ନୂଆଦିଲ୍ଲୀ: “ଏ ରଭନୀତ୍ ବିଟ୍ଟୁ ମୋ ସାଙ୍ଗ, ପାଞ୍ଚ ବର୍ଷ ହେଲା ସାଙ୍ଗ ହୋଇଛି । ରଭନୀତ୍ ବିଟ୍ଟୁକୁ ଲୁଧିଆନାରୁ ସାଂସଦ କରି ଦିଲ୍ଲୀ ପଠାନ୍ତୁ, ତାଙ୍କୁ ବଡ଼ ଲୋକ ବନେଇବା ଦାୟିତ୍ବ ମୋର” । ନିର୍ବାଚନୀ ରାଲିରେ ରଭନୀତ୍ ସିଂହ ବିଟ୍ଟୁକୁ ନେଇ ଏଭଳି କିଛି କହିଥିଲେ ଅମିତ୍ ଶାହ । ମାତ୍ର ଲୁଧିଆନାବାସୀ ବିଟ୍ଟୁଙ୍କ ଉପରେ ଭରସା କରିପାରିନାହାନ୍ତି, ହେଲେ ସେ ମୋଦି ୩.O ସରକାରର ମନ୍ତ୍ରିମଣ୍ଡଳରେ ସାମିଲ୍ ହୋଇଛନ୍ତି । ତେବେ କିଏ ରଭନୀତ୍ ସିଂହ ବିଟ୍ଟୁ ଯିଏ ନିର୍ବାଚନରେ ପରାସ୍ତ ହୋଇ ମଧ୍ୟ ମନ୍ତ୍ରୀ ଭାବେ ଶପଥ ନେଇଛନ୍ତି ?

ନିର୍ବାଚନ ଫଳ ବାହାରିବା ପରେ ୧୮ତମ ଲୋକସଭା ଗଠନ ହୋଇଛି । ନରେନ୍ଦ୍ର ମୋଦି ତୃତୀୟ ଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେଇଛନ୍ତି । ତାଙ୍କ ସହିତ ୭୨ଜଣ ମଧ୍ୟ ସାଂସଦ ମଧ୍ୟ ମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ହେଲେ ମୋଦିଙ୍କ ମନ୍ତ୍ରିପରିଷଦରେ ନିର୍ବାଚନ ହାରି ବି ବହୁ ନେତା ମନ୍ତ୍ରୀ ଭାବେ ଶପଥ ନେଇଛନ୍ତି । ଏମାନଙ୍କ ମଧ୍ୟରେ ପଞ୍ଜାବ ଲୁଧିଆନର ରଭନୀତ୍ ସିଂହ ବିଟ୍ଟୁ ଆଗରେ ରହିଛନ୍ତି । ବିଜେପି ପଟିୟାଲାର ପୂର୍ବତନ ସାଂସଦ ଏବଂ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂହଙ୍କ ପତ୍ନୀ ପରନୀତ୍ କୌର, ଅମୃତସରରୁ ତରନଜିତ୍ ସିଂବ ସିଦ୍ଧୁ,  ଭଟିଣ୍ଡାରୁ ପୂର୍ବତନ ଆଇପିଏସ ଅଧିକାରୀ ପରମପାଲ କୌର ସିଦ୍ଧୁ ଏବଂ ଫରିଦକୋର୍ଟରୁ ଗାୟକ ହଂସ ରାଜ ହଂସହଙ୍କ ସ୍ଥାନରେ ରଭନୀତ୍ ସିଂହ ବିଟ୍ଟୁଙ୍କ ଚୟନ କରାଯାଇଥିଲା । ଭାରତୀୟ ଜନତା ପାର୍ଟି ପଞ୍ଜାବରୁ ଖୋତାଖୋଲି ପାରିନାହିଁ । ରଭନୀତ୍ ସିଂହ ବିଟ୍ଟୁ ମଧ୍ୟ ପରାସ୍ତ ହୋଇଛନ୍ତି । 

ରଭନୀତ୍ ସିଂହ ବିଟ୍ଟୁ ପୂର୍ବରୁ କଂଗ୍ରେସରୁ ୩ଥର ସାଂସଦ ହୋଇଛନ୍ତି । ବିଟ୍ଟୁ ପ୍ରଥମ ଥର ପାଇଁ ୨୦୦୯ରେ ଆନନ୍ଦପୁର ସାହିବ ଲୋକସଭା କ୍ଷେତ୍ରରୁ ନିର୍ବାଚିତ ହୋଇଛି । ଏହା ପରେ ୨୦୧୪ ଏବଂ ୨୦୧୯ରେ ଲୁଧିଆନାରୁ ଜିତି ଥିଲେ । ଲୋକସଭା ନିର୍ବାଚନ ପୂର୍ବରୁ ସେ ବିଜେପିରେ ସାମିଲ୍ ହୋଇଥିଲେ । ହେଲେ ପଞ୍ଜାବ କଂଗ୍ରେସ ପ୍ରମୁଖ ଅମରିନ୍ଦର ସିଂହ ରାଜାଙ୍କ ଠାରୁ ପ୍ରାୟ ୨୦ ହଜାର ଭୋଟରେ ପରାସ୍ତ ହୋଇଛନ୍ତି । ଚାଷୀ ବିରୋଧୀ ଆନ୍ଦୋଳ ବିଟ୍ଟୁ ପରାଜିତ କରିଛି ବୋଲି କୁହାଯାଉଛି । 

ରଭନୀତ୍ ସିଂହ ବିଟ୍ଟୁ ଯେତେ ବେଳେ ୧୧ ବର୍ଷ ହୋଇଥିଲା ସେତେବେଲେ ତାଙ୍କ ପିତାଙ୍କ ମୃତ୍ୟୁ ହୋଇଥିଲା । ୨୦ ବର୍ଷ ବୟସରେ ଜେଜେ ଆରପାରିକୁ ଚାଲିଯାଇଥିଲେ । ତାଙ୍କ ଜେଜେ ତଥା ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ବେଅନ୍ତ ସିଂହଙ୍କୁ ୧୯୯୫ରେ ଖଲିସ୍ତାନୀ ସମର୍ଥକ ହତ୍ୟା କରିଥିଲେ । ୨୦୦୭ରେ ବିଟ୍ଟୁ ତତ୍କାଳୀନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ସାକ୍ଷତ କରିଥିଲେ ରାଜନୀତି ପାଦ ଥାପିଥିଲେ । ଏହା ପରେ ବିଟ୍ଟୁ ୨୦୦୮ରେ ପଞ୍ଜାବ ଯୁବ ମୋର୍ଚ୍ଚାର ଦାୟିତ୍ବ ସମ୍ଭାଳିଥିଲେ ।