ଓଜନ କମାଇବାକୁ ଚ୍ୟାଲେଞ୍ଜ କରି ଚାଲିଗଲା ଫିଟନେସ୍ କୋଚ୍‌ଙ୍କ ଜୀବନ, ଡାକ୍ତରଙ୍କ ଚେତାବନୀ- ଭୁଲରେ କରନ୍ତୁନି ଏପରି ପଦ୍ଧତି

ନୂଆଦିଲ୍ଲୀ:ଆଜିକାଲି ଓଜନ ବୃଦ୍ଧି ଏବଂ ମେଦବହୁଳତା ଗମ୍ଭୀର ସ୍ୱାସ୍ଥ୍ୟ ସମସ୍ୟା ମଧ୍ୟରୁ ଗୋଟିଏ। ଏହା ସିଧାସଳଖ ମଧୁମେହ, ଉଚ୍ଚ ରକ୍ତଚାପ, ହୃଦରୋଗ ଏବଂ କର୍କଟ ଭଳି ରୋଗର କାରଣ ପାଲଟିଛି। ଏହି କାରଣରୁ ସ୍ୱାସ୍ଥ୍ୟ ବିଶେଷଜ୍ଞମାନେ ବିଶ୍ୱବ୍ୟାପୀ ସମସ୍ତଙ୍କୁ ଓଜନ ନିୟନ୍ତ୍ରଣ ବଜାୟ ରଖିବାକୁ ପରାମର୍ଶ ଦେଉଛନ୍ତି। କିନ୍ତୁ ଓଜନକୁ ତୁରନ୍ତ କମାଇବା କେତେ ଘାତକ ହୋଇପାରେ, ତାହା ଏବେ ସାମନାକୁ ଆସିଛି। ଓଜନ କମାଇ ଜଣେ ଫିଟନେସ୍ କୋଚ୍ ଏବଂ ଇନଫ୍ଲୁଏନ୍ସରଙ୍କ ମୃତ୍ୟୁ ହୋଇଛି।

ଗଣମାଧ୍ୟମ ରିପୋର୍ଟ ଅନୁସାରେ, ୩୦ ବର୍ଷୀୟ ରଷିଆନ୍ ଫିଟନେସ୍ ପ୍ରଶିକ୍ଷକ ଏବଂ ସୋସିଆଲ ମିଡିଆ ଇନଫ୍ଲୁଏନ୍ସର ଦିମିତ୍ରୀ ନୁୟାଙ୍ଗିନଙ୍କ ହାର୍ଟ ଆଟାକ ଯୋଗୁଁ ମୃତ୍ୟୁ ହୋଇଛି। ଓଜନ କମାଇବେ କିପରି ଏହା ଉପରେ ସେ ଭିଡିଓ କରିଥିଲେ। ଏଥିପାଇଁ ପାଇଁ ସେ ଦ୍ରୁତ ଗତିରେ ଓଜନ ବୃଦ୍ଧି କରିଥିଲେ ଏବଂ ତା'ପରେ ଦ୍ରୁତ ଗତିରେ ଓଜନ ହ୍ରାସ କରିବାର ଚ୍ୟାଲେଞ୍ଜ କରିଥିଲେ। କିନ୍ତୁ, ଏହି ସମୟ ମଧ୍ୟରେ ତାଙ୍କ ସ୍ୱାସ୍ଥ୍ୟ ଖରାପ ହେବାରେ ଲାଗିଲା। ତାଙ୍କର ହୃଦଘାତ ଯୋଗୁଁ ମୃତ୍ୟୁ ହୋଇଥିବା ଜଣାପଡ଼ିଛି।

ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବାନୁସାରେ ଦ୍ରୁତ ଗତିରେ ଓଜନ ବୃଦ୍ଧି ଏବଂ ଓଜନ ହ୍ରାସ ଉଭୟ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ। ମିଡିଆ ରିପୋର୍ଟ ଅନୁଯାୟୀ, ଫିଟନେସ୍ ପ୍ରଶିକ୍ଷକ ଦିମିତ୍ରୀ ଓଜନ ବଢ଼ାଇବା ପାଇଁ ଉଚ୍ଚ-କ୍ୟାଲୋରୀ, ଅତ୍ୟଧିକ-ଖାଇଥିଲ। ତାଙ୍କର ଲକ୍ଷ୍ୟ ଥିଲା ଦ୍ରୁତ ଗତିରେ ୨୨ କେଜିରୁ ଅଧିକ ବୃଦ୍ଧି କରିବା, ଯାହା ପରେ ସେ ଏହି ଓଜନକୁ ଶୀଘ୍ର କିପରି ହ୍ରାସ କରିବେ ତାହା ଦେଖାଇବା ପାଇଁ ତାଙ୍କର ନୂତନ ଫିଟନେସ ଫର୍ମୁଲାକୁ ଆପଣେଇଥିଲେ।

ସେ କିଛି ସପ୍ତାହ ଧରି ପ୍ରତିଦିନ ଦଶ ହଜାର କ୍ୟାଲୋରୀ ଗ୍ରହଣ କରିଥିଲେ। ଯେଉଁଥିରେ ମୁଖ୍ୟତଃ କୋଲେଷ୍ଟ୍ରଲ୍ ଯୁକ୍ତ ଫାଷ୍ଟଫୁଡ୍ ସାମଗ୍ରୀ ଅନ୍ତର୍ଭୁକ୍ତ ଥିଲା। ରିପୋର୍ଟ ଅନୁଯାୟୀ, ଦିମିତ୍ରୀ ଚ୍ୟାଲେଞ୍ଜ ଅଧୀନରେ ମାତ୍ର ଗୋଟିଏ ମାସରେ ୧୩ କିଲୋଗ୍ରାମରୁ ଅଧିକ ବୃଦ୍ଧି କରିଥିଲେ। ନଭେମ୍ବର ୧୮ରେ ଏକ ଇନଷ୍ଟାଗ୍ରାମ ପୋଷ୍ଟରେ ସେ କହିଥିଲେ ଯେ ତାଙ୍କର ଓଜନ  କିଲୋଗ୍ରାମ ହୋଇଯାଇଛି।

କିଛି ଦିନ ମଧ୍ୟରେ, ଅଧିକ କ୍ୟାଲୋରୀ ଗ୍ରହଣ ଯୋଗୁଁ ତାଙ୍କ ସ୍ୱାସ୍ଥ୍ୟ ଖରାପ ହୋଇଯାଇଥିଲା, ଯାହା ଫଳରେ ତାଙ୍କର ହୃଦଘାତ ହୋଇଥିଲା। ରିପୋର୍ଟ ଅନୁଯାୟୀ, ଯିଏ ତାଙ୍କ କାର୍ଯ୍ୟକ୍ରମରେ ୧୦% ଓଜନ ହ୍ରାସ କରିଛନ୍ତି ସେମାନଙ୍କୁ ପୁରସ୍କାର ପ୍ରଦାନ କରିଛନ୍ତି।