ଭୁବନେଶ୍ୱର ୦୬।୦୫ : ଥମୁନି ଧଳାଜହର କାରବାର । ରାଜଧାନୀ ଉପକଣ୍ଠରୁ ପୁଣି ଥରେ ଜଣେ ବ୍ରାଉନ୍ସୁଗାର ବେପାରୀଙ୍କୁ ବାନ୍ଧିଛି କ୍ରାଇମ୍ବ୍ରାଞ୍ଚର ଏସ୍ଟିଏଫ୍ ଟିମ୍ । ଗିରଫ ବ୍ୟକ୍ତିଙ୍କ ନିକଟରୁ ୨୬୩ ଗ୍ରାମର ବ୍ରାଉନସୁଗାର ମଧ୍ୟ ଜବତ ହୋଇଛି । ଯାହାର ମୂଲ୍ୟ ୨୫ ଲକ୍ଷରୁ ଅଧିକ ହେବ ବୋଲି ଅନୁମାନ କରାଯାଉଛି ।
ଖବର ଅନୁଯାୟୀ, ବାଲେଶ୍ୱରରୁ ବ୍ରାଉନ୍ସୁଗାର ଖୋର୍ଦ୍ଧା ଆସୁଥିଲା । ଏହି ସମୟରେ ଗୁଇନ୍ଦା ସୁତ୍ରରୁ ଖବର ପାଇ ଚଢାଉ କରିଥିଲା ଏସ୍ଟିଏଫ୍ ଟିମ୍ । ଯେଉଁଥିରେ ଜ୍ୟୋତି ସାମନ୍ତରାୟ ନାମକ ଜଣେ ବ୍ୟକ୍ତିଙ୍କୁ ଗିରଫ କରିଛି ଏସ୍ଟିଏଫ୍ ଟିମ୍ । ଏହାସହିତ ଗିରଫ ବ୍ୟକ୍ତିଙ୍କ ନିକଟରୁ ୨୬୩ ଗ୍ରାମର ବ୍ରାଉନ୍ସୁଗାର ମିଳିଛି । ଯାହାର ଆନୁମାନିକ ମୂଲ୍ୟ ୨୫ ଲକ୍ଷ ଟଙ୍କା ହେବ ବୋଲି ସୂଚନା ମିଳିଛି । ସେହିପରି ଏହି କାରବାରରେ ଆଉ କିଏ କିଏ ସାମିଲ ଅଛନ୍ତି । ସେନେଇ ଛାନ୍ଭିନ୍ ଜାରି ରହିଛି ବୋଲି ସୂଚନା ଦେଇଛନ୍ତି ଏସ୍ଟିଏଫ୍ ଏସ୍ପି ରବି ଶତପଥୀ ।
