ନୂଆଦିଲ୍ଲୀ: ଅପରେସନ୍ ସିନ୍ଦୂର ମାଧ୍ୟମରେ ଭାରତ କେବଳ ପାକିସ୍ତାନକୁ ନୁହେଁ ବରଂ ସମଗ୍ର ବିଶ୍ୱକୁ ନିଜର ସାମରିକ ଶକ୍ତି ଦେଖାଇଛି। ଭାରତ ନିରନ୍ତର ନିଜର ସାମରିକ ଶକ୍ତି ବୃଦ୍ଧି କରୁଛି। ଏହି କ୍ରମରେ ପଶ୍ଚିମ ସୀମାରେ ଭାରତର ସାମରିକ ଶକ୍ତି ବୃଦ୍ଧି ପାଇବାକୁ ଯାଉଛି। ଖୁବ୍ ଶୀଘ୍ର ଭାରତୀୟ ସେନାକୁ ମିଳିବ ଆମେରିକାର ଆପାଚି AH-64E ଯୁଦ୍ଧ ହେଲିକପ୍ଟର। ସେମାନଙ୍କର ପ୍ରଥମ କନସାଇନମେଣ୍ଟ ଜୁଲାଇରେ ଆସିବାର ଆଶା କରାଯାଉଛି। ଏହି ଚୁକ୍ତି ୬୦୦ ମିଲିୟନ ଡଲାରର।

ପ୍ରକାଶଥାଉକି ହେଲିକପ୍ଟର ପାଇବାରେ ବିଳମ୍ବ ହୋଇଥିଲା, କିନ୍ତୁ ବର୍ତ୍ତମାନ ସେନା ଏହି ଆଧୁନିକ ଅସ୍ତ୍ରଶସ୍ତ୍ର ପାଇବାକୁ ଯାଉଛି। ଏହି ହେଲିକପ୍ଟରଗୁଡ଼ିକୁ ପଶ୍ଚିମ ସୀମାରେ ମୁତୟନ କରାଯିବ। ଏହା ଦେଶର ସୁରକ୍ଷାକୁ ଆହୁରି ମଜବୁତ କରିବ। ଆଶା କରାଯାଉଛି ଯେ ପ୍ରଥମ ବ୍ୟାଚ୍ ଏହି ମାସରେ ଭାରତକୁ ଆସିବ। ଭାରତକୁ ୧୫ ମାସ ପୂର୍ବରୁ ଏହି ହେଲିକପ୍ଟର ମିଳିବା କଥା ଥିଲା। ଭାରତକୁ ଆମେରିକାରୁ ମୋଟ ୬ଟି ଆପାଚି AH-64E ହେଲିକପ୍ଟର ମିଳିବ। ପ୍ରଥମ ବ୍ୟାଚ୍ ଗତ ବର୍ଷ ମେ-ଜୁନ୍ ମାସରେ ଆସିବାର ଥିଲା, କିନ୍ତୁ କିଛି ସମସ୍ୟା ଯୋଗୁଁ ଏହା ହୋଇପାରିଲା ନାହିଁ। ଏବେ ଆଶା କରାଯାଉଛି ଯେ ପ୍ରଥମ ବ୍ୟାଚ୍ ଜୁଲାଇରେ ମିଳିବ, ଅବଶିଷ୍ଟ ହେଲିକପ୍ଟରଗୁଡ଼ିକ ବର୍ଷ ଶେଷ ସୁଦ୍ଧା ମିଳିବ।

ଆପାଚି ହେଲିକପ୍ଟର ହେଉଛି ଆମେରିକା ଦ୍ୱାରା ନିର୍ମିତ ଏକ ଆଧୁନିକ ହେଲିକପ୍ଟର। ଏହାକୁ ବିଶ୍ୱର ସବୁଠାରୁ ବିପଦପୂର୍ଣ୍ଣ ଆକ୍ରମଣ ହେଲିକପ୍ଟର ବୋଲି ବିବେଚନା କରାଯାଏ। ଏହା ବୋଇଂ ନାମକ ଏକ କମ୍ପାନୀ ଦ୍ୱାରା ନିର୍ମିତ। ଏହାର ଗତି ଘଣ୍ଟା ପ୍ରତି ୨୮୦ କିଲୋମିଟର। ଏହା ୪୮୦ କିଲୋମିଟର ଦୂର ପର୍ଯ୍ୟନ୍ତ ଏହାର ଶତ୍ରୁମାନଙ୍କୁ ଟାର୍ଗେଟ କରିପାରିବ। ଏଥିରେ ନାଇଟ୍‌ ଭିଜନ ଏବଂ ଥର୍ମାଲ୍ ସେନ୍ସର ଅଛି। 

ଏହି ହେଲିକପ୍ଟର ପାକିସ୍ତାନ ସଂଲଗ୍ନ ସୀମାବର୍ତ୍ତୀ ଅଞ୍ଚଳରେ ବହୁତ ଗୁରୁତ୍ୱପୂର୍ଣ୍ଣ ପ୍ରମାଣିତ ହେବ। ଭାରତୀୟ ବାୟୁସେନା ପାଖରେ ପୂର୍ବରୁ ୧୫ଟି ଆପାଚି ହେଲିକପ୍ଟର ଅଛି। ଏହି ହେଲିକପ୍ଟରଗୁଡ଼ିକୁ ନେଇ ୨୦୧୫ ମସିହାରେ ଭାରତ ଏବଂ ଆମେରିକା ମଧ୍ୟରେ ଏକ ଚୁକ୍ତି ହୋଇଥିଲା।