ନୂଆଦିଲ୍ଲୀ ୨୮।୦୮: ସ୍କୁଲ୍ ପରେ ଏବେ ଦିଲ୍ଲୀର ୨୦ରୁ ଅଧିକ କଲେଜକୁ ବୋମା ଧମକ । ଚାଣକ୍ୟପୁରୀର ଯୀଶୁ ଏବଂ ମେରୀ କଲେଜ ସମେତ ପ୍ରାୟ ୨୦ କଲେଜକୁ ଧମକପୂର୍ଣ୍ଣ ଇମେଲ୍ ମିଳିଛି। ପୋଲିସ କଣ୍ଟ୍ରୋଲ ରୁମ୍କୁ ସୂଚନା ମିଳିବା ପରେ ଉତ୍ତେଜନା ସୃଷ୍ଟି କରିଛି। ପୋଲିସ ଟିମ୍ ଗୁଡ଼ିକ ବମ୍ ଏବଂ ଡଗ୍ ସ୍କ୍ୱାଡ୍ ସହିତ ତୁରନ୍ତ କଲେଜ ଗୁଡ଼ିକରେ ପହଞ୍ଚିଥିଲେ। ସର୍ଚ୍ଚ ଅପରେସନ୍ ସମୟରେ କଲେଜ ଭିତରେ କୌଣସି ସନ୍ଦେହଜନକ ଜିନିଷ କିମ୍ବା ବିସ୍ଫୋରକ ସାମଗ୍ରୀ ମିଳି ନାହିଁ ଏବଂ ଧମକଟି ନକଲି ବୋଲି ଜଣାପଡିଛି। ପୋଲିସ ସନ୍ଦେହ କରିଛି ଯେ ଧମକପୂର୍ଣ୍ଣ ଇମେଲ୍ ପଠାଉଥିବା ବ୍ୟକ୍ତି VPN ବ୍ୟବହାର କରିଥିଲେ।
#BREAKING Around 20 colleges, including Jesus and Mary College in Chanakyapuri, Delhi, received bomb threat emails. Authorities received one such email yesterday but declared it a hoax after due verification. The sender is suspected to have used a VPN. Last week, over 100 schools… pic.twitter.com/Yeaxe53ZoE
— IANS (@ians_india) August 28, 2025
କହିବାକୁ ଗଲେ ଗତ ୫ ଦିନରେ ୧୦୦ରୁ ଅଧିକ ସ୍କୁଲକୁ ବୋମା ଧମକ ମିଳିଛି। କିନ୍ତୁ ଦିଲ୍ଲୀର ସ୍କୁଲ, କଲେଜ ଏବଂ ହସ୍ପିଟାଲକୁ ବାରମ୍ବାର ଧମକ ଦେବା ଘଟଣା ଏକ ଗମ୍ଭୀର ପ୍ରସଙ୍ଗ ପାଲଟିଛି। ଅଗଷ୍ଟ ୨୦ ରେ ମଧ୍ୟ ଦିଲ୍ଲୀର ୫୦ଟି ସ୍କୁଲକୁ ଧମକପୂର୍ଣ୍ଣ ଇମେଲ୍ ମିଳିଥିଲା। ଯାହା ଉପରେ ଦିଲ୍ଲୀ ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା।
ହେଲେ ସର୍ଚ୍ଚ ଅପରେସନରେ କୌଣସି ସନ୍ଦିଗ୍ଧ ଜିନିଷ କିମ୍ବା ବିସ୍ଫୋରକ ସାମଗ୍ରୀ ମିଳିନଥିଲା। ତଦନ୍ତ ପରେ ଜଣାପଡିଥିଲା ଯେ ଧମକପୂର୍ଣ୍ଣ ଇମେଲ୍ 'ଟେରରାଇଜର୍ସ ୧୧୧' ନାମକ ଏକ ଗ୍ରୁପ୍ ଦ୍ୱାରା ପଠାଯାଇଥିଲା। ୨୫୦୦୦ ଆମେରିକୀୟ ଡଲାର ଏବଂ ୫୦୦୦ ଡଲାର କ୍ରିପ୍ଟୋକରେନ୍ସି ମଧ୍ୟ ଦାବି କରାଯାଇଥିଲା। କିନ୍ତୁ ଅଭିଯୁକ୍ତମାନେ ଧରାପଡ଼ି ନାହାଁନ୍ତି।
