ମୁମ୍ଵାଇ ୨୮।୧୧; ଏବେ ବିବାହ ସିଜିନ ଚାଲିଛି। ଚଳଚ୍ଚିତ୍ର ଇଣ୍ଡଷ୍ଟ୍ରିର ତାରକାମାନେ ହାତକୁ ଦି ହାତ ହେଉଛନ୍ତି । ଏହାରି ଭିତରେ ହୀରାମଣ୍ଡିର ବିବୋଜାନ୍ ଅଦିତି ରାଓ ହାଇଦରୀ ପୁଣି ଥରେ ସିଦ୍ଧାର୍ଥଙ୍କୁ ବିବାହ କରିଛନ୍ତି । ତାହା ପୁଣି ରାଜସ୍ଥାନୀର ରାଜକୀୟ ଲୁକ୍ରେ। କହିବାକୁ ଗଲେ ଯେ ଅଦିତି ଏବଂ ସିଦ୍ଧାର୍ଥ ଚଳିତ ବର୍ଷ ସେପ୍ଟେମ୍ବର ୧୬ରେ ୱାନାପାର୍ଥିର ଏକ ମନ୍ଦିରରେ ବିବାହ କରିଥିଲେ। ସେମାନଙ୍କର ବିବାହ ଫଟୋ ସୋସିଆଲ ମିଡିଆରେ ହଇଚଇ ସୃଷ୍ଟି କରିଥିଲା। ଏଥର ଏହି ଦମ୍ପତି ରାଜସ୍ଥାନର ଅଲିଲା ଦୁର୍ଗରେ ବିବାହ କରିଥିଲେ।
ପ୍ରଶଂସକମାନଙ୍କ ପାଇଁ ଅଦିତି ଫଟୋ ସେୟାର କରିଥିଲେ
ଦ୍ୱିତୀୟ ଥର ପାଇଁ ଅଦିତି ଏବଂ ସିଦ୍ଧାର୍ଥ ନିଜ ସୋସିଆଲ ମିଡିଆରେ ବିବାହ ଫଟୋ ସେୟାର କରିଥିଲେ। ଦୁହେଁ ବହୁତ ଖୁସି ଏବଂ ସୁନ୍ଦର ଦେଖାଯାଉଥିଲେ । ଫଟୋରେ ଅଦିତି ପାରାମ୍ପାରିକ ତେଲେଙ୍ଗାନା ବିବାହରେ ଚନ୍ଦ୍ରର ମେହେନ୍ଦୀ ଦେଖିବାକୁ ମିଲିଥିଲା। ଯାହା ସେ ତାଙ୍କର ପ୍ରଥମ ବିବାହରେ ମଧ୍ୟ କରିଥିଲେ । ତାଙ୍କର ଦ୍ୱିତୀୟ ବିବାହ ଲୁକ୍ ବିଷୟରେ କହିବାକୁ ଗଲେ ଅଦିତି ଟ୍ରାଡିସନାଲ ଲାଲ୍ ଲେହେଙ୍ଗାରେ ବହୁତ ସୁନ୍ଦର ଦେଖାଯାଉଛନ୍ତି । ଏହା ସହିତ ସେ ପାରମ୍ପାରିକ ଅଳଙ୍କାର ମଧ୍ୟ ପିନ୍ଧିଥିଲେ। ସିଦ୍ଧାର୍ଥ ଧଳା ରଙ୍ଗର ଶେରୱାନି ଏବଂ ମୋତି ହାର ପିନ୍ଧିଥିଲେ । ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଥିଲେ । ଫଟୋ ସେୟାର କରିବାବେଳେ ଅଭିନେତ୍ରୀ କ୍ୟାପସନ୍ ଲେଖିଛନ୍ତି, 'ଯଦି ଜୀବନରେ ଗୋଟିଏ ସୁନ୍ଦର ଜିନିଷ ଥାଏ, ତେବେ ଏହା ପରସ୍ପରର ସହିତ।
ଅଦିତି ପୋଷ୍ଟ କରିବାର କିଛି ସମୟ ପରେ, ତାଙ୍କ ପ୍ରଶଂସକମାନେ ଶୁଭେଚ୍ଛା ସହିତ ଖୁବ୍ କମେଣ୍ଟ କରିଥିଲେ । ଜଣେ ପ୍ରଶଂସକ ଲେଖିଛନ୍ତି, 'ଆଜି ମୁଁ ଇଣ୍ଟରନେଟରେ ସବୁଠାରୁ ସୁନ୍ଦର ଜିନିଷ ଦେଖିଲି', ଆଉ ଜଣେ ଲେଖିଥିଲେ- 'ମୁଁ ତାଙ୍କର ସୁନ୍ଦର ଫଟୋ ଅପେକ୍ଷା କରିଥିଲି।' ଏହି ଦମ୍ପତି ପ୍ରଥମେ ଦକ୍ଷିଣ ଭାରତୀୟ ପାରମ୍ପାରିକ ରୀତିନୀତିରେ ବିବାହ କରିଥିଲେ। ଫଟୋ ସେୟାର କରିବା ବେଳେ ସେ ଲେଖିଥିଲେ, 'ତୁମେ ମୋର ସୂର୍ଯ୍ୟ, ମୋର ଚନ୍ଦ୍ର ଏବଂ ମୋର ସମସ୍ତ ତାରକା ... ଶ୍ରୀମତୀ ଏବଂ ଶ୍ରୀ ଅଦୁ-ସିଦ୍ଧୁ' ।
କହିବାକୁ ଗଲେ ଅଦିତି ରାଓ ହାଇଦରୀ ପ୍ରଥମ ବିବାହ ୨୦୦୯ରେ ଅଭିନେତା ସତ୍ୟଦୀପ ମିଶ୍ରାଙ୍କ ସହ ହୋଇଥିଲା। ବିବାହର ଚାରି ବର୍ଷ ପରେ ସେମାନେ ଛାଡପତ୍ର ନେଇଥିଲେ। ସତ୍ୟଦୀପ ୨୦୨୩ମସିହାରେ ବଲିଉଡର ଭେଟେରାନ ଅଭିନେତ୍ରୀ ନୀନା ଗୁପ୍ତାଙ୍କ ଝିଅ ମାସାବା ଗୁପ୍ତାଙ୍କୁ ବିବାହ କରିଥିଲେ। ଏଥି ସହିତ, ସିଦ୍ଧାର୍ଥ ୨୦୦୩ରେ ପ୍ରଥମ ବିବାହ କରିଥିଲେ ଏବଂ ବିବାହର ଚାରି ବର୍ଷ ପରେ ସିଦ୍ଧାର୍ଥ ମଧ୍ୟ ଛାଡପତ୍ର ନେଇଥିଲେ।
