ଆଠଗଡ଼ ୧୦।୪: ତିଗିରିଆ ପରେ ଏବେ ଚୋରା ଗୋମାଂସ ଚାଲାଣର ନୂଆ ଠିକଣା ପାଲଟିଛି ଆଠଗଡ଼ । ବିଳମ୍ବିତ ରାତିରେ ହେଉଥିଲା ଚାଲାଣ । ପୋଲିସକୁ ମାଫିଆଙ୍କ ଖୋଲା ଚ୍ୟାଲେଞ୍ଜ ବୋଲି ଚର୍ଚ୍ଚା ।

ସୂଚନାଯୋଗ୍ୟ ଯେ, ଆଠଗଡ଼ ତିଗିରିଆ, ଢେଙ୍କାନାଳ ସଦର ତଥା ବାଙ୍କୀ ଅଞ୍ଚଳରୁ ଗୋରୁ କିଣା ହୋଇ ଆଠଗଡ଼ ଥାନା ଅନ୍ତର୍ଗତ ରେଗେଡାପଡା ଗୋଚର ପଡ଼ିଆ ପଟାସ ଜଙ୍ଗଲରେ ଠୁଳ ହୋଇଥିବା ଅଭିଯୋଗ ଆଣିଥିଲେ ସ୍ଥାନୀୟ ବାସିନ୍ଦା । ବିଳମ୍ବିତ ରାତିରେ ଗୋରୁଙ୍କୁ କଟାଯାଇ ଚୋରା ଚାଲାଣ କରାଯାଉଛି । ଗତ ବର୍ଷ ଡିସେମ୍ବର ମାସରେ ତିଗିରିଆ ଥାନା ଅନ୍ତର୍ଗତ ବାରମାଣ ସଂରକ୍ଷିତ ଜଙ୍ଗଲରେ ଚଢାଉ କରାଯାଇ ପ୍ରା ୭ଶହ ଗୋରୁଙ୍କୁ ଉଦ୍ଧାର କରିଥିଲା କଟକ ଗ୍ରାମାଞ୍ଚଳ ପୋଲିସ । ଗ୍ରାମାଞ୍ଚଳ ଏସ୍‌ପି ପ୍ରତୀକ ସିଂଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ଚଢାଉ କରି ସଫଳତା ପାଇଥିବା ବେଳେ କିଛି ଦିନ ପାଇଁ ଗୋରୁ ମାଫିଆ ମାନେ ନୀରବ ହୋଇ ଯାଇଥିଲେ । କିନ୍ତୁ ଏବେ ଆଠଗଡ଼ ଥାନା ଅଞ୍ଚଳରେ ଗୋରୁ ମାଫିଆ ସକ୍ରିୟ ଥିବା ଜଣାପଡିଛି । ରେଗେଡାପଡାର ଗୋଚର ପଡ଼ିଆ ବା ଯାତ୍ରା ପଡ଼ିଆ ନିକଟରେ ଥିବା ପଟାସ ଜଙ୍ଗଲରେ ଏଭଳି କାର୍ଯ୍ୟ ଚାଲୁଥିବା ଜଣାପଡିବା ପରେ ମାଫିଆ ମାନେ ପୋଲିସକୁ ଖୋଲା ଚାଲେଞ୍ଜ ଦେଇଥିବା ସାଧାରଣରେ ଆଲୋଚନା ହେଉଛି ।

You Can Read:

କାଳବୈଶାଖୀ ବର୍ଷାରେ ଭିଜିବ ଓଡ଼ିଶା, ୭୦-୭୫ କି.ମି. ରହିପାରେ ପବନର ବେଗ