'ଦ ଗଡଫାଦର' ଫେମ୍ ରବର୍ଟ ଡୁବୈଲଙ୍କ ୯୫ ବର୍ଷ ବୟସରେ ମୃତ୍ୟୁ, ଫିଲ୍ମ ଇଣ୍ଡଷ୍ଟ୍ରିରେ ଶୋକର ଛାୟା

ନୂଆଦିଲ୍ଲୀ ୧୭/୦୨: ହଲିଉଡର ସୁବର୍ଣ୍ଣ ଯୁଗର ଆଉ ଏକ ମହାନ ଅଧ୍ୟାୟର ଅନ୍ତ । ପରଲୋକରେ "ଦ ଗଡଫାଦର" ଫେମ୍ ରବର୍ଟ ଡୁବୈଲ । ୯୫ ବର୍ଷ ବୟସରେ ଦୁନିଆକୁ କହିଛନ୍ତି ଅଲବିଦା । "ଦ ଗଡଫାଦର" ଭଳି କ୍ଲାସିକ୍ ରେ ନିଜର ଦକ୍ଷତା ପ୍ରମାଣିତ କରିଥିବା କିମ୍ବଦନ୍ତୀ ଓସ୍କାର ହାତେଇଥିଲେ । ଆମେରିକାର ଭର୍ଜିନିଆସ୍ଥିତ ତାଙ୍କ ଘରେ ତାଙ୍କର ଦେହାନ୍ତ ହୋଇଛି । ତାଙ୍କ ପତ୍ନୀ ଲୁସିଆନା ଡୁବୈଲ ତାଙ୍କ ମୃତ୍ୟୁକୁ ନିଶ୍ଚିତ କରିଛନ୍ତି । ତାଙ୍କ ଜନସମ୍ପର୍କ ସଂସ୍ଥା ପକ୍ଷରୁ ଏକ ସରକାରୀ ବିବୃତ୍ତିରେ ସ୍ପଷ୍ଟ କରାଯାଇଛି ।

ଲୁସିଆନା ତାଙ୍କ ବିବୃତ୍ତିରେ କହିଛନ୍ତି, ମୁଁ କେବଳ ସ୍ୱାମୀ ନୁହେଁ ମୋର ଭଲ ବନ୍ଧୁଙ୍କୁ ହରାଇଲି । କେବଳ ମୁଁ ନୁହେଁ ବିଶ୍ୱବାସୀ ବି ଜଣେ ମହାନ ଅଭିନେତାଙ୍କୁ ହରାଇଲେ । ସେ ଆମ ସ୍ମୃତିରେ ଚିରକାଳ ବଞ୍ଚି ରହିବେ। ଛଅ ଦଶନ୍ଧିରୁ ଅଧିକ ସମୟ ଧରି ବ୍ୟାପୀ ଥିବା କ୍ୟାରିଅରରେ, ରବର୍ଟ ଡୁବୈଲ ଅନେକ ସ୍ମରଣୀୟ ଚରିତ୍ରରେ ଅଭିନୟ କରିଥିଲେ । ତେବେ ଫ୍ରାନ୍ସିସ୍ ଫୋର୍ଡ କୋପୋଲାଙ୍କ ଚଳଚ୍ଚିତ୍ର "ଦ ଗଡଫାଦର" ରେ କର୍ଲିଓନ ପରିବାରର ଶାନ୍ତ ଏବଂ ଚତୁର ପରାମର୍ଶଦାତା ଟମ୍ ହାଗେନ୍ ଭାବରେ ତାଙ୍କ ଭୂମିକା ଆଜି ସମସ୍ତଙ୍କ ପାଇଁ ଛାଡିଯାଇଛନ୍ତି ଛାପ ।

ରବର୍ଟ ଡୁବୈଲ ତାଙ୍କ କ୍ୟାରିୟରରେ ସାତ ଥର ଏକାଡେମୀ ପୁରସ୍କାର ପାଇଁ ମନୋନୀତ ହୋଇଥିଲେ । ସେ ୧୯୭୨ରେ "ଦି ଗଡଫାଦର" ପାଇଁ ତାଙ୍କର ପ୍ରଥମ ଓସ୍କାର ନାମାଙ୍କନ ପାଇଥିଲେ। "ଆପୋକାଲିପ୍ସ ନାଓ" ଏବଂ "ଦ ଗଡଫାଦର ପାର୍ଟ'' ଭଳି ଚଳଚ୍ଚିତ୍ର ତାଙ୍କୁ ବିଶ୍ୱସ୍ତରୀୟ ପରିଚିତି ଦେଇଥିଲା । ଆଶ୍ଚର୍ଯ୍ୟଜନକ ଭାବରେ, "ଦ ଗଡଫାଦର" ର ପ୍ରଥମ ଦୁଇଟି ପାର୍ଟରେ ମୁଖ୍ୟ ଭୂମିକା ଗ୍ରହଣ କରିବା ସତ୍ତ୍ୱେ, ସେ ଦେୟ ବିବାଦ ଯୋଗୁଁ ତୃତୀୟ କିସ୍ତି (ଭାଗ ୩) ରେ କାମ କରିବାକୁ ମନା କରିଥିଲେ।

ରବର୍ଟ ଡୁବୈଲ ଜାନୁଆରୀ ୫, ୧୯୩୧ରେ କାଲିଫର୍ନିଆର ସାନ ଡିଏଗୋରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ଜଣେ ବୃତ୍ତିଗତ ନୌସେନା ଅଧିକାରୀ ଥିଲେ। ଏହି କାରଣରୁ ଡୁବୈଲ ସାମରିକ ଅଧିକାରୀଙ୍କଠାରୁ କାଉବଏ ପର୍ଯ୍ୟନ୍ତ ଚରିତ୍ରଗୁଡ଼ିକୁ ପରଦାରେ ଏତେ ସ୍ପଷ୍ଟ ଭାବରେ ଚିତ୍ରଣ କରିଥିଲେ। ସେ ତାଙ୍କର ପିଲାଦିନ ମେରିଲ୍ୟାଣ୍ଡର ଆନାପୋଲିସରେ ବିତାଇଥିଲେ, କିନ୍ତୁ ତାଙ୍କ କଳା ସାରା ବିଶ୍ୱରେ ପ୍ରତିଧ୍ୱନିତ ହୋଇଥିଲା।

ହଲିଉଡର ସବୁଠାରୁ ସମ୍ମାନିତ ଅଭିନେତାଙ୍କ ମଧ୍ୟରୁ ଜଣେ ଭାବରେ ବିବେଚିତ ରବର୍ଟ ଡୁବୈଲ ସର୍ବଦା ବିଶ୍ୱର ଚମକ ଏବଂ ଗ୍ଲାମର ଠାରୁ ଦୂରରେ ରହିବାକୁ ପସନ୍ଦ କରୁଥିଲେ। ସେ ଜଣେ ଅଭିନେତା ଥିଲେ ଯିଏ କେବେବି ତାଙ୍କ ଷ୍ଟାରଡମକୁ ତାଙ୍କ କଳାକୁ ଛାଇ ହେବାକୁ ଦେଇ ନଥିଲେ। ସୋସିଆଲ ମିଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଜଣାଇ ପ୍ରଶଂସକମାନେ କହିଛନ୍ତି ଯେ ରବର୍ଟ ଡୁଭାଲଙ୍କ ପରଲୋକ ବିଶ୍ୱ ସିନେମା ପାଇଁ ଏକ ଅପୂରଣୀୟ କ୍ଷତି। ତାଙ୍କ ଅଭିନୟର ଗଭୀରତା ଏବଂ ଚରିତ୍ରଗୁଡ଼ିକୁ ଜୀବନ୍ତ କରିବାର କ୍ଷମତା ପିଢ଼ି ପିଢ଼ିର ଅଭିନେତାମାନଙ୍କୁ ପ୍ରେରଣା ଦେଇ ଚାଲିବ।

also read..

ଆଲିଆ-ଦୀପିକା-ଐଶ୍ୱର୍ଯ୍ୟା ନୁହଁନ୍ତି..; ବଲିଉଡ୍‌ର ଏହି ଅଭିନେତ୍ରୀ ହେଉଛନ୍ତି ସବୁଠୁ ଧନୀ