ଏବେବି ରହସ୍ୟରେ ଶେଷ ସମୟ, ବାଥରୁମରେ କେମିତି ବୁଡିଗଲେ ଶ୍ରୀଦେବୀ ? ପୋଷ୍ଟମର୍ଚମ୍ ରିପୋର୍ଟରେ ଲୁଚିଛି ସତ

ନୂଆଦିଲ୍ଲୀ, ୨୫/୦୨: ବଲିଉଡର ଭେଟେରାନ ଅଭିନେତ୍ରୀ ଶ୍ରୀଦେବୀ । ଆକ୍ଟିଂଠୁ ଲୁକ୍ ସବୁଥିରେ ସେ ଆଗରେ । ଏବେ ଆଉ ସେ ନାହାଁନ୍ତି । କିନ୍ତୁ ତାଙ୍କୁ ଭୁଲି ପାରୁନି ବଲି୍ଉଡ୍ । ଲକ୍ଷ ଲକ୍ଷ ଫ୍ୟାନ୍ସଙ୍କ ମନରେ ଆଜି ବି ଶ୍ରୀଦେବୀଙ୍କ ସ୍ୱତନ୍ତ୍ର ଛାପ ରହିଛି । ତାଙ୍କର ଅଭିନୟର କଳା ଦର୍ଶକଙ୍କୁ ବାନ୍ଧି ରଖିଛି । ତେଣୁ ତାଙ୍କ ଅନ୍ତେ ଏବେବ ସେ ଫ୍ୟାନ୍ସଙ୍କ ହୃଦୟରେ ରାଜ୍ କରୁଛନ୍ତି ।

ଶ୍ରୀଦେବୀଙ୍କ ମୃତ୍ୟୁ ସାଧାରଣ ନଥିଲା । ୨୦୧୮ ମସିହା ଫେବ୍ରୁଆରୀ ମାସରେ ଦୁବାଇରେ ସେ ପ୍ରାଣ ହରାଇଥିଲେ । ଏକ ବିବାହ କାର୍ଯ୍ୟକ୍ରମରେ ସାମିଲ ସମୟରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ ଯାହାକୁ ନେଇ ବିବାଦ ହୋଇଥିଲା । ତେବେ ପୋଷ୍ଟ୍ ମର୍ଟମ ରିପୋର୍ଟରେ ସବୁ ସତ ସାମ୍ନାକୁ ଆସିଥିଲା । ଘଟଣାକୁ ଅନେକ ବର୍ଷ ବିତି ଯାଇଥିଲେ ମଧ୍ୟ ଶ୍ରୀଦେବୀଙ୍କ ଶେଷ ସମୟ କିପରି ଥିଲା ତାହାର ଉତ୍ତର କାହା ପାଖରେ ନାହିଁ ।

ଶେଷ ସମୟରେ କଣ ଘଟିଥିଲା

ଖଲିଜ୍ ଟାଇମ୍ସ ଅନୁସାରେ, ସ୍ୱାମୀ ବୋନ୍ନୀ କପୁର ଭାରତ ଫେରି ଶନିବାର ଦୁବାଇ ଯାଇଥିଲେ । ସେ ଶ୍ରୀଦେବୀଙ୍କୁ ସରପ୍ରାଇଜ୍ କରିବେ ବୋଲି ଭାବିଥିଲେ । ଶ୍ରୀଦେବୀ ଦୁବାଇର ପ୍ରସିଦ୍ଧ ଜୁମେରିୟା ଏମିରେଟସ ହୋଟେଲରେ ଥିଲେ । ବୋନ୍ନୀ ଶ୍ରୀଦେବୀଙ୍କ କୋଠରୀରେ ସନ୍ଧ୍ୟା ସାଢେ ୫ଟାରେ ପହଁଚିଥିଲେ । ଏହାପରେ ଉଭୟ ୧୫ ମିନିଟ୍ ଧରି କଥା ହୋଇଥିଲେ ।

ଏହାପରେ ଶ୍ରୀଦେବୀ ବାଥରୁମ୍ ଯାଇଥିଲେ । କିନ୍ତୁ ୧୫ ମିନିଟ୍ ହେଲା ବାହାରକୁ ବାହାରି ନଥିଲେ । ଯାହାକୁ ନେଇ ବୋନ୍ନୀଙ୍କ ସନ୍ଦେହ ବଢିଥିଲା । ବୋନ୍ନୀ ବାଥରୁମ କବାଟ ବାଢେଇଥିଲେ ମଧ୍ୟ କୌଣସି ଉତ୍ତର ମିଳିନଥିଲା । କବାଟକୁ ଭାଙ୍ଗିଲା ପରେ ତଳେ ଶ୍ରୀଦେବୀ ପଡିଥିବା ସେ ଦେଖିଥିଲେ । ଘଟଣାକୁ ନେଇ ସେ ପ୍ରଥମେ ନିଜର ଜଣେ ବନ୍ଧୁଙ୍କୁ ଖବର ଦେଇଥିଲେ । ରାତି ୯ଟାରେ ପୋଲିସକୁ ଖବର ଦିଆଯାଇଥିଲା ।

ପୋଷ୍ଟ ମଟର୍ମ୍ ରିପୋର୍ଟ

ଶ୍ରୀଦେବୀଙ୍କ ବ୍ୟବଚ୍ଛେଦରେ ଜଣା ପଡିଥିଲା ଯେ, ତାଙ୍କର ପାଣିରେ ବୁଡି ମୃତ୍ୟୁ ହୋଇଛି । ଯାହା ଘଟଣାକୁ ଅଧିକ ସସପେନ୍ସକୁ ଠେଲି ଦେଇଥିଲା । ପରେ ବୋନ୍ନୀ କପୁର ଏକ ସାକ୍ଷାତକାରରେ ଏହା ସାଧାରଣ ମୃତ୍ୟୁ ନୁହେଁ ବରଂ ଦୁର୍ଘଟଣା । ଏହାର ତଦନ୍ତ ହେବା ଜରୁରୀ ବୋଲି ସେ ପ୍ରକାଶ କରିଥିଲେ ।