କାନାଡାର ସ୍କୁଲ୍‌ରେ ଫାୟାରିଂ ; ୯ ମୃତ, ୨୭ରୁ ଅଧିକ ଆହତ

ନୂଆଦିଲ୍ଲୀ ୧୧।୦୨; କାନାଡାର ଏକ ସ୍କୁଲରେ ଆଖିବୁଜା ଗୁଳିକାଣ୍ଡ ହୋଇଛି । ଯେଉଁଥିରେ ପ୍ରାୟ ୯ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଜଣେ ଗୁଳିଚାଳକ ମଧ୍ୟ ରହିଥିବାର ସୂଚନା ମିଳିଛି। ୨୭ରୁ ଅଧିକ ଆହତ ହୋଇଥିବା ନେଇ ପୋଲିସ ସୂଚନା ଦେଇଛି। ରୟାଲ୍ କାନାଡିଆନ୍ ମାଉଣ୍ଟେଡ୍ ପୋଲିସ କହିଛି ଯେ ଘର ଭିତରେ ଆଉ ଦୁଇଟି ମୃତଦେହ ମିଳିଛି ଏବଂ ମୃତଦେହଗୁଡ଼ିକ ସମ୍ପୃକ୍ତ ଥିବା ସନ୍ଦେହ କରାଯାଉଛି।

ଟୁମ୍ବର୍ ରିଜ୍ ମାଧ୍ୟମିକ ବିଦ୍ୟାଳୟରେ ସ୍ଥାନୀୟ ସମୟ ଅପରାହ୍ନ ୧.୨୦ ରେ ଏହି ଘଟଣା ଘଟିଥିଲା। ଟୁମ୍ବର୍ ରିଜ୍ ପୋଲିସ ଏକ ସତର୍କ ସୂଚନା ଜାରି କରିଛି। ପୋଲିସ ଏହି ଘଟଣାରେ ସେହି ସନ୍ଦିଗ୍ଧ ବ୍ୟକ୍ତି ସମ୍ପୃକ୍ତ କି ନାହିଁ ଏବଂ ସମ୍ଭାବ୍ୟ ପୀଡିତଙ୍କ ସଂଖ୍ୟା ନିର୍ଣ୍ଣୟ କରିବା ଜାରି ରଖିଛି।

ପ୍ରାୟ ୨,୪୦୦ ଜନସଂଖ୍ୟା ବିଶିଷ୍ଟ ଟମ୍ବଲର୍ ରିଜ୍ ସହରର ବାସିନ୍ଦାମାନଙ୍କୁ ଘର ଭିତରେ ରହିବାକୁ ଅନୁରୋଧ କରାଯାଇଛି। ଉକ୍ତ ଅଞ୍ଚଳରେ ଅତିରିକ୍ତ ପୋଲିସ ବଳ ମୁତୟନ କରାଯାଇଛି।ପିସ୍ ରିଭର୍ ସାଉଥ୍ ସ୍କୁଲ୍ ଡିଷ୍ଟ୍ରିକ୍ଟ କହିଛି ଯେ ଉଭୟ ମାଧ୍ୟମିକ ବିଦ୍ୟାଳୟ ଏବଂ ଟମ୍ବଲର୍ ରିଜ୍ ପ୍ରାଥମିକ ବିଦ୍ୟାଳୟକୁ ବନ୍ଦ କରାଯାଇ ତଦନ୍ତ ଜାରି ରହିଛି। ଏହି ସ୍କୁଲରେ ୭ମ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ମୋଟ୍ ୧୭୫ ଜଣ ଛାତ୍ରଛାତ୍ରୀ ପାଠ ପଢୁଛନ୍ତି।

ଅଧିକ ପଢନ୍ତୁ-ସମୁଦ୍ରରେ ଖସି ପଡିଲା ବିମାନ, ଅଳ୍ପକେ ବର୍ତ୍ତିଗଲେ ପାଇଲଟ୍ ଏବଂ ଯାତ୍ରୀ