ଏବେ ତାଙ୍କ ପରିବାରରେ ପତ୍ନୀ, ପୁଅ ଓ ବୋହୂ, ଦୁଇ ବିବାହିତ ଝିଅ ସହ ଜଣେ ଜ୍ୱାଇଁ ଓ ନାତିନାତୁଣୀ ଅଛନ୍ତି ।

ସୂଚନା ଥାଉକି, କମନୱେଲଥ ଗେମ୍ସ ଦୁର୍ନୀତିରେ ତାଙ୍କ ନା ଆସିବା ପରେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ କଲମାଡି । ଏହି ବିବାଦ ସେତେବେଳେ ସାରା ଦେଶରେ ବହୁଚର୍ଚ୍ଚିତ ବିବାଦ ଥିଲା । ରାଜନୈତିକ ମହଳରେ ବି ଝଡ଼ ସୃଷ୍ଟି କରିଥିଲା।ବରିଷ୍ଠ କଂଗ୍ରେସ ନେତା ସୁରେଶ କଲମାଡିଙ୍କର ହାଇକମାଣ୍ଡଙ୍କ ସହିତ ଭଲ ସମ୍ପର୍କ ଥିବା ଚର୍ଚ୍ଚା କରାଯାଉଥିଲା। ସେ ରେଳ ରାଷ୍ଟ୍ରମନ୍ତ୍ରୀ ଭାବରେ କାର୍ଯ୍ୟ କରିଥିଲେ ।

ଭାରତୀୟ ଅଲିମ୍ପିକ୍ ସଂଘ (IOA)ର ସଭାପତି ମଧ୍ୟ ଥିଲେ। ପୁନେର ଜଣେ ଲୋକପ୍ରିୟ ରାଜନୈତିକ ନେତା, କଲମାଡି ଅନେକ ଥର ସହରରୁ ଲୋକସଭାକୁ ନିର୍ବାଚିତ ହୋଇଥିଲେ। ବର୍ଷ ବର୍ଷ ଧରି ସେ ସାର୍ବଜନୀନ ଜୀବନରେ ବିଭିନ୍ନ ଭୂମିକା ଗ୍ରହଣ କରିଥିଲେ ଏବଂ ଜାତୀୟ ସ୍ତରରେ କ୍ରୀଡା ପ୍ରଶାସନରେ ବ୍ୟାପକ ଭାବରେ ଜଡିତ ଥିଲେ।

ତଥାପି, IOAରେ ତାଙ୍କ କାର୍ଯ୍ୟକାଳକୁ ୨୦୧୦ ରାଜ୍ୟଗୋଷ୍ଠୀ କ୍ରୀଡା ଦୁର୍ନୀତି ମାମଲାରେ ପ୍ରଶ୍ନ କରାଯାଇଥିଲା । ପାଣ୍ଠିର ଅପବ୍ୟବହାର ଅଭିଯୋଗରେ ତାଙ୍କୁ ଦୁର୍ନୀତି ନିବାରଣ ଆଇନ ଅନୁଯାୟୀ ଅଭିଯୁକ୍ତ କରାଯାଇଥିଲା। ତାଙ୍କୁ ଏପ୍ରିଲ ୨୦୧୧ରେ ଗିରଫ କରାଯାଇଥିଲା, ଯାହା ପରେ କଂଗ୍ରେସ ତାଙ୍କୁ ଦଳରୁ ନିଲମ୍ବିତ କରିଥିଲା।