ମୁମ୍ଵାଇ ୧୫।୦୯; ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ । ବର୍ତ୍ତମାନ ତାଙ୍କ ଅପକମିଂ ଫିଲ୍ମ 'ଆଲଫା' ପାଇଁ ଚର୍ଚ୍ଚାରେ ଅଛନ୍ତି। ଫିଲ୍ମ ଆଲଫା ରେ ଆଲିଆ ଭଟ୍ଟ ଏବଂ ଶରଭରୀ ୱାଗ୍ ଏକାଠି ଆକ୍ସନ୍ କରୁଥିବା ଦେଖିବାକୁ ମିଳିବ । ମୁମ୍ବାଇ ଏବଂ କାଶ୍ମୀରରେ ଫିଲ୍ମର ଦୁଇଟି ସୁଟ୍ ଶେଷ ହୋଇଛି। ଏହି ସମୟରେ ଆଲିଆ ଭଟ୍ଟଙ୍କ ଫିଲ୍ମ ଜିଗ୍ରା ଆଲଫା ପୂର୍ବରୁ ମୁକ୍ତିଲାଭ କରିବାକୁ ଯାଉଛି। ଏହାର ପ୍ରମୋସନ ପାଇଁ ଆଲିଆ କମେଡି କିଙ୍ଗ କପିଲ ଶର୍ମାଙ୍କ କମେଡି ସୋ ଦି ଗ୍ରେଟ୍ ଇଣ୍ଡିଆନ୍ କପିଲ୍ ସୋ ସିଜନ୍ ୨ ରେ ପହଞ୍ଚିଥିଲେ । ଦି ଗ୍ରେଟ୍ ଇଣ୍ଡିଆନ୍ କପିଲ୍ ସୋ ସିଜନ୍ ୨ ର ଟ୍ରେଲର ମୁକ୍ତିଲାଭ କରିଛି ।
ଦି ଗ୍ରେଟ୍ ଇଣ୍ଡିଆନ୍ କପିଲ୍ ସୋ ସିଜନ୍ ୨ ର ଟ୍ରେଲରରେ ଆଲିଆ ଭଟ୍ଟ ପ୍ରଥମ ଥର ପାଇଁ ତାଙ୍କର ସମ୍ପୂର୍ଣ୍ଣ ଉପନାମ ପ୍ରକାଶ କରିଛନ୍ତି । ଟ୍ରେଲରରେ ଯେତେବେଳେ ସୁନୀଲ ଗ୍ରୋଭର କହିଥିଲେ ଯେ ତୁମେ ଆଲିଆ ଭଟ୍ଟ, ତେବେ ଆଲିଆ କୁହନ୍ତି, ନା, ମୁଁ ଆଲିଆ ଭଟ୍ଟ କପୁର । ଆଲିଆ ଭଟ୍ଟ ତାଙ୍କ ଚଳଚ୍ଚିତ୍ର ବ୍ରହ୍ମାସ୍ତ୍ରର କୋ-ଷ୍ଟାର ରଣବୀର କପୁରଙ୍କୁ ୧୪ ଏପ୍ରିଲ ୨୦୨୨ ରେ ବିବାହ କରିଥିଲେ। ଏଥି ସହିତ, ଅଢେଇ ମାସ ବିବାହ ପରେ ସେ ଜୁନ୍ ୨୭ରେ ଗର୍ଭବତୀ ଥିବା ନେଇ ଘୋଷଣା କରିଥିଲେ।
ଏହା ପରେ ରାହା କପୁର ୬ନଭେମ୍ବର ୨୦୨୨ରେ ଜନ୍ମଗ୍ରହଣ କରିଥିଲେ। ରାହା ବର୍ତ୍ତମାନ ଦୁଇ ବର୍ଷର ହୋଇଗଲେଣି । ସେମାନଙ୍କ ପ୍ରଶଂସକଙ୍କୁ ଆଲିଆ ଏବଂ ରଣବୀର ଖୁବ୍ ଶୀଘ୍ର ଝିଅ ରାହା କପୁରଙ୍କ ଚେହେରା ଦେଖାଇଥିଲେ। ଫିଲ୍ମରେ ଆଲିଆ ଏବଂ ରଣବୀ କପୁର ପୁଣି ଏକାଠି ନଜର ଆସିବେ। ସଞ୍ଜୟ ଲୀଲା ଭନସାଲୀ ରଣବୀର କପୁର, ଆଲିଆ ଭଟ୍ଟ ଏବଂ ବିକି କୌଶଲଙ୍କ ଅଭିନୀତ ନୂଆ ଫିଲ୍ମ ଲଭ ଆଣ୍ଡ ୱାର୍ ଘୋଷଣା କରିଥିଲେ।
