ନୂଆ ଦଳ ଗଠନ ପୂର୍ବରୁ ବଳ ଯୁଟାଉଛନ୍ତି ମୋକିମ୍, ଭୁବନେଶ୍ୱରରେ ହେବ ମହିଳା ଓ ଚାଷୀ ସମାବେଶ

କଟକ ୧୫।୧: ନୂତନ ଦଳ ଗଠନ ପୂର୍ବରୁ ବଳ ଯୁଟାଉଛନ୍ତି ରାଜନେତା ମହମ୍ମଦ ମୋକିମ୍ । ଚଳିତ ମାସ ଶେଷ ସପ୍ତାହରେ ଭୁବନେଶ୍ୱରରେ ହେବ ମହିଳା ଓ ଚାଷୀ ସମାବେଶ । ବର୍ତ୍ତମାନ ସମୟରେ ରାଜ୍ୟରେ ମହିଳା ସୁରକ୍ଷିତ ନୁହନ୍ତି କିମ୍ବା କୃଷକ ମାନଙ୍କୁ ତାଙ୍କର ପ୍ରାପ୍ୟ ମିଳିପାରୁ ନାହିଁ । ମହିଳା ନିର୍ଯାତନା ଓ କୃଷକଙ୍କ ସମସ୍ୟା ଉପରେ ଆଲୋଚନା ହେବ । ବର୍ତ୍ତମାନ ଉଭୟ ଚାଷୀ ଓ ମହିଳା ମାନେ ନିଜର ନ୍ୟାୟ ପାଉନାହାନ୍ତି । ନୂତନ ଦଳ ଗଠନ ପୂର୍ବରୁ ସମସ୍ତ ସମସ୍ୟା ଉପରେ ଅବଗତ ହେବୁ । ନିର୍ଯାତିତା ମହିଳା ଚାହିଁଲେ ଆମ ଦଳରେ ସାମିଲ ହୋଇପାରିବେ ବୋଲି ମହମ୍ମଦ ମୋକିମ୍ ସୂଚନା ଦେଇଛନ୍ତି ।