୫ ଘଣ୍ଟା ପରେ ନିଖୋଜ ଶିଶୁ ଉଦ୍ଧାର, କିଏ କରିଥିଲା ଅପହରଣ, ଖୋଜୁଛି ପୋଲିସ…

ଭୁବନେଶ୍ୱର ୧୦।୦୨ : ଭୁବନେଶ୍ୱରରେ ଛାତ୍ରୀ ନିଖୋଜ ଘଟଣା। ୫ ଘଣ୍ଟା ପରେ କ୍ୟାପିଟାଲ ହସ୍ପିଟାଲରୁ ଉଦ୍ଧାର ହେଲେ ନିଖୋଜ ଛାତ୍ରୀ। ତେବେ କିଏ ତାଙ୍କୁ କ୍ୟାପିଟାଲ ହସ୍ପିଟାଲରେ ଛାଡ଼ିଲା କାହିଁକି ଛାଡ଼ିଲା ତଦନ୍ତ କରୁଛି ପୋଲିସ।

ଏ ଖବର ବି ପଢନ୍ତୁ:- ବାଚସ୍ପତିଙ୍କୁ ଚିଠି ଲେଖିଲେ ପ୍ରିୟଙ୍କାଙ୍କ ସହ ୬ ମହିଳା ସାଂସଦ, କହିଲେ- 'ସରକାର ଚାପ ପକାଉଛନ୍ତି, ଆମକୁ ନ୍ୟାୟ ଦିଅ...'

ଖବର ଅନୁଯାୟୀ, ଘାଟିକିଆ କଳିଙ୍ଗ କେନ୍ଦ୍ରୀୟ ବିଦ୍ୟାଳୟ ୮ମ ଶ୍ରେଣୀର ଛାତ୍ରୀ । ସୋମବାର ଦିନ ୧:୩୦ ସମୟରେ ସ୍କୁଲ ଛୁଟି ପରେ ଘରକୁ ଫେରିନଥିଲେ। ପରିବାର ଲୋକେ ବହୁ ଖୋଜାଖୋଜି କରିବା ପରେ ଛାତ୍ରୀ ଜଣଙ୍କୁ ପାଇନଥିଲେ, ପରେ ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇ ଭରତପୁର ଥାନା ପୋଲିସ ଖୋଜାଖୋଜି ଆରମ୍ଭ କରିଥିଲା। ରାତି ପ୍ରାୟ ୧୦ଟା ପରେ ଛାତ୍ରୀ ଜଣକ କ୍ୟାପିଟାଲ ହସ୍ପିଟାଲରେ ଠିଆ ହୋଇଥିଲେ। ସ୍କୁଲ୍ ଡ୍ରେସ୍ ପିନ୍ଧିଥିବାରୁ ମେଡିକାଲ ସିକ୍ୟୁରିଟି ଛାତ୍ରୀ ଜଣଙ୍କୁ ପଚରାଉଚରା କରିଥିଲେ। ପରେ ୧୧୨କୁ କଲ କରି ତାଙ୍କୁ ଶିଶୁ ବିଭାଗକୁ ପଠାଇଥିଲେ। ଖବର ପାଇ ଭରତପୁର ଥାନା ପୋଲିସ କ୍ୟାପିଟାଲ ହସ୍ପିଟାଲରେ ପହଞ୍ଚି ଛାତ୍ରୀଙ୍କର ଡାକ୍ତରୀ ମଇନା କରିବା ସହ ପଚରାଉଚରା କରିଥିଲେ। ହେଲେ ଗଣମାଧ୍ୟମକୁ କୌଣସି ପ୍ରତିକ୍ରିୟା ଦେଇନଥିଲେ ଉପସ୍ଥିତ ଅଧିକାରୀ।

ଏ ଖବର ବି ପଢନ୍ତୁ:- ମାଟ୍ରିକ୍‌ ପରୀକ୍ଷା ପାଇଁ ପ୍ରସ୍ତୁତି ଜୋରଦାର, ନୋଡାଲ୍‌ ସେଣ୍ଟରକୁ ପଠାଇବା ପ୍ରକ୍ରିୟା ଆଜିଠୁ