ବିହାର ୨୨/୦୮: ବିହାର ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗୟାରେ ସେ ୧୨,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ବିକାଶମୂଳକ ପ୍ରକଳ୍ପର ଉଦଘାଟନ ଏବଂ ଶିଳାନ୍ୟାସ କରିଛନ୍ତି । ଏହା ପରେ ସେ ଏକ ସାଧାରଣ ସଭାକୁ ମଧ୍ୟ ସମ୍ବୋଧିତ କରିଥିଲେ । ବିହାର ସରକାରଙ୍କୁ ଖୁବ୍ ପ୍ରଶଂସା କରିଥିଲେ । ବିହାର ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋଦିଙ୍କ ଏହି ଗସ୍ତକୁ ଏନଡିଏ ପାଇଁ ବହୁତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି ।
ସେ କହିଛନ୍ତି ଦେଶରେ ଅନୁପ୍ରବେଶକାରୀଙ୍କ ସଂଖ୍ୟା ବୃଦ୍ଧି ଚିନ୍ତାର ବିଷୟ । ବିହାରର ସୀମାନ୍ତ ଜିଲ୍ଲାଗୁଡ଼ିକରେ ଜନସଂଖ୍ୟା ଦ୍ରୁତ ଗତିରେ ବଦଳୁଛି । ଏନଡିଏ ସରକାର ନିଷ୍ପତ୍ତି ନେଇଛି ଯେ ଦେଶର ଭବିଷ୍ୟତ ଅନୁପ୍ରବେଶକାରୀଙ୍କ ଦ୍ୱାରା ନିର୍ଣ୍ଣୟ କରାଯିବ ନାହିଁ। ଭାରତୀୟମାନଙ୍କର ଯେଉଁ ସୁବିଧା ପାଇବାର ଅଧିକାର ଅଛି, ତାହାକୁ ଲୁଟିବାକୁ ଦିଆଯିବ ନାହିଁ। ବହୁତ ଶୀଘ୍ର ଏହି ମିଶନ୍ ଏହାର କାମ ଆରମ୍ଭ କରିବ। ଆମେ ପ୍ରତ୍ୟେକ ଅନୁପ୍ରବେଶକାରୀଙ୍କୁ ଦେଶରୁ ବାହାର କରିଦେବୁ। ଦେଶ ଭିତରେ ବସିଥିବା ଅନୁପ୍ରବେଶକାରୀଙ୍କ ସମର୍ଥକଙ୍କଠାରୁ ସତର୍କ ରୁହନ୍ତୁ । ସେମାନେ ଅନୁପ୍ରବେଶକାରୀଙ୍କୁ ଆପଣଙ୍କ ଅଧିକାର ଦେବାକୁ ଚାହାଁନ୍ତି ।
#WATCH | PM Narendra Modi says, "RJD, Congress, and Left parties are opposing this law. They are very angry. Who doesn't know what they are afraid of?... They think that if they go to jail, all their dreams will be shattered... They are so rattled that they are opposing a law… https://t.co/oeY3q6X9il pic.twitter.com/kxQfXgJ8Ow
— ANI (@ANI) August 22, 2025
ସେ ଆହୁରି କହିଥିଲେ ଆମେ ଏତେ କଠୋର ଆଇନ ତିଆରି କରିବା ଦିଗରେ ଅଗ୍ରସର ହେଉଛୁ, ତେଣୁ ଏହି RJD, କଂଗ୍ରେସ ଏବଂ ବାମପନ୍ଥୀ ଲୋକମାନେ ଆଇନକୁ ବିରୋଧ କରୁଛନ୍ତି। ସେମାନେ ବହୁତ କ୍ରୋଧିତ ଏବଂ କିଏ ଜାଣିନାହିଁ ଯେ ସେମାନେ କ’ଣ ଭୟ କରନ୍ତି। ଯିଏ ପାପ କରିଛି, ସେ ତା’ର ପାପକୁ ଲୁଚାଇଥାଏ କିନ୍ତୁ ଭିତରୁ ଜାଣିଥାଏ ଯେ କେଉଁ ଖେଳ ଖେଳାଯାଇଛି।
RJD, କଂଗ୍ରେସ ଲୋକମାନେ ଜାମିନରେ ଅଛନ୍ତି । ଯେଉଁମାନେ ଜାମିନରେ ଅଛନ୍ତି ସେମାନେ ଏହି ଆଇନକୁ ବିରୋଧ କରୁଛନ୍ତି। ସେମାନେ ଭାବନ୍ତି ଯେ ଯଦି ସେମାନେ ଜେଲ ଯାଆନ୍ତି । ତେବେ ସେମାନଙ୍କର ସ୍ୱପ୍ନ ଭାଙ୍ଗିଯିବ । ସେଥିପାଇଁ ସକାଳ ଓ ସନ୍ଧ୍ୟାରେ ଲୋକମାନେ ସରକାରଙ୍କୁ ଗାଳି ଦେଉଛନ୍ତି ।
ସମ୍ବିଧାନ ପ୍ରତ୍ୟେକ ଜନପ୍ରତିନିଧିଙ୍କଠାରୁ ସଚ୍ଚୋଟତା ଓ ସ୍ୱଚ୍ଛତା ଆଶା କରେ। ଯଦି ଆଇନ ତିଆରି ହୁଏ, ତେବେ ପ୍ରଧାନମନ୍ତ୍ରୀ ହୁଅନ୍ତୁ କିମ୍ବା ମୁଖ୍ୟମନ୍ତ୍ରୀ କିମ୍ବା ଯେକୌଣସି ମନ୍ତ୍ରୀ, ସେମାନଙ୍କୁ ଗିରଫଦାରୀର ୩୦ ଦିନ ମଧ୍ୟରେ ଜାମିନ ନେବାକୁ ପଡିବ । ନଚେତ୍ ୩୧ ତାରିଖରେ ସେମାନଙ୍କୁ ଚୌକି ଛାଡିବାକୁ ପଡିବ ।
ମୋଦୀ ଆହୁରି ମଧ୍ୟ କହିଥିଲେ ଯେ, ମୋର ସଙ୍କଳ୍ପ ହେଉଛି ପ୍ରତିଟି ଲୋକକୁ ପକ୍କା ଘର ଯୋଗାଇ ଦେବା । ଏହି ଚିନ୍ତାଧାରାକୁ ନେଇ ଗତ ୧୧ ବର୍ଷରେ ୪ କୋଟି ଗରିବ ଲୋକଙ୍କ ମୁଣ୍ଡ ଉପରେ କେନ୍ଦ୍ର ସରକାର ଛାତ ଯୋଗାଇ ଦେଇଛନ୍ତି ବୋଲି ମୋଦୀ କହିଥିଲେ । ଏହାସହ ମୋଦୀ ଆହୁରି ମଧ୍ୟ କହିଥିଲେ ଯେ, କେବଳ ବିହାରର ଲୋକଙ୍କୁ ୩୮ ଲକ୍ଷରୁ ଅଧିକ ଘର ମିଳିଛି ବୋଲି ମୋଦୀ କହିଛନ୍ତି ।
