ମୁମ୍ଵାଇ ୨୩।୦୪; ୨୨ ଏପ୍ରିଲରେ ଜାମ୍ମୁ-କାଶ୍ମୀରର ପାହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ସମଗ୍ର ଦେଶକୁ ଦୋହଲାଇ ଦେଇଛି । ଏହି ଆକ୍ରମଣରେ ୨୮ଜଣ ନିରୀହ ପର୍ଯ୍ୟଟକ ପ୍ରାଣ ହରାଇଛନ୍ତି । ଯେଉଁଥିରେ କେବଳ ଭାରତର ନାଗରିକ ନୁହଁନ୍ତି ବରଂ ନେପାଳ ଏବଂ ୟୁଏଇର ନାଗରିକମାନେ ମଧ୍ୟ ସାମିଲ ଥିଲେ । ଏହି ଘଟଣାରେ ସାରା ଦେଶ ମର୍ମାହତ ହୋଇଥିବା ବେଳେ ବଲିଉଡ ସେଲିବ୍ରିଟି ମାନେ ମଧ୍ୟ ଘଟଣାକୁ ନେଇ ନିନ୍ଦା କରିଛନ୍ତି । ଅନେକ ସେଲିବ୍ରିଟି ସୋସିଆଲ ମିଡିଆରେ ଆତଙ୍କବାଦ ବିରୋଧରେ ନିଜର କ୍ରୋଧ ପ୍ରକାଶ କରିବା ସହ ଏବଂ ପୀଡିତ ପରିବାର ପ୍ରତି ସମବେଦନା ଜଣାଇଛନ୍ତି ।
ବଲିଉଡ ଅଭିନେତା ଅକ୍ଷୟ କୁମାର ସୋସିଆଲ ମିଡିଆରେ ଲେଖିଛନ୍ତି, 'ପହଲଗାମରେ ପର୍ଯ୍ୟଟକଙ୍କ ଉପରେ ହୋଇଥିବା ଆତଙ୍କବାଦୀ ଆକ୍ରମଣ ଅତ୍ୟନ୍ତ ଦୁଃଖଦ । କେବଳ ରାକ୍ଷସମାନେ ହିଁ ନିର୍ଦ୍ଦୋଷ ଲୋକଙ୍କୁ ହତ୍ୟା କରନ୍ତି । ମୁଁ ତାଙ୍କ ପରିବାର ପାଇଁ ପ୍ରାର୍ଥନା କରୁଛି । ଅଭିନେତ୍ରୀ ଇଲିଆନା ଡି'କ୍ରୁଜ୍ ଲେଖିଛନ୍ତି, 'ପହଲଗାମରେ ହୋଇଥିବା ଆକ୍ରମଣ ବିଷୟରେ ମୋ ପାଖରେ କୌଣସି ଶବ୍ଦ ନାହିଁ । ଆକ୍ରମଣର ଶିକାର ହୋଇଥିବା ଲୋକଙ୍କ ପାଇଁ ମୋର ହୃଦୟ ଦୁଃଖରେ ପୂର୍ଣ୍ଣ । ଏହି ଘଟଣାଟି ମୋ ହୃଦୟକୁ ଭାଙ୍ଗି ଦେଲା ।
ଅନୁପମ ଖେର ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ କହିଛନ୍ତି, 'ପହଲଗାମରେ ହିନ୍ଦୁମାନଙ୍କ ନରସଂହାର ଯେଉଁଥିରେ ସେମାନଙ୍କୁ ବାଛି ବାଛି ହତ୍ୟା କରାଯାଇଥିଲା, ତାହା ମୋତେ ଦୁଃଖିତ କରିଛି କିନ୍ତୁ ଅଧିକ କ୍ରୋଧିତ କରିଛି । ମୁଁ ମୋ ଜୀବନରେ ଏହା ବହୁତ ଦେଖିଛି, କାଶ୍ମୀରୀ ହିନ୍ଦୁମାନଙ୍କ ସହିତ ଏପରି ଅତ୍ୟାଚାର ଘଟିଛି । କିନ୍ତୁ ଏଥର ବାହାରୁ ଆସିଥିବା ଲୋକଙ୍କୁ ସେମାନଙ୍କ ଧର୍ମ ବିଷୟରେ ପଚରାଯିବା ପରେ ହତ୍ୟା କରାଯାଇଥିଲା । ଏଥିପାଇଁ ମୋ ପାଖରେ କୌଣସି ଶବ୍ଦ ନାହିଁ ।
ଜାହ୍ନବୀ କପୁର ଲେଖିଛନ୍ତି, 'ମୋ ପାଖରେ କୌଣସି ଶବ୍ଦ ନାହିଁ, ମୁଁ କେବଳ ଶବ୍ଦହୀନ ଏବଂ ପହଲଗାମ ଆକ୍ରମଣରେ ମୃତ ଲୋକଙ୍କ ପାଇଁ ଦୁଃଖିତ। ମୁଁ ସେମାନଙ୍କ ପାଇଁ ନ୍ୟାୟ ଦାବି କରୁଛି, କିନ୍ତୁ ଏହା କେତେ ଦିନ ଚାଲିବ? ଆକ୍ରମଣର ଶିକାର ହୋଇଥିବା ପରିବାରବର୍ଗଙ୍କ ପ୍ରତି ମୋର ସମବେଦନା।
ବିକି କୌଶଲ ଲେଖିଛନ୍ତି, 'ଆମେ ସେହି ନିର୍ଦ୍ଦୋଷ ଲୋକଙ୍କ ଉପରେ ଆକ୍ରମଣ ଏବଂ ସେମାନଙ୍କ ପରିବାରର ଯନ୍ତ୍ରଣା କଳ୍ପନା ମଧ୍ୟ କରିପାରିବା ନାହିଁ । ପହଲଗାମରେ ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ନିର୍ଦ୍ଦୋଷ ଲୋକଙ୍କ ପରିବାର ପ୍ରତି ଆମର ଗଭୀର ସମବେଦନା । ଆଶା କରୁଛି ଏହି ଅପରାଧୀମାନେ ନିଶ୍ଚିତ ଭାବରେ ଦଣ୍ଡ ପାଇବେ ।
Strongly condemn the cowardly terrorist attack on innocent tourists in Kashmir’s #Pahalgam. Terrorism should not have any place in a civilized world and this dastardly act is unacceptable. My deepest condolences to the families who lost their dear ones and prayers for early…
— sonu sood (@SonuSood) April 22, 2025
ଅଭିନେତା ସୋନୁ ସୁଦ ପହଲଗାମ ଆତଙ୍କବାଦୀ ଆକ୍ରମଣ ଉପରେ ତୀବ୍ର ଅସନ୍ତୋଷ ପ୍ରକାଶ କରି ଟ୍ୱିଟରରେ ଲେଖିଛନ୍ତି, "କାଶ୍ମୀରର ପହଲଗାମରେ ନିର୍ଦ୍ଦୋଷ ପର୍ଯ୍ୟଟକଙ୍କ ଉପରେ ହୋଇଥିବା କାପୁରୁଷ ଆତଙ୍କବାଦୀ ଆକ୍ରମଣର ଦୃଢ଼ ନିନ୍ଦା କରୁଛି। ଯେଉଁମାନେ ନିଜ ପ୍ରିୟଜନଙ୍କୁ ହରାଇଛନ୍ତି ସେମାନଙ୍କ ପରିବାର ପ୍ରତି ମୋର ଗଭୀର ସମବେଦନା ଏବଂ ଆହତମାନଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା। ଓମ୍ ସାଇ ରାମ।
A shadow of sorrow falls heavy today, as news of the horrific terror attack in Kashmir breaks our hearts. Sending deepest condolences and prayers to all the families who have tragically lost loved ones.
— Vivek Anand Oberoi (@vivekoberoi) April 22, 2025
Now, more than ever, the world must come together in solidarity against…
ବିବେକ ଓବେରୟ ତାଙ୍କ ଦୁଃଖ ପ୍ରକାଶ କରି କହିଛନ୍ତି, "ଆଜି ଦୁଃଖର ଛାୟା ଖେଳିଯାଇଛି, କାରଣ କାଶ୍ମୀରରେ ହୋଇଥିବା ଭୟଙ୍କର ଆତଙ୍କବାଦୀ ଆକ୍ରମଣର ଖବର ଆମ ହୃଦୟକୁ ଭାଙ୍ଗି ଦେଇଛି। ଦୁଃଖଦ ଭାବରେ ସେମାନଙ୍କ ପ୍ରିୟଜନଙ୍କୁ ହରାଇଥିବା ସମସ୍ତ ପରିବାର ପ୍ରତି ମୋର ଗଭୀର ସମବେଦନା ଏବଂ ପ୍ରାର୍ଥନା।
Om Shanti. 🙏🏻🕉️🙏🏻 condolences.
— Raveena Tandon (@TandonRaveena) April 22, 2025
Shocked and angry . No words to express the anguish. Prayers and strength to the victims . Time we all let go of petty in-house fighting , UNITE and realise the true enemy. https://t.co/zSUIGHo1QP
ରବୀନା ଟଣ୍ଡନ ପହଲଗାମ ଆତଙ୍କବାଦୀ ଆକ୍ରମଣରେ ଦୁଃଖ ପ୍ରକାଶ କରି ଲେଖିଛନ୍ତି, "ଓମ ଶାନ୍ତି, ସମବେଦନା, ମର୍ମାହତ ଏବଂ କ୍ରୋଧିତ, ଯନ୍ତ୍ରଣା ପ୍ରକାଶ କରିବା ପାଇଁ କୌଣସି ଶବ୍ଦ ନାହିଁ। ପୀଡିତଙ୍କ ପାଇଁ ପ୍ରାର୍ଥନା ଏବଂ ଶକ୍ତି।
ସଞ୍ଜୟ ଦତ୍ତ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଲେଖିଛନ୍ତି, "ସେମାନେ ଆମ ଲୋକଙ୍କୁ ନିର୍ମମ ଭାବରେ ହତ୍ୟା କରିଛନ୍ତି। ଏହାକୁ କ୍ଷମା କରାଯାଇପାରିବ ନାହିଁ, ଏହି ଆତଙ୍କବାଦୀମାନେ ଜାଣିବା ଉଚିତ ଯେ ଆମେ ଚୁପ୍ ବସିବୁ ନାହିଁ। ଆମକୁ ପ୍ରତିଶୋଧ ନେବାକୁ ପଡିବ, ମୁଁ ଆମର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜୀ, ଗୃହମନ୍ତ୍ରୀ ଅମିତା ଶାହ ଜୀ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଜୀଙ୍କୁ ଅନୁରୋଧ କରୁଛି ଯେ ସେମାନଙ୍କୁ ଦଣ୍ଡ ଦିଅନ୍ତୁ।"
କରୀନା କପୁର ମଧ୍ୟ ତାଙ୍କ ଇନଷ୍ଟା ଷ୍ଟୋରୀରେ ପୋଷ୍ଟ କରି ଦୁଃଖ ପ୍ରକାଶ କରିଛନ୍ତି। କରୀନା ଲେଖିଛନ୍ତି, "ପୀଡିତ ଏବଂ ସେମାନଙ୍କ ପରିବାର ପାଇଁ ହୃଦୟ ଭାଙ୍ଗିଯାଇଛି। କିନ୍ତୁ ଯେଉଁମାନେ ନିଜ ଜୀବନ ହରାଇଛନ୍ତି ସେମାନଙ୍କ ପାଇଁ ପ୍ରାର୍ଥନା କରୁଛି।"
