ନିତିଶ କୁମାରଙ୍କ JDUର ବିଜୟ ପଛରେ ରହିଛି ଏହି ବ୍ୟକ୍ତିଙ୍କ ହାତ, ଜାଣନ୍ତୁ କିଏ ସେ?

ପାଟନା ୧୬।୧୧: ବିହାର ବିଧାନସଭା ନିର୍ବାଚନରେ ଜେଡିୟୁ ସମେତ ଏନଡିଏର ଅନ୍ୟ ସହଯୋଗୀ ଦଳ ବିପୁଳ ବିଜୟ ହାସଲ କରିଛନ୍ତି। ଏହି ନିର୍ବାଚନରେ ନିତିଶ କୁମାରଙ୍କ ପାର୍ଟି ଜେଡିୟୁକୁ ସବୁଠୁ ଅଧିକ ୪୨ଟି ଆସନ ଲାଭ ହୋଇଛି। ଜେଡିୟୁର ଏପରି ପ୍ରଦର୍ଶନ ପଛରେ ଅନେକ ଲୋକ ଅଛନ୍ତି। ଏଥିରୁ ଗୋଟିଏ ନାମ ହେଉଛି ଅଋଣୋଦୟ ପ୍ରକାଶ। ଜେଡିୟୁ ଆଜି ଯେଉଁ ସ୍ଥିତିକୁ ପହଞ୍ଚିଛି ଏଥିରେ ଅଋଣୋଦୟ ଓ ତାଙ୍କ ଟିମ୍ ର ଦିନରାତି ପରିଶ୍ରମ ମଧ୍ୟ ରହିଛି।

ଅଋଣୋଦୟ ପ୍ରକାଶଙ୍କ ଟିମ୍ ଜେଡିୟୁର ବିଜୟ ଲାଗି ଅଗଣିତ ଘଣ୍ଟା ଦେଇ ରାତି ନିଦ ନ ଶୋଇ କାମ କରିଛି। ଅନେକ ଅଭିଯାନ, ଡାଟା ବିଶ୍ଲେଷଣ, ମାଇକ୍ରୋ ଟାର୍ଗେଟିଂ ସମେତ ଅନ୍ୟ ପ୍ରସଙ୍ଗ ଉପରେ ଫୋକସ କରି ଟିମ୍ ଅକ୍ଳାନ୍ତ ପରିଶ୍ରମ କରିଛି। ନିର୍ବାଚନ ଫଳାଫଳ ଆସିବା ପରେ ଯେତେବେଳେ ନିତିଶ କୁମାରଙ୍କ ପାର୍ଟିକୁ ୮୫ ସିଟ୍ ମିଳିଲା ସେତେବେଳେ ଅଋଣୋଦୟଙ୍କ ଟିମ୍ ମଧ୍ୟ ଏହା ଦ୍ୱାରା ଗୌରବାନ୍ୱିତ ହୋଇଛି।

ଅଋଣୋଦୟ ପ୍ରକାଶଙ୍କୁ ନିତିଶ କୁମାରଙ୍କ ପାର୍ଟି ପକ୍ଷରୁ ଜେଡିୟୁର ବିଧାନସଭା ନିର୍ବାଚନ ପ୍ରଚାର ପରିଚାଳନା ପ୍ରଦାନ କରାଯାଇଥିଲା। ଅଋଣୋଦୟ କେ.ଏମ.ସି ଦିଲ୍ଲୀରୁ ଉତୀର୍ଣ୍ଣ। ଏହା ଛଡା ସେ ଆଇଆଇଏମସିରେ ସାମ୍ବାଦିକତା ମଧ୍ୟ କରିଛନ୍ତି। ଏହା ସହିତ ସେ ଡିଡି ନ୍ୟୁଜ୍, ଏବିପି ନ୍ୟୁଜ୍ ସମେତ ଅନ୍ୟ ଗଣମାଧ୍ୟମ ସଂସ୍ଥାରେ ମଧ୍ୟ କାମ କରିଛନ୍ତି। ଅତୀତରେ ସେ ଦିଲ୍ଲୀ ସରକାରରେ ପରାମର୍ଶଦାତା ମଧ୍ୟ ଥିଲେ।

ବିହାର ବିଧାନସଭା ନିର୍ବାଚନ ଫଳାଫଳ ନଭେମ୍ବର ୧୪ରେ ଘୋଷଣା ହୋଇଥିଲା। ଏଥିରେ ଏନଡିଏ ସର୍ବାଧିକ ୨୦୨ଟି ଆସନରେ ବିଜୟୀ ହୋଇଛି। ଏହି ନିର୍ବାଚନରେ ବିଜେପି ସବୁଠୁ ବଡ଼ ପାର୍ଟି ରୂପେ ଉଭା ହୋଇଛି। ନିର୍ବାଚନରେ ବିଜେପିକୁ ମୋଟ ୮୯ଟି ଆସନ ମିଳିଛି। ସେପିହରି ଜେଡିୟୁ ଖାତାକୁ ୮୫ଟି ଆସନ ଯାଇଛି। ଏହା ପୂର୍ବରୁ ୨୦୨୦ ବିଧାନସଭା ନିର୍ବାଚନରେ ଜେଡିୟୁକୁ ମାତ୍ର ୪୩ଟି ଆସନ ମିଳିଥିଲା। ଏହା ଛଡା ଏଲଜେପି (ଆର) ୧୯ଟି ସିଟ୍ ମିଳିଛି। ସେହିପରି ଉପେନ୍ଦ୍ର କୁଶବାହଙ୍କ ଆରଏଲଏମକୁ ୪ଟି ଆସନ ମିଳିଥିବା ବେଳେ ଜିତରାମ ମାଁଝୀଙ୍କ ପାର୍ଟି ଏଚଏଏମକୁ ୫ଟି ଆସନ ମିଳିଛି। ଅନ୍ୟ ପଟେ ଆରଜେଡି ନେତୃତ୍ୱାଧୀନ ମହାଗଠବନ୍ଧନ (ଏମଜିବି)କୁ ୩୫ଟି ଆସନ ମିଳିଛି।