ନୂଆଦିଲ୍ଲୀ ୧୪।୦୪: ମୃତ୍ୟୁକୁ ହେଲାଣି ୨୮ ବର୍ଷ । ତଥାପି ଭବିଷ୍ୟବାଣୀକୁ ନେଇ ଥମୁନି ଚର୍ଚ୍ଚା । ସାମ୍ନାକୁ ଆସୁଛି ଗୋଟିଏ ପରେ ଗୋଟିଏ ଭବିଷ୍ୟବାଣୀ । ଟିକ୍ନିକ ତଥ୍ୟ ହେଉଛି ସତ ପ୍ରମାଣିତ । ବୁଲଗେରିଆର ବାବା ଭେଙ୍ଗା । ଏବେ ଆଉ ଏକ ଭବିଷ୍ୟବାଣୀକୁ ନେଇ ଚର୍ଚ୍ଚାରେ । ସେ କରିଥିବା ଏକ ଭବିଷ୍ୟବାଣୀ ପୁଣି ହୋଇଛି ସତ । ବାବା ଭେଙ୍ଗା ସାଇବର ଅପରାଧକୁ ନେଇ କରିଥିଲେ ପୂର୍ବାନୁମାନ । ବର୍ତ୍ତମାନ ଇଣ୍ଟରନେଟ୍ ଯୁଗ । ଛୋଟଠାରୁ ବଡ ସମସ୍ତେ ଇଣ୍ଟରନେଟ୍ରେ ବ୍ୟସ୍ତ । କିନ୍ତୁ ବର୍ତ୍ତମାନର ସ୍ଥିତିକୁ ୨୮ ବର୍ଷ ପୂର୍ବେ ଦେଖିଥିଲେ ବାବା ଭେଙ୍ଗା।
ସେ ଇଣ୍ଟରନେଟ୍କୁ ନେଇ କରିଥିଲେ ଭବିଷ୍ୟବାଣୀ । କହିଥିଲେ କି ଦିନେ ଇଣ୍ଟରନେଟ୍ ପାଲଟିବ ଏକ ବିପଦଜ୍ଜନକ ଅସ୍ତ୍ର । ସାଇବର ଆଟାକ ଠାରୁ ଆରମ୍ଭ କରି ଲୋକଙ୍କ ସୁରକ୍ଷାରେ ବିଭ୍ରାଟ ପର୍ଯ୍ୟନ୍ତ ଇଣ୍ଟରନେଟ୍ ପାଲଟିବ ବିପଦର ମୁଖ୍ୟ ଅସ୍ତ୍ର । ନିକଟ ଅତୀତରେ ବୈଷୟିକ ଶିଳ୍ପରେ ଘଟିଛି ଅନେକ ବଡ଼ ଘଟଣା । ଏପରିକି ଆପଲ ଏବଂ ମେଟାର ସୁରକ୍ଷା ମଧ୍ୟ ବିପଦରେ ପଡ଼ିଛି । ଏହାର ପ୍ରଭାବ ସାରା ବିଶ୍ୱରେ ଦେଖାଯାଇଛି । ବର୍ତ୍ତମାନ ସମୟରେ ସାଇବର ଅପରାଧ, ହ୍ୟାକିଂ, ଡିପ୍ଫେକ୍ ନକଲି ଭିଡିଓ ତିଆରି, ଲିଙ୍କ୍ ପଠାଇ ଠକେଇ କରିବା ଭଳି ଅନେକ ଘଟଣା ଦ୍ରୁତ ଗତିରେ ବୃଦ୍ଧି ପାଉଛି । ତେଣୁ କୁହାଯାଉଛି କି ବର୍ଷ ବର୍ଷ ପୂର୍ବରୁ ବାବା ଭେଙ୍ଗା କରିଥିବା ଭବିଷ୍ୟବାଣୀ ଏବେ ସତ ହେଉଛି ।
ସେ ଆହୁରି କହିଥିଲେ କି ୨୦୨୨ରେ ଲୋକମାନେ ସ୍କ୍ରିନରେ ଆବଶ୍ୟକତାଠାରୁ ଅଧିକ ସମୟ ବିତାଇବା ଆରମ୍ଭ କରିବେ । ଯାହା ଏବେ ସତ ପ୍ରମାଣିତ ହୋଇଛି । ବର୍ତ୍ତମାନ ଦିନକୁ ଦିନ ସମସ୍ତଙ୍କୁ ଘାରିଛି ମୋବାଇଲ ଫୋନ ନିଶା । ଏହା କେବଳ ଗୋଟିଏ ବର୍ଗର ଲୋକଙ୍କଠାରେ ନୁହେଁ, ବରଂ ସମସ୍ତ ବୟସର ଲୋକଙ୍କଠାରେ ଦେଖାଯାଉଛି । ମୋବାଇଲ ଫୋନ, ଟିଭି କିମ୍ବା ଲାପଟପ, ଏସବୁ ଜିନିଷ ପ୍ରତି ନିଶା ସାରା ବିଶ୍ୱକୁ ଘାରିଛି । ପିଲାମାନେ ବହୁତ କମ ବୟସରୁ ଫୋନ ବ୍ୟବହାର କରିବା ଆରମ୍ଭ କରି ଦେଇଛନ୍ତି।
କେବଳ ଏହି ଭବିଷ୍ୟବାଣୀ ନୁହେଁ ପୂର୍ବରୁ ତାଙ୍କର ଅନେକ ଭବିଷ୍ୟବାଣୀ ସତ ହୋଇଛି । ସେ ଦ୍ୱିତୀୟ ବିଶ୍ୱଯୁଦ୍ଧର ଭବିଷ୍ୟବାଣୀ କରିଥିଲେ। ଏହାବ୍ୟତୀତ ବାବା ଭେଙ୍ଗା ୨୦୦୪ର ସୁନାମି, ୧୧ ସେପ୍ଟେମ୍ବର ୨୦୦୧ରେ ଆମେରିକାରେ ହୋଇଥିବା ଆତଙ୍କବାଦୀ ଆକ୍ରମଣ, ବିଶ୍ବସ୍ତରରେ ଆର୍ଥିକ ଅସ୍ଥିରତାର କରିଥିଲେ ଭବିଷ୍ୟବାଣୀ । ବାବା ଭେଙ୍ଗା ମଧ୍ୟ ଭବିଷ୍ୟବାଣୀ କରିଛନ୍ତି ଯେ ୨୦୨୫ରେ ଆରମ୍ଭ ହେବ ତୃତୀୟ ବିଶ୍ୱଯୁଦ୍ଧ ଆରମ୍ଭ ହେବ। ଏହାବ୍ୟତୀତ ସେ ୨୦୪୩ ସୁଦ୍ଧା ୟୁରୋପରେ ମୁସଲିମ ଶାସନ ପ୍ରତିଷ୍ଠା ବିଷୟରେ ମଧ୍ୟ କହିଛନ୍ତି ।
