ବେଙ୍ଗାଲୁରୁ - ବେଙ୍ଗାଲୁରୁର ଜଣେ ଅଭିଭାବକଙ୍କ ଦ୍ୱାରା ରେଡିଟ୍ରେ ପୋଷ୍ଟ କରାଯାଇ ଥିବା ଏକ ପୋଷ୍ଟ ,ଭାରତରେ ଶିକ୍ଷାର ଆକାଶ ଛୁଆଁ ମୂଲ୍ୟକୁ ନେଇ ବିତର୍କ ଆରମ୍ଭ ହୋଇ ଯାଇଛି। ୟୁଜର ଦାବି କରିଛନ୍ତି ଯେ, ଏକ ସ୍କୁଲ ଦ୍ୱାରା ସେୟାର କରାଯାଇ ଥିବା ପ୍ରି-ନର୍ସରୀ ଆଡମିସନର ବାର୍ଷିକ ଖର୍ଚ୍ଚ ପାଖାପାଖି ୧.୮୫ ଲକ୍ଷ ଟଙ୍କା।
ପୋଷ୍ଟ ଅନୁସାରେ, ଏଥିରେ ୫୦୦୦ ଟଙ୍କା ପଞ୍ଜୀକରଣ ଶୁଳ୍କ , ଉପଯୋଗୀ ସାମଗ୍ରୀ ପାଇଁ ୨୮,୨୪୦ ଟଙ୍କା ( ଦୁଇଟି କିସ୍ତିରେ ଦେୟ), ଜୁନ୍ରୁ ନଭେମ୍ୱର ଯାଏ ୯୧,୨୦୦ ଟଙ୍କା ତଥା ଅବଶିଷ୍ଟ ବର୍ଷ ପାଇଁ ୬୦,୮୦୦ ଟଙ୍କା ସାମିଲ ଥିଲା।
ବାଙ୍ଗାଲୋରରେ ଜଣେ ଛୋଟ ପିଲା ଠାରୁ ପ୍ରି-ସ୍କୁଲ୍ ପାଇଁ ଦେୟ ନେବା କ'ଣ ଯୁକ୍ତିଯୁକ୍ତ ? ଆପଣଙ୍କର କଣ ମତ, ଏବଂ ଏହାର ଉଚିତ୍ ମୂଲ୍ୟ କ'ଣ ହେବ? ୟୁଜର r/bangalore ସବରେଡିଟରେ ପଚାରି ଥିଲେ, ଏବଂ ଏହା ମଧ୍ୟ ପ୍ରଶ୍ନ କରିଥିଲେ ଯେ, ଏପରି ଫି ନେବା କଣ ଯଥାର୍ଥ କି ?
ଏହି ପୋଷ୍ଟଟି ଖୁବ୍ ଜୋରରେ ଭାଇରାଲ ହୋଇ ୧୫୦୦ରୁ ଅଧିକ ସମର୍ଥନ ଓ ଶହ ଶହ ସଂଖ୍ୟାରେ ଭ୍ୟୁଜ୍ ମିଳିଛି। କିଛି ୟୁଜର ଯୁକ୍ତି ଦେଇ ଥିଲେ ଯେ, ଉଚ୍ଚସ୍ତରୀୟ ସ୍କୁଲ୍ ସର୍ବଦା ମହଙ୍ଗା ରହିଥାଏ, ଅନ୍ୟପଟେ ଅନେକ ନିୟମାବଳୀର ଅଭାବକୁ ସମାଲୋଚନା କରି ଏପରି ଫି’କୁ ଅତ୍ୟଧିକ ଓ ମଧ୍ୟବିତ୍ତ ପରିବାର ପାଇଁ ବହନ ଯୋଗ୍ୟ ନୁହେଁ ବୋଲି କହିଛନ୍ତି।
ମୂଳ ପୋଷ୍ଟର (ଓପି) ଆହୁରି କହିଛି -ଏହାର ଏକ ସୀମା ରହିବା ଉଚିତ। ଯଦି ଆପଣ ଏଥିରେ ଅଙ୍କୁଶ ଲଗେଇ ପାରିବେ ନାହିଁ,ତ ଏହା ଅକୁଶଳ ଶାସନ ହେବ। ଏକ ଲକ୍ଷ ସର୍ବାଧିକ ମୂଲ୍ୟ ସୀମା ହେବା ଉଚିତ ଏବଂ ଏହାଠାରୁ ଅଧିକ କିଛି ହେବାର ଅନୁମତି ଦିଆଯିବା ଉଚିତ୍ ନୁହେଁ।
ଭାଇରାଲ୍ ପୋଷ୍ଟରେ ପ୍ରତିକ୍ରିୟା ଦେଇ ଜଣେ ୟୁଜର ଟିପ୍ପଣୀ ଦେଇଛନ୍ତି ଯେ, ମୋ ଭଉଣୀ ମୋ ଭାଣିଜୀ ପାଇଁ ୪-୫ ଲକ୍ଷ ଟଙ୍କା ଦେଇଥିଲା, ତେଣୁ ମୁଁ ଭାବୁଛି ଏହା ଠିକ୍, କିନ୍ତୁ ସତ ଯଦି କହିବି ତ , ବେଙ୍ଗାଲୁରୁରେ ଶିକ୍ଷା କଷ୍ଟସାଧ୍ୟ ହୋଇପଡୁଛି।"
