ପୀତବାସ ପଣ୍ଡା ହତ୍ୟା ମାମଲାରେ CID-CB ଡାରେକ୍ଟର ଜେନରାଲଙ୍କୁ ଚିଠି, ନିୟୋଜିତ ହେବେ ୨ ଅଭିଜ୍ଞ ଓକିଲ

ବ୍ରହ୍ମପୁର ୩୧/୧୦: ବ୍ରହ୍ମପୁର ଆଇନଜୀବୀ ପୀତବାସ ପଣ୍ଡା ହତ୍ୟାକାଣ୍ଡ ଘଟଣା । ହତ୍ୟା ମାମଲାର ପରିଚାଳନା ପାଇଁ ୨ ଅଭିଜ୍ଞ ଓକିଲଙ୍କୁ ନିୟୋଜିତ ପାଇଁ ଚିଠି । ବରିଷ୍ଠ ଆଇନଜୀବୀ କାଳୀଚରଣ ମିଶ୍ର, ଅବିନାଶ ପାଢ଼ୀଙ୍କୁ ନିୟୋଜିତ ପାଇଁ ଚିଠି । ସିବିଆଇର ଅବସରପ୍ରାପ୍ତ ଆଡିସିନାଲ ଲିଗାଲ ଆଡଭାଇଜର କାଳୀଚରଣ ମିଶ୍ର ।

ବ୍ରହ୍ମପୁର କୋର୍ଟରେ ମାମଲାର ପରିଚାଳନା ଏବଂ ଆଇନଗତ ପରାମର୍ଶ ପ୍ରଦାନ କରିବା ପାଇଁ ସ୍ୱତନ୍ତ୍ର ପ୍ରସ୍ୟୁକେଟର ନିଯୁକ୍ତି ପାଇଁ CID-CB ଡିଜିଙ୍କୁ ଚିଠି ଲେଖିଲେ ବ୍ରହ୍ମପୁର ଏସ. ପି । ବୈଦ୍ୟନାଥପୁର ପିଏସ୍ କେସ୍ ନମ୍ବର ୫୧୮ ତାରିଖ ୦୬.୧୦.୨୦୨୫ ଧାରା ୧୦୩(୨)/୩(୫) ବିଏନ୍ଏସ୍ ର/ଡବ୍ଲୁ ଧାରା ୨୫(୧-ବି)/୨୭ ଆର୍ମସ୍ ଆକ୍ଟ ଅନୁଯାୟୀ ମାମଲା ରୁଜୁ ହୋଇଛି ।

ବ୍ରହ୍ମପୁର କୋର୍ଟରେ ଉପରୋକ୍ତ ମାମଲା ପରିଚାଳନା ଓ ଆଇନଗତ ପରାମର୍ଶ ପ୍ରଦାନ କରିବା ପାଇଁ ଓଡ଼ିଶା ହାଇକୋର୍ଟର ଅତିରିକ୍ତ ଆଇନ ପରାମର୍ଶଦାତା କାଳୀ ଚରଣ ମିଶ୍ରଙ୍କୁ ସ୍ୱତନ୍ତ୍ର ସରକାରୀ ପ୍ରସିକ୍ୟୁଟର ଭାବେ ନିଯୁକ୍ତ କରାଯାଇଛି । ଏହାସହ ଓଡ଼ିଶା ହାଇକୋର୍ଟର ଆଇନଜୀବୀ ଅବିନାଶ ପାଢ଼ୀଙ୍କୁ ଅତିରିକ୍ତ ସ୍ୱତନ୍ତ୍ର ସରକାରୀ ପ୍ରସିକ୍ୟୁଟର ଭାବରେ ନିଯୁକ୍ତି ଦିଆଯାଇଛି। ଗୃହ ବିଭାଗକୁ ଅନୁମତି ପ୍ରଦାନ ପାଇଁ କରିଛନ୍ତି ଅନୁରୋଧ ।