ନୂଆଦିଲ୍ଲୀ ୦୪/୦୬: ଲୋକସଭା ନିର୍ବାଚନ ୨୦୨୪ ପାଇଁ ଭୋଟ୍ ଗଣନା ଜାରି ରହିଛି । ଏଥର ନିର୍ବାଚନକୁ ନେଇ ଫିଲ୍ମ ଜଗତରେ ବହୁତ ହଲଚଲ ଦେଖିବାକୁ ମିଳିଛି । ଅନେକ ଷ୍ଟାର ତାରକା ନିର୍ବାଚନ ମୈଦାନେ ନିଜର ଭାଗ୍ୟ ପରୀକ୍ଷା କରୁଛନ୍ତି । କଙ୍ଗନା ରାଣାୱତ, ଅରୁଣ ଗୋଭିଲ ଭିଆଇପି ଆସନରୁ ପ୍ରତିଦ୍ୱନ୍ଦ୍ୱିତା କରୁଛନ୍ତି ।
କଙ୍ଗନା ମଣ୍ଡିରୁ ପ୍ରାର୍ଥୀ ହୋଇଥିବାବେଳେ ଅରୁଣ ଗୋଭିଲ ମେରଠରୁ ପ୍ରତିଦ୍ୱନ୍ଦ୍ୱୀତା କରୁଛନ୍ତି । ତେବେ ଉତ୍ତରପ୍ରଦେଶର ମେରଠ ଆସନରୁ ରାମାୟଣ ଫେମ୍ ରାମ ଅରୁଣ ଗୋଭିଲ ୬ ହଜାରରୁ ଅଧିକ ଭୋଟରେ ପଛରେ ପଡ଼ିଛନ୍ତି। ପ୍ରାରମ୍ଭିକ ଧାରାରେ ହିମାଚଳ ପ୍ରଦେଶର ମଣ୍ଡି ଆସନରୁ ଲଢୁଥିବା ଅଭିନେତ୍ରୀ କଙ୍ଗନା ୮୦୦୦ରୁ ଅଧିକ ଭୋଟରେ ଆଗୁଆ ଅଛନ୍ତି । କଙ୍ଗନା କଂଗ୍ରେସର ବିକ୍ରମଦିତ୍ୟ ସିଂଙ୍କ ସହ ପ୍ରତିଦ୍ୱନ୍ଦ୍ୱିତା କରୁଛନ୍ତି।
ଏମାନଙ୍କ ବ୍ୟତୀତ ହେମା ମାଳିନୀ ମଥୁରାରୁ, ଆସାନସୋଲରୁ ଶତ୍ରୁଘ୍ନ ସିହ୍ନା, ଉତ୍ତର ପୂର୍ବ ଦିଲ୍ଲୀର ମନୋଜ ତିୱାରୀ, ଗୋରଖପୁରରୁ ରବି କିଶାନ, ଆଜମଗଡ ଆସନରୁ ଦୀନେଶ ଲାଲ ଯାଦବ, କରକାଟରୁ ପୱନ ସିଂ ଏବଂ ତ୍ରିସୁରର ମାଲାୟାଲମ ତାରକା ସୁରେଶ ଗୋପୀ ପ୍ରତିଦ୍ୱନ୍ଦ୍ୱିତା କରିଥିଲେ। । ଏହି ସମସ୍ତ ତାରକାମାନଙ୍କର ଭାଗ୍ୟ ଉଜ୍ଜ୍ୱଳ ହେବ କି ନାହିଁ ତାହା ଉପରେ ନିଷ୍ପତ୍ତି କିଛି ଘଣ୍ଟା ମଧ୍ୟରେ ନିଆଯିବ ।
