ହଠାସ ଆସିଗଲା ବର୍ଷା, ବନ୍ୟାରେ ବୁଡିଗଲା ରାଜ୍ୟ : ୩୦ ମୃତ

ବ୍ରାସିଲା, ୨୬/୦୨: ବ୍ରାଜିଲରେ ବନ୍ୟା ବିଭୀଷିକା । ପ୍ରାଣ ହରାଇଲେଣି ୩୦ରୁ ଅଧିକ ବ୍ୟକ୍ତି । ଜଳମଗ୍ନ ହୋଇ ରହିଛି ଅନେକ ଜାଗା । ବ୍ରାଜିଲର ଦକ୍ଷିଣ ପୂର୍ବ ରାଜ୍ୟ ମିନାସ ଗେରେସରେ ସୋମବାର ସନ୍ଧ୍ୟାରେ ପ୍ରବଳ ବର୍ଷା ଯୋଗୁ ଆସିଥିବା ବନ୍ୟା ଏବଂ ଭୂସ୍ଖଳନ କାରଣରୁ ଅତି କମରେ ୩୦ ଜଣ ପ୍ରାଣ ହରାଇଛନ୍ତି ।

ତେବେ ମୃତକଙ୍କ ମଧ୍ୟରୁ ଅଧିଂକାଶ ହେଉଛନ୍ତି ଜୁଇଜ୍ ଦେ ଫୋରା ସହରର । ସେଠାରେ ୧୮ ଜଣ ପ୍ରାଣ ହରାଇଥିବାବେଳେ ଉବା ସହରରେ ଅନ୍ୟ ୧୨ଜଣଙ୍କର ମୃତ୍ୟୁ ଘଟିଛି । ପ୍ରାୟ ୪୦ ଜଣ ନିଖୋଜ ଅଛନ୍ତି । ସେମାନଙ୍କ ସନ୍ଧାନ ଲାଗି ଉଦ୍ଧାର ଅଭିଯାନ ଜାରି ରହିଛି । ସେହିପରି ଉଭୟ ସହରରେ ଅନେକ ଘର ଏବଂ ବିଲ୍ଡିଂ ଭୁଶୁଡ଼ି ପଡି଼ଛି । କେବଳ ଜୁଇଜ୍ ଦେ ଫୋରାରେ ପ୍ରାୟ ୪୪୦ଟି ଘର ଭାଙ୍ଗିଛି । ଏଭଳିସ୍ଥିତିରେ ସ୍ଥାନୀୟ ପ୍ରଶାସନ ଲୋକଙ୍କୁ ଅସ୍ଥାୟୀ ବାସଗୃହ ଏବଂ ରିଲିଫ୍ ସାମଗ୍ରୀ ଯୋଗାଇଛି ।

ରିପୋର୍ଚ ଅନୁସାରେ, ସୋମବାର ସନ୍ଧ୍ୟାରେ ଦେଶର ମିରାସ ଗେରେସ୍ ରାଜ୍ୟରେ ପ୍ରବଳ ବର୍ଷା ହୋଇଥିଲା । ବାଦଲ ଫଟା ବର୍ଷା ପାଇଁ ରାଜ୍ୟର ଅନେକ ନଦୀର ଜଳସ୍ତର ବୃଦ୍ଧି ପାଇଥିଲା । ହଠାତ ବର୍ଷା ପାଇଁ ପାଣି ମଧ୍ୟ ନିସ୍କାସନ ହୋଇପାରିନଥିଲା । ଫଳରେ ବିଭିନ୍ନ ଅଞ୍ଚଳ ଜଳମଗ୍ନ ହୋଇ ପଡିଛି । ବନ୍ୟା ପାଇଁ ଅନେକ ମୃତ୍ୟୁବରଣ କରିଛନ୍ତି । ୪୦ରୁ ଅଧିକ ନିଖୋଜ ଅଛନ୍ତି । ଆଗକୁ ମୃତକଙ୍କ ସଂଖ୍ୟା ବୃଦ୍ଧି ପାଇପାରେ ବୋଲି ଆଶଙ୍କା ପ୍ରକାଶ ପାଇଛି ।