ନୂଆଦିଲ୍ଲୀ: ଗୁରୁବାର ଅହମ୍ମଦାବାଦର ବିମାନବନ୍ଦରରୁ ଉଡ଼ାଣ ଭରିବା ସମୟରେ ବୋଇଂ ୭୮୭ ଡ୍ରିମଲାଇନର୍ ଏୟାର ଇଣ୍ଡିଆର B787 ବିମାନ VT-ANB ଦୁର୍ଘଟଣାଗ୍ରସ୍ତ ହୋଇଛି । ଡିଜିସିଏ ସୂଚନା ଅନୁସାରେ ବିମାନରେ ୨୪୨ ଜଣ ଯାତ୍ରୀ ଥିଲେ । ଯେଉଁଥିରେ ୨ ଜଣ ପାଇଲଟ୍ ଏବଂ କ୍ୟାବିନ କ୍ରିୟୁ ଥିଲେ । ବିମାନଟି ଲଣ୍ଡନ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା ।
ଏୟାର ଇଣ୍ଡିଆ AI171 ଦୁର୍ଘଟଣାରେ ସାମିଲ ବିମାନ ଏକ ବୋଇଂ ୭୮୭-୮ ଡ୍ରିମଲାଇନର । ଏହାର ପଞ୍ଜିକରଣ ନମ୍ବର VT-ANB ଏବଂ ସିରିଏଲ୍ ନମ୍ବର ୩୬୨୭୯ । ବିମାନଟି ୧୪ ଡିସେମ୍ୱର ୨୦୧୨ରେ ପ୍ରଥମ ଉଡ଼ାଣ କରିଥିଲା ଏବଂ ଜାନୁଆରୀ ୨୦୧୪ରେ ଏୟାର ଇଣ୍ଡିଆକୁ ଦିଆଯାଇଥିଲା ।
ବୋଇଂ ୭୮୭-୮ ଡ୍ରିମଲାଇନର ବିମାନ ଦୁଇଟି-କ୍ଲାସ୍ରେ ୨୪୮ ଲୋକଙ୍କୁ ନେଇପାରିବ । ଅନ୍ତର୍ଜାତୀୟ ଦୀର୍ଘ ଦୂର ମାର୍ଗରେ ଏହି ବିମାନକୁ ବ୍ୟବହାର କରାଯାଇଥାଏ । ଏହି ବିମାନରେ ବିଜନେସ କ୍ଲାସର ୧୮ଟି ଆସନ ରହିଛି । ସେପଟେ କିଛି ମିଡିଆ ରିପୋର୍ଟ ଦାବି ଅନୁସାରେ, ଆଜିର AI 171 ଦୁର୍ଘଟଣା ସାରା ବିଶ୍ୱରେ ଆତଙ୍କର ପରିସ୍ଥିତି ସୃଷ୍ଟି କରିଛି । ଏହା ବୋଇଂ ୭୮୭ ଡ୍ରିମଲାଇନରର ପ୍ରଥମ ଦୁର୍ଘଟଣା ।
