ମୋଷ୍ଟଓ୍ୱାଣ୍ଟେଡ୍ ‘ଗୋମାଫିଆ’ ଗିରଫ, ଭୋଜି କରୁଥିବା ବେଳେ ମାଡ଼ିବସିଲା ପୋଲିସ

ଆଠଗଡ଼ ୨୯।୧୨ : ମୋଷ୍ଟ ଓ୍ୱାଣ୍ଟେଡ୍ ଗୋମାଫିଆ ଗିରଫ । ଦୀର୍ଘ ଦିନ ପୋଲିସ ହେପାଜତରୁ ଫେରାର ଥିବା ମୋଷ୍ଟ ଓ୍ୱାଣ୍ଟେଡ୍ ଗୋମାଫିଆ ତାଜୁଦ୍ଦିନ ଓରଫ ତାଜୁ ଖାନକୁ ଗିରଫ କରିଛି ପୋଲିସ । ଭଟ୍ଟାରିକା ଶସାଙ୍ଗ ନିକଟରେ ବଣଭୋଜି କରୁଥିବା ସମୟରେ ଗିରଫ କରିଛି ପୋଲିସ ।

ବଡ଼ମ୍ବା, ନରସିଂହପୁର, ତିଗିରିଆ ବାରମାଣ ଜଙ୍ଗଲ ଓ କଟା ମାଂସକୁ ବିଭିନ୍ନ ଅଞ୍ଚଳକୁ ପରିବହନରେ ସାମିଲ ତାଜୁଦ୍ଦିନ ଖାନ୍ । ଭଟ୍ଟାରିକା ଶସାଙ୍ଗ ନିକଟରେ ବଣଭୋଜି କରୁଥିବା ସମୟରେ ପୋଲିସର ସ୍ୱତନ୍ତର ଟିମ୍ ଚଢାଉ କରିଥିଲା । ଏହି ଚଢାଉରେ ମୋଷ୍ଟ ଓ୍ୱାଣ୍ଡେଡ୍ ଗୋମାଫିଆ ତାଜୁଦ୍ଦିନ ଖାନ୍ଙ୍କୁ ବାନ୍ଧିଛି ପୋଲିସ । ବଡ଼ମ୍ବା ଥାନା କେସ୍ ନଂ ୩୭୭/୨୫ରେ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଜଣକ ଗୋରୁ ଚାଲାଣ ଓ ବେଆଇନ୍ ପରିବହନରେ ତିଗିରିଆ ଥାନାରେ ୩ଟି କେସ୍, ଆଠଗଡ଼ ଥାନାରେ ଦୁଇଟି କେସ୍, ବଡ଼ମ୍ବା ଥାନାରେ ଦୁଇଟି କେସ୍ ରହିଥିବା ବେଳେ ତା ବିରୋଧରେ ୩ଟି ଏନ୍ବିଡବ୍ଲୁ ମାମଲା ରହିଛି । ଦୀର୍ଘ ଦିନ ଧରି ପୋଲିସ ତାଜୁଦ୍ଦିନ ଖାନକୁ ଖୋଜୁଥିଲା ।