ମୀନ ରାଶି ବ୍ୟକ୍ତିଙ୍କ ପାଇଁ ଦିନଟି ଶୁଭ ରହିବ, ଆଧ୍ୟାତ୍ମିକ କାର୍ଯ୍ୟରେ ମନ ଦେଇ ଶାନ୍ତି ଅନୁଭବ କରିବେ

ମେଷ- ଅଯଥା ମୁଣ୍ଡବ୍ୟଥା ଭଳି ଶାରୀରିକ ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ। ତେଣୁ ଅଧିକ କାର୍ଯ୍ୟ ଚାପ ନ ନେଇ ଶାନ୍ତ ରହିବା ଉଚିତ୍। କର୍ମକ୍ଷେତ୍ରରେ ସାମାନ୍ୟ ଅସୁବିଧା ଦେଖାଦେଲେ ମଧ୍ୟ ନିଜ ବୁଦ୍ଧି ବଳରେ ସମାଧାନ କରିବେ। କାହାରିକୁ ଅନ୍ଧ ଭାବରେ ବିଶ୍ୱାସ କରନ୍ତୁ ନାହିଁ। ମା' ଲକ୍ଷ୍ମୀଙ୍କୁ ପୂଜା କଲେ ଶୁଭ ଫଳ ମିଳିବ।

ବୃଷ- ଦିନଟି ଅର୍ଥ ଲାଭର ସୁଯୋଗ ଆଣିବାର ସମ୍ଭାବନା ଅଛି। ପୂର୍ବ ନିବେଶ କିମ୍ବା ବ୍ୟବସାୟରୁ ସହଜରେ ଅର୍ଥ ଲାଭ ହେବାର ଯୋଗ ରହିଛି। ଆର୍ଥିକ ଯୋଜନା କରିବା ପାଇଁ ଉତ୍ତମ ଦିନ। ପାରିବାରିକ ଜୀବନ ସୁଖମୟ ରହିବ ଏବଂ ଜୀବନସାଥୀଙ୍କ ସହଯୋଗ ପାଇବେ। ନୂତନ ବନ୍ଧୁତା ସ୍ଥାପନ ହୋଇପାରେ।

ମିଥୁନ- ପ୍ରତ୍ୟେକ କାର୍ଯ୍ୟରେ ସଫଳତା ମିଳିବା ଦ୍ୱାରା କର୍ମରେ ଆନନ୍ଦ ଅନୁଭୂତ ହେବ। ଅଫିସ୍‌ରେ କର୍ତ୍ତୃପକ୍ଷ ଆପଣଙ୍କ କାର୍ଯ୍ୟଶୈଳୀ ପାଇଁ ପ୍ରଶଂସା କରିବେ। ନୂତନ କାର୍ଯ୍ୟ ଆରମ୍ଭ କରିବା ପାଇଁ ଦିନଟି ଶୁଭ ଅଟେ। ଶିକ୍ଷା କ୍ଷେତ୍ରରେ ସଫଳତା ମିଳିବ।

କର୍କଟ- ଅସାବଧାନତା କାରଣରୁ କିଛିଟା ଅର୍ଥ ହାନିର ସମ୍ଭାବନା ରହିଛି, ତେଣୁ ସତର୍କ ରୁହନ୍ତୁ। ବଡ଼ ଧରଣର ନିବେଶରୁ ଦୂରେଇ ରୁହନ୍ତୁ, ନଚେତ୍ ଅର୍ଥ ହାନି ହୋଇପାରେ। ପାରିବାରିକ ମାମଲାରେ ସାମାନ୍ୟ ଅଶାନ୍ତି ଦେଖାଦେଇପାରେ। କଥାବାର୍ତ୍ତା ଉପରେ ନିୟନ୍ତ୍ରଣ ରଖିବା ଜରୁରୀ। ଧୈର୍ଯ୍ୟର ସହ ପରିସ୍ଥିତିକୁ ସାମ୍ନା କରନ୍ତୁ।

ସିଂହ- ଅନିୟମିତତା ହେତୁ ଅସୁସ୍ଥତାର ଯୋଗ ଦେଖାଦେଇପାରେ। ଖାଦ୍ୟପାନୀୟରେ ଅବହେଳା କଲେ ଶାରୀରିକ ଅସୁସ୍ଥତା ବଢ଼ିପାରେ। ଅଫିସରେ ଅଧିକ କାର୍ଯ୍ୟ ଚାପ ହେତୁ ଥକାପଣ ଅନୁଭବ କରିବେ। ଶତ୍ରୁମାନେ ଆପଣଙ୍କୁ କ୍ଷତି ପହଞ୍ଚାଇବାକୁ ଚେଷ୍ଟା କରିପାରନ୍ତି। ଯୋଗ ଓ ଧ୍ୟାନରେ ମନକୁ ଶାନ୍ତ ରଖିବାକୁ ଚେଷ୍ଟା କରନ୍ତୁ।

କନ୍ୟା- ଧନ ଓ ଅର୍ଥ ପ୍ରାପ୍ତିର ଏକ ଉତ୍ତମ ଦିନ । ଧନ ତଥା ଅର୍ଥପ୍ରାପ୍ତିର ଯୋଗ ରହିଛି। ଆର୍ଥିକ ଦିଗ ସୁଦୃଢ଼ ରହିବା ସହ ବ୍ୟବସାୟରେ ଲାଭ ହେବ। ଜୀବନସାଥୀଙ୍କ ପରାମର୍ଶ ଲାଭଦାୟକ ହେବ। ସାମାଜିକ କାର୍ଯ୍ୟରେ ଭାଗ ନେଇ ପ୍ରଶଂସିତ ହେବେ।

ତୁଳା- ଗାଡ଼ି ଚଳାଇବା ସମୟରେ ବିଶେଷ ସତର୍କତା ଅବଲମ୍ବନ କରନ୍ତୁ। କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବା ପୂର୍ବରୁ ବରିଷ୍ଠ ବ୍ୟକ୍ତିଙ୍କ ପରାମର୍ଶ ନିଅନ୍ତୁ। ଅଜଣା ଲୋକଙ୍କଠାରୁ ଦୂରତା ରକ୍ଷା କରନ୍ତୁ। ପ୍ରେମ ସମ୍ପର୍କରେ ତିକ୍ତତା ଦେଖାଦେଇପାରେ।

ବିଛା- ମନରେ ମାନସିକ ଦ୍ୱନ୍ଦ ଲାଗିରହିବା କାରଣରୁ କୌଣସି ନିର୍ଣ୍ଣୟ ନେବାରେ ଅସୁବିଧା ହେବ। ଏହି ମାନସିକ ଦ୍ୱନ୍ଦକୁ ଦୂର କରିବା ପାଇଁ ଧ୍ୟାନ ଏବଂ ଯୋଗର ସାହାଯ୍ୟ ନେବା ଉଚିତ୍। କଥାବାର୍ତ୍ତାରେ ନମ୍ରତା ବଜାୟ ରଖିଲେ ଅଯଥା ବିବାଦରୁ ରକ୍ଷା ମିଳିବ। ବେପାରରେ ଅଧିକ ସମୟ ଦେବା ଦ୍ୱାରା ଲାଭ ହେବ। ଈଶ୍ୱରଙ୍କ ଆରାଧନା କଲେ ଶାନ୍ତି ମିଳିବ।

ଧନୁ- ପ୍ରତ୍ୟେକ କ୍ଷେତ୍ରରେ ଅତ୍ୟନ୍ତ ସାବଧାନ ରୁହନ୍ତୁ, ଘାତ ଚନ୍ଦ୍ର ଯୋଗୁ ମାନହାନିର ଭୟ ରହିଛି। କୌଣସି ବିବାଦରେ ପଡ଼ନ୍ତୁ ନାହିଁ ଏବଂ କ୍ରୋଧ ଉପରେ ନିୟନ୍ତ୍ରଣ ରଖନ୍ତୁ। ଅନାବଶ୍ୟକ ଯାତ୍ରାକୁ ଏଡ଼ାନ୍ତୁ। ମିତବ୍ୟୟୀ ହେବା ଆବଶ୍ୟକ।

ମକର- ସାଙ୍ଗମାନଙ୍କ ସହ ଅଧିକ ସମୟ ବିତାଇବେ। ବନ୍ଧୁମାନଙ୍କ ସାହାଯ୍ୟରେ କୌଣସି ଗୁରୁତ୍ୱପୂର୍ଣ୍ପ କାର୍ଯ୍ୟ ସଫଳ ହେବ। କର୍ମକ୍ଷେତ୍ରରେ ସହକର୍ମୀଙ୍କ ସହଯୋଗ ମିଳିବ। ଆର୍ଥିକ ସ୍ଥିତି ମଜଭୁତ ରହିବ।

କୁମ୍ଭ- ଖର୍ଚ୍ଚ ଉପରେ ନିୟନ୍ତ୍ରଣ ରଖନ୍ତୁ, ନଚେତ୍ ଏହି ଅର୍ଥ ବ୍ୟୟ ଯୋଗୁ ଆର୍ଥିକ ଚିନ୍ତା ବଢ଼ିବ। ସନ୍ତାନମାନଙ୍କ ସମ୍ପର୍କରେ କୌଣସି ଚିନ୍ତା ରହିପାରେ। କର୍ମକ୍ଷେତ୍ରରେ ଅଧିକ ପରିଶ୍ରମ କରିବାକୁ ପଡ଼ିବ। କୌଣସି ଗୁପ୍ତ କଥା ପ୍ରକାଶ କରନ୍ତୁ ନାହିଁ।

ମୀନ- ଶ୍ରୀ ଚନ୍ଦ୍ର ଓ ଦୂର ଯାତ୍ରାର ଶୁଭ ଯୋଗ ରହିଥିବାରୁ ଦିନଟି ଶୁଭ ଫଳଦାୟୀ ହେବ। ଧାର୍ମିକ କାର୍ଯ୍ୟ କିମ୍ବା ତୀର୍ଥ ଯାତ୍ରା ପାଇଁ ଯୋଜନା କରିପାରନ୍ତି। ଆଧ୍ୟାତ୍ମିକତା ପ୍ରତି ମନ ବଳିବ ଏବଂ ଶାନ୍ତି ଅନୁଭବ କରିବେ।

ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ – ୮୨୪୯୮୨୬୬୮୨