ହାଇଦ୍ରାବାଦ: ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟ ସତ୍ତ୍ଵେ ସମ୍ମାନଜନକ ସ୍କୋର କରି ପାରିଛି ଦିଲ୍ଲୀ କ୍ୟାପିଟାଲ୍ସ। ଆଇପିଏଲ୍ ୨୦୨୫ର ୫୫ତମ ମ୍ୟାଚ୍ରେ ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ ୭ ଓ୍ଵିକେଟ୍ ହରାଇ ୧୩୩ ରନ କରି ପାରିଛି। ଆଶୁତୋଷ ଶର୍ମା ୪୧ ରନ ଓ ଟ୍ରିଷ୍ଟନ ଷ୍ଟବ୍ସ ଅପରାଜିତ ୪୧ ରନର ଇନିଂସ ଖେଳି ଦିଲ୍ଲୀର ସମ୍ମାନ ରଖି ପାରିଛନ୍ତି। ଏକଦା ୨୯ ରନରେ ୫ ଓ୍ଵିକେଟ୍ ହରାଇ ଦୟନୀୟ ସ୍ଥିତିରେ ଥିଲା ଦିଲ୍ଲୀ। ଏହି ମ୍ୟାଚ୍ ଜିତି ପ୍ଲେ ଅଫ୍ ଆଶା ଉଜ୍ଜିବୀତ ରଖିବା ପାଇଁ ସନରାଇଜର୍ସ ହାଇଦ୍ରାବାଦ ସମ୍ମୁଖରେ ରହିଛି ୧୩୪ ରନର ବିଜୟ ଲକ୍ଷ୍ୟ। ବୋଲିଂରେ ହାଇଦ୍ରାବାଦ ପାଟ୍ କମିନ୍ସ ୧୯ ରନ ଦେଇ ୩ ଓ୍ଵିକେଟ୍ ଅକ୍ତିକାର କରିଛନ୍ତି।
ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ କ୍ୟାପିଟାଲ୍ସ ଆରମ୍ଭରୁ ବ୍ୟାଟିଂ ବିପର୍ଯ୍ୟୟ ଭୋଗିଥିଲା। ପାଟ୍ କମିନ୍ସ ଘାତକ ବୋଲିଂ କରି ଦିଲ୍ଲୀର ବ୍ୟାଟିଂ ମେରୁଦଣ୍ଡ ଭାଙ୍ଗିଥିଲେ। ଇନିଂସର ପ୍ରଥମ ବଲ୍ରେ କରୁଣ ନାୟର ଆଉଟ୍ ହୋଇଥିଲେ। ଫାଫ ଡୁ ପ୍ଲେସିସ(୩), ଅଭିଷେକ ପୋରେଲ(୮), ଅଧିନାୟକ ଅକ୍ଷର ପଟେଲ୍(୬) ଓ କେଏଲ ରାହୁଲ(୧୦) ପାଭିଲିୟନ ଫେରିଥିଲେ। ୨୯ ରନରେ ୫ ଓ୍ଵିକେଟ୍ ହରାଇ ଦୟନୀୟ ସ୍ଥିତିରେ ଥିଲା ଦିଲ୍ଲୀ। ଷଷ୍ଠ ଓ୍ଵିକେଟ୍ରେ ଟ୍ରିଷ୍ଟନ ଷ୍ଟବ୍ସ ଓ ବିପ୍ରଜ ନିଗମ ଷଷ୍ଠ ଓ୍ଵିକେଟ୍ରେ ୩୩ ରନ ଯୋଡ଼ି ସ୍ଥିତି ସାମାନ୍ୟ ସୁଧାର କରିଥିଲେ। ବିପ୍ରଜ ନିଗମ ୧୮ ରନ କରି ଆଉଟ୍ ହୋଇଥିଲେ।
Also read: ମହମ୍ମଦ ଶାମୀଙ୍କୁ ହତ୍ୟା ଧମକ: ଭାଇଙ୍କ ଅଭିଯୋଗ ପରେ ପୁଲିସର ତଦନ୍ତ ଆରମ୍ଭ
ତେବେ ଦିଲ୍ଲୀର ସମ୍ମାନ ରଖିଥିଲେ ଷ୍ଟବ୍ସ ଓ ଆଶୁତୋଷ ଶର୍ମା। ଉଭୟ ଧୈର୍ଯ୍ୟର ସହ ବ୍ୟାଟିଂ କରିଥିଲେ। ଆଶୁତୋଷ ଦ୍ରୁତ ବ୍ୟାଟିଂ କରି ୨୬ ବଲ୍ରୁ ୪୧ ରନ କରିଥିଲେ। ଦୁଇ ବ୍ୟାଟର ୬୬ ରନ ଯୋଡ଼ି ଦଳକୁ ସମ୍ମାନଜନକ ସ୍କୋରରେ ପହଞ୍ଚାଇଥିଲେ। ଷ୍ଟବ୍ସ ୩୬ ବଲରୁ ୪୧ ରନ କରି ଅପରାଜିତ ଥିଲେ। ଦିଲ୍ଲୀ ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୩୩ ରନ କରି ପାରିଥିଲା। ବୋଲିଂରେ ପାଟ୍ କମିନ୍ସ ୪ ଓଭରରେ ୧୯ ରନ ଦେଇ ୩ ଓ୍ଵିକେଟ୍ ଅକ୍ତିକାର କରିଥିଲେ।
