ବୈପାରୀଗୁଡା ୨୮।୦୮ : ଭାଙ୍ଗିଲା ନବନିର୍ମିତ ପୋଲ । କୋରାପୁଟ ଜିଲ୍ଲା ବୈପାରୀଗୁଡ଼ା ବରୁଆବାଡ଼ି ଓ ଗରୁଡୁଗୁଡ଼ା ମଝିରେ ଥିବା ନିର୍ମାଣଧିନ ପୋଲର ଆପ୍ରୋଚର ରୋଡ୍ ଧୋଇଯାଇଛି । ଯାହାଫଳରେ ଚାରି ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଛି ।
ବରୁଆବାଡ଼ି ଓ ଗରୁଡୁଗୁଡ଼ା ଗାଁ ମଝିରେ ଏକ ପୋଲର ନିର୍ମାଣ କାମ ଚାଲିଛି । ଆଉ ଏଥିପାଇଁ ଆପ୍ରୋଚ ରେଡ୍ର ନିର୍ମାଣ ବି ହୋଇଛି । ଯେଉଁଥିରେ ଲୋକେ ଯିବା ଆସିବା କରିଥାନ୍ତି। ହେଲେ ଲଗାଣ ବର୍ଷା ଲାଗି ଏବେ ଆପ୍ରୋଚ ରୋଡ୍ଟି ପାଣିରେ ଧୋଇଯାଇଛି। ଫଳରେ ଦଶମନ୍ତପୁର ପଞ୍ଚାୟତ ଚାରି ଖଣ୍ଡ ଗାଁକୁ ଯୋଗାଯୋଗ ବିଚ୍ଛିନ୍ନ ହୋଇଯାଇଛି । ଅନ୍ୟପଟେ ଖବର ପାଇ କୋରାପୁଟ ବିଧାୟକ ରଘୁରାମ ମାଛ ଗାଁରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ଏହାସହିତ ବିଭିନ୍ନ ସମସ୍ୟା ନେଇ ଲୋକଙ୍କ ସହିତ ଆଲୋଚନା କରିଛନ୍ତି। ତେବେ ନିମ୍ନମାନର କାମ ଲାଗି ଏଭଳି ପରିସ୍ଥିତି ଉପୁଜିଛି । ତେଣୁ ଏହାର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି ବିଧାୟକ ରଘୁରାମ ମାଛ ।
