କୋରାପୁଟ ୨୮।୦୬ : ଆସିପାରିଲାନି ଆମ୍ବୁଲାନ୍ସ । ଦେଢ କିଲୋମିଟର ଭାରରେ ବୁହା ହେଲେ ଗୁରୁତର ରୋଗୀ । କାଦୁଅ ରାସ୍ତା ଲାଗି ଗାଁରେ ଆସିପାରିନଥିଲା ଆମ୍ବୁଲାନ୍ସ । ସଂପର୍କୀୟ ଲୋକ ଭାରରେ ବୁହାଇଲେ । କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ନନ୍ଦିଗାଁ ପଞ୍ଚାୟତ ଭେଜିପୁଟ ଗାଁରୁ ଆସିଛି ଏପରି ଚିତ୍ର ।
ଖବର ଅନୁଯାୟୀ, ଭେଜିପୁଟ ଗାଁର ପ୍ରଶାନ୍ତ ଖୋସଲା ଦୀର୍ଘ ଦିନ ହେଲା କ୍ୟାନସ ରୋଗରୀ ପୀଡିତ ଥିଲେ । ଶୁକ୍ରବାର ରାତିରେ ସ୍ୱାସ୍ଥ୍ୟବସ୍ଥା ସଂକଟାପନ୍ନ ହେବାରୁ ଡାକ୍ତରଖାନା ନେବାକୁ ଆମ୍ବୁଲାନ୍ସକୁ ଯୋଗାଯୋଗ କରାଯାଇଥିଲା । ହେଲେ ଗାଁକୁ ପକ୍କା ରାସ୍ତା ସୁବିଧା ନଥିଲା । ଯାହାଫଳରେ କାଦୁଅ ପଚପଚ ରାସ୍ତାରେ ଆମ୍ବୁଲାନ୍ସ ଗାଁ ଭିତରକୁ ଯାଇପାରିନଥିଲା । ଫଳରେ ସଂପର୍କୀୟ ଲୋକ ଗାଁ ଠାରୁ ଦେଢ କିଲୋମିଟର ଦୂର ରୋଗୀକୁ ଭାରରେ ବୋହି ଆମ୍ବୁଲାନ୍ସ ପାଖକୁ ନେଇଥିଲେ । ସେହିଠାରୁ ଆମ୍ବୁଲାନ୍ସ ଯୋଗେ ରାତିରେ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ଭର୍ତ୍ତି କରିଥିଲେ ।
