ନୂଆଦିଲ୍ଲୀ ୧୦।୦୮; ଉତ୍ତରାଖଣ୍ଡରେ ପ୍ରବଳ ବର୍ଷା-ବନ୍ୟା ଯୋଗୁଁ ବହୁ କ୍ଷୟକ୍ଷତି ହୋଇଛି । ଧରାଲି ଗାଁ ବାଦଲଫଟା ବର୍ଷା ଯୋଗୁଁ ଜୟ ଭଗବାନଙ୍କ ମାଲିକାନାରେ ଥିବା ୪୦ କୋଠରୀ ବିଶିଷ୍ଟ ହୋଟେଲମଧ୍ୟ କ୍ଷତିଗ୍ରସ୍ତ କରିଥିଲା। ଯିଏ ନିକଟସ୍ଥ ଏକ ମନ୍ଦିର ଦର୍ଶନ କରୁଥିବା ସମୟରେ ଅଳ୍ପକେ ରକ୍ଷା ପାଇଥିଲେ।
ଘଟଣା ସମୟରେ ମନ୍ଦିରରେ ଥିବା ଭଗବାନ ଦୃଶ୍ୟ ବର୍ଣ୍ଣନା କରି କହିଥିଲେ, "ପ୍ରଥମେ ଏକ ଜୋରରେ ବଜ୍ରପାତ ଶବ୍ଦ ଶୁଭିଲା, ତା'ପରେ ପାଖ ଗାଁରୁ କାନ୍ଦ ଏବଂ ଚିତ୍କାର ଶୁଣିବାକୁ ମିଳିଥିଲା। ଲୋକମାନେ ସିଟି ବଜାଉଥିଲେ, କିନ୍ତୁ ଆମେ କ'ଣ ଘଟୁଛି ତାହା ବୁଝିପାରିଲୁ ନାହିଁ। ତା'ପରେ କାଦୁଅ, ପାଣି ଏବଂ ପଥରର ବିରାଟ ଲହରୀ ମାଡ଼ି ଆସିବା ଆରମ୍ଭ କଲା। ପରିସ୍ଥିତିର ଗମ୍ଭୀରତାକୁ ବୁଝି ଭଗବାନ ଘରକୁ ଦୌଡ଼ିଗଲେ କିନ୍ତୁ ଜାଣିବାକୁ ପାଇଲେ ଯେ ବନ୍ୟା ପାଣି ସେଠାରେ ମଧ୍ୟ ପହଞ୍ଚିଛି। ତା’ପରେ ସେ ନିରାପଦ ସ୍ଥାନକୁ ପଳାଇବା ପାଇଁ ହର୍ସିଲ ଗାଁ ଆଡକୁ ଚାଲିଗଲେ । ଭୂସ୍ଖଳନରେ ତାଙ୍କର ଚାରି ମହଲା ହୋଟେଲ ସମ୍ପୂର୍ଣ୍ଣ ଭାସିଗଲା। ସେ କହିଛନ୍ତି ଭିଡିଓରେ, ହୋଟେଲଟି ପତ୍ର ପରି ଭାସୁଥିବା ଦେଖିଲି। ଏହା ପରେ ଭଗବାନ ତାଙ୍କ ପରିବାର ବିଷୟରେ ପଚାରି ଚାଲିଥିଲେ କିନ୍ତୁ ମଙ୍ଗଳବାର ଅପରାହ୍ନ ୪ଟା ପରେ ସେମାନଙ୍କ ସହ ଯୋଗାଯୋଗ ବିଚ୍ଛିନ୍ନ ହୋଇଗଲା।
ସେ ଆହୁରି କହିଛନ୍ତି ମୌସୁମୀ ଋତୁରେ ପର୍ଯ୍ୟଟକଙ୍କ ସଂଖ୍ୟା କମ୍ ଥିବାରୁ, ହୋଟେଲ ସମେତ ଅଞ୍ଚଳର ହୋଟେଲ ଗୁଡ଼ିକ ପ୍ରାୟତଃ ଖାଲି ଥିଲା। ଅନ୍ୟାନ୍ୟ ମାସଗୁଡ଼ିକରେ, ବିଶେଷକରି ଚାରିଧାମ ଯାତ୍ରା ସମୟରେ, ମୋର ହୋଟେଲ ସମ୍ପୂର୍ଣ୍ଣ ବୁକ୍ ହୋଇ ରହିଥାଏ ସୌଭାଗ୍ୟବଶତଃ, ମୋର କର୍ମଚାରୀ କିମ୍ବା ହୋଟେଲ ପରିଚାଳନା କରୁଥିବା ମୋର ଭଣଜା ସେଠାରେ ଉପସ୍ଥିତ ନଥିଲେ । ଉତ୍ତରକାଶୀର ବନ୍ୟା ପ୍ରଭାବିତ ଅଞ୍ଚଳରେ ଲଗାତାର ଉଦ୍ଧାର କାର୍ଯ୍ୟ ଜାରି ରହିଛି। ଏପର୍ଯ୍ୟନ୍ତ ଧରାଲିରୁ ୧୧ ଜଣ ସେନା କର୍ମଚାରୀଙ୍କ ସମେତ ୧୯୦ ଜଣଙ୍କୁ ଉଦ୍ଧାର କରାଯାଇଛି। ତଥାପି, ୫୦ ରୁ ଅଧିକ ଲୋକ ନିଖୋଜ ଅଛନ୍ତି।
