ଅପରେସନ ସିନ୍ଦୂର ପରେ ବଢ଼ିଲା ବ୍ରହ୍ମୋସର ଡିମାଣ୍ଡ:୪୫୦ ମିଲିଅନ ଡଲାରର ଡିଲ୍ !

ନୂଆଦିଲ୍ଲୀ: ଅପରେସନ ସିନ୍ଦୂରରେ ଭାରତର ବ୍ରହ୍ମୋସ ସୁପରସୋନିକ କ୍ରୁଜ୍ ମିସାଇଲ୍ ଧ୍ୱାଂଶଲୀଳା ଦେଖିଥିଲା ସାରା ବିଶ୍ୱ। ଏହାପର ଠାରୁ ପଡ଼ୋଶୀମାନଙ୍କ ମଧ୍ୟରେ ଏହି ମିସାଇଲ୍ କିଣିବାକୁ ଆଗ୍ରହ ବଢ଼ି ଯାଇଛି। ଆଉ ଏବେ ଭାରତ ୪୫୦ ମିଲିଅନ ଡଲାରର ବ୍ରହ୍ମୋସ ମିସାଇଲ୍ ରପ୍ତାନୀ କରିବାକୁ ଯାଉଛି। ଖୁବ୍ଶୀଘ୍ର ଏନେଇ ଡିଲ୍ ହୋଇପାରେ।

ଏନେଇ ପ୍ରତିରକ୍ଷା ସୂତ୍ରରୁ ତଥ୍ୟ ନେଇ ରିପୋର୍ଟ ପ୍ରକାଶ କରିଛି ଖବର ସରବରାହ ସଂସ୍ଥା ଏଏନ୍ଆଇ। ରିପୋର୍ଟ ଅନୁସାରେ, ଏହି ଡିଲ୍ ବର୍ତ୍ତମାନ ଚୂଡ଼ାନ୍ତ ପର୍ଯ୍ୟାୟରେ ରହିଛି। ଏହି ଡିଲ୍ ପରେ ଆହୁରି କିଛି ଦେଶ ମିସାଇଲ୍ କିଣିବାକୁ ଆଗ୍ର ପ୍ରକାଶ କରିପାରନ୍ତି ବୋଲି ପ୍ରତିରକ୍ଷା ବିଭାଗର ଜଣେ ଅଧିକାରୀ ସୂଚନା ଦେଇଛନ୍ତି।

ଅଧିକାରୀ କହିଛନ୍ତି ଯେ ଅପରେସନ ସିନ୍ଦୂରରେ ବ୍ୟବହାର ହୋଇଥିବା ବ୍ରହ୍ମୋସ ମିସାଇଲ ଯେଉଁଭଳି ଭାବେ ନିର୍ଦ୍ଦିଷ୍ଟ ଟାର୍ଗେଟକୁ ମାଡ଼ କଲା, ସେଥିରେ ଭାରତର ବନ୍ଧୁ ରାଷ୍ଟ୍ରମାନେ ଆକୃଷ୍ଟ ହୋଇଛନ୍ତି। ସେମାନେ ଏହାକୁ କିଣିବାକୁ ଇଚ୍ଛା ପ୍ରକାଶ କରୁଛନ୍ତି।

ସୂଚନା ଥାଉକି ଏପ୍ରିଲ ୨୨ ତାରିଖରେ ପହଲଗାମ ଆତଙ୍କବାଦୀ ଆକ୍ରମଣ ଘଟଣାରେ ଭାରତ କାର୍ଯ୍ୟାନୁଷ୍ଠାନ ନେଇ ଅପରେସନ ସିନ୍ଦୂର କରିଥିଲା। ଏହି ଅଭିଯାନରେ ମେ ୭ ତାରିଖରେ ପାକିସ୍ତାନର ଆତଙ୍କବାଦୀ ଆଡ୍ଡା ଉପରେ ବ୍ରହ୍ମସୋ ମିସାଇଲ୍ରେ ଆକ୍ରମଣ କରିଥିଲା ଭାରତ। ଏଥିରେ କେବଳ ଟାର୍ଗେଟ୍ କରାଯାଇଥିବା ଏରିଆ ହିଁ ନଷ୍ଟ ହୋଇଥିଲା।

ଭାରତ-ରୁଷର ମିଳିତ ଉଦ୍ୟମରେ ତିଆରି ହୋଇଥିବା ବ୍ରହ୍ମୋସ ମିଶାଇଲ୍ ସମ୍ପ୍ରତି ଦୁବାଇ ଏୟାର ଶୋ'ରେ ମଧ୍ୟ ପ୍ରଦର୍ଶିତ ହୋଇଥିଲା। ଏହା ମଧ୍ୟ କିଛି ରାଷ୍ଟ୍ରକୁ ଆକୃଷ୍ଟ କରିଛି। ଅପରେସନ ସିନ୍ଦୂର ପରେ ସୀମା ସଂଘର୍ଷ ପରେ, ପ୍ରତିରକ୍ଷା ମନ୍ତ୍ରଣାଳୟ ଭାରତୀୟ ନୌସେନା ପାଇଁ ମଧ୍ୟ ବ୍ରହ୍ମୋସ ଅର୍ଡର ଦେଇଥିଲା।

ନୌସେନା ଏହାର ବୀର-ଶ୍ରେଣୀୟ ଯୁଦ୍ଧଜାହାଜରେ ଏହି କ୍ଷେପଣାସ୍ତ୍ରକୁ ନିୟୋଜିତ କରିବାକୁ ଯୋଜନା କରୁଛି। ଯେତେବେଳେ IAF ଏହାକୁ ରୁଷିଆରୁ ଅଣାଯାଇଥିବା Su-30 MKI ଯୁଦ୍ଧ ଜାହାଜରେ ଖଞ୍ଜିବାକୁ ଯୋଜନା କରୁଛି।