ପରିତ୍ୟକ୍ତ ଘିଅ ଫ୍ୟାକ୍ଟ୍ରିରେ ଚାଲିଥିଲା କାରବାର, ୩୫ କେଜି ଗଞ୍ଜେଇ ସହ ୨ ଗିରଫ, ଅନ୍ୟ ୪ ଅଟକସୁନ୍ଦରଗଡ଼: ସୁନ୍ଦରଗଡ ଜିଲ୍ଲାରେ ଚୋରା କୋଇଲା ଖଣିର ମାଫିଆଙ୍କୁ କେବେ ଧରିବ ପ୍ରଶାସନ।  ସପ୍ତାହକ ମଧ୍ୟରେ ୨୫୦ ଟନ୍‌ରୁ ଅଧିକ କୋଇଲା ଜବତ ହୋଇ ସାରିଲାଣି। ଏବେବି ଚାଲିଛି ହେମଗିରି ଜଙ୍ଗଲରେ ମିଳିତ ଚଢାଉ । ହେଲେ ଏବେ ସୁଦ୍ଧା ଏହି ଖଣି ଚୋରରି ଖଳନାୟକ କିଏ ତାକୁ ଧରିପାରିନାହିଁ ଜିଲ୍ଲା ପ୍ରଶାସନ।  ମାଫିଆଙ୍କୁ ପ୍ରଶାସନ ଧରି ପାରିବ ନା କେବଳ ତଦନ୍ତ ଆଳରେ ସବୁ କିଛି ଲୁଚି ଯିବ ତାକୁ ନେଇ ଉଠିଛି ପ୍ରଶ୍ନ । ସେପଟେ ଜିଲ୍ଲାପାଳ ତତ୍‌କାଳୀନ ତହସଲିଦାରଙ୍କୁ ଏନେଇ ଯେଉଁ କାରଣ ଦର୍ଶାଅ ନୋଟିସ୍‌ ପଠାଇଥିଲେ ତାର ଉତ୍ତର ରଖିଛନ୍ତି ତହସିଲଦାର ।

୭ ଦିନ ବିତିଲା । କେବେ ଧରା ହେବେ ଖଣି ମାଫିଆ ? ସୁନ୍ଦରଗଡର ବିଭିନ୍ନ ଜଙ୍ଗଲରେ ବେଆଇନ ଖଣି ଖନନ କରି କୋଇଲା ଚୋରି କରୁଥିବା ଖଣି ଚୋରଙ୍କୁ ଧରିପାରିନାହିଁ ପ୍ରଶାସନ । ଆଜି ବି ଜିଲ୍ଲା ପ୍ରଶାସନ, ପୋଲିସ, ଖଣି ବିଭାଗ, ବନ ବିଭାଗର ମିଳିତ ଟିମ୍‌ ହେମଗିରି ଅଞ୍ଚଳରେ ଥିବା କୋଲ ୱାସରୀରେ ଚଢାଉ ଜାରି ରଖିଛି। ତେଲେନାଡୀହି, ରତନସରା, ଭୋଗରାକଚ୍ଛାର ସହ ୧୦ ରୁ ଅଧିକ ଜଙ୍ଗଲରେ ଗଛିତ ଥିବା ଚୋରି କୋଇଲା ସିଜ କରିଛି ଖଣି ବିଭାଗ । ସେପଟେ ଗତ ୫ ତାରିଖରେ ହେମଗିରିର ତତ୍କାଳୀନ ତହସିଲଦାର ଲବେଣେନ୍ଦୁ ମହାନ୍ତିଙ୍କୁ ଜିଲ୍ଲାପାଳ କାରଣ ଦର୍ଶାଅ ନୋଟିସ ଜାରି କରିଥିଲେ ।  ଯାହାର ଉତ୍ତର ରଖିଛନ୍ତି ତହସିଲଦାର ।  ଗତ ୪ ତାରିଖରେ ତେଲେନଡିହି ଜଙ୍ଗଲରେ ବେଆଇନ କୋଇଲା ଖଣି ଠାବ ସହ କୋଇଲା ଜବତ କରିଥିଲା ଖଣି ବିଭାଗ । ଏହାପରେ ଚାଲିଛି ଜୋରଦାର ତନାଘନା।  

Also read: ପରିତ୍ୟକ୍ତ ଘିଅ ଫ୍ୟାକ୍ଟ୍ରିରେ ଚାଲିଥିଲା କାରବାର, ୩୫ କେଜି ଗଞ୍ଜେଇ ସହ ୨ ଗିରଫ, ଅନ୍ୟ ୪ ଅଟକ

ବର୍ଷ ବର୍ଷ ଧରି ବେଆଇନ ଖଣି ଖୋଳା ଚାଲୁଥିବା ବେଳେ କାହିଁକି ଜାଣି ପାରିଲା ନାହିଁ ଜିଲ୍ଲା ପ୍ରଶାସନ ଓ କଣି ବିଭାଗ ? ନା ସବୁ ଦେଖି, ସବୁ ଜାଣି ଏମାନେ ବସିଥିଲେ ଚୁପ୍‌  ?  ବନବିଭାଗ ପକ୍ଷରୁ ତତ୍କାଳୀନନ ତହସିଲଦାରଙ୍କୁ ଗତବର୍ଷ ମେ ୧୧ରେ ତେଲେଣ୍ଡିହି ଜଙ୍ଗଲରେ ବେଆଇନ କୋଇଲା ଖଣି ଚାଲୁଥିବା ନେଇ ଏକ ଚିଠି କରାଯାଇଥିଲା ।  ଏନେଇ ତହସିଲଦାର କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ । ବର୍ଷ ବର୍ଷ ଧରି ଜଙ୍ଗଲ ଭିତରେ ହଜାର ହଜାର ଟନ୍‌ କୋଇଲା ଖୋଳି ବିକ୍ରି ଚାଲିଥିବା ବେଳେ ତହସିଲଦାର କିମ୍ବା ଖଣି ବିଭାଗ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।  ପ୍ରଶ୍ନ ଉଠୁଛି ଏହି ଚୋରି କିଏ କରୁଥିଲା ?  କିଏ ଏହି ଖଣି ଚୋରରି ମାଷ୍ଟର ମାଇଣ୍ଡ ?  କାହା ଇସାରାରେ ଚାଲିଥିଲା ଏହି ହରିଲୁଟ୍‌ ?  

ସେପଟେ ଏହି ମାମଲାରେ କାହାରିକୁ ଛଡା ଯିବ ନାହିଁ ବୋଲି ଏସ୍‌ଡିପିଓ ଏବଂ ଖଣି ବିଭାଗର ଡେପୁଟି ଡାଇରେକ୍ଟର କହିଛନ୍ତି। ବେଆଇନ ଖଣି ଖନନ ମାମଲାର ତଦନ୍ତ ରାଜ୍ୟ ଏନଫୋର୍ସମେଣ୍ଟ ଟିମ୍‌ କରିବ ବୋଲି ଖଣି ବିଭାଗ ଅଧିକାରୀ ସୂଚନା ଦେଇଛନ୍ତି । ଏହି ବେଆଇନ ବେଆଇନ ଖଣି ଖନନର ଉଚ୍ଚସ୍ତରୀୟ ତଦନ୍ତ ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି ଉପବାଚସ୍ପତି ଭବାନୀଶଙ୍କର ଭୋଇ । ଏବେ ସୁଦ୍ଧା ୨୫୦ରୁ ଅଧିକ ଟନ୍‌ର କୋଇଲା ଜବତ କରିସାରିଲାଣି ପ୍ରଶାସନ। ତେବେ ମାଫିଆଙ୍କୁ ଧରିବାକୁ ପ୍ରଶାସନର ହାତ କେବେ ପହଞ୍ଚୁଛି ତାକୁ ଅପେକ୍ଷା କରିଛନ୍ତି ସମସ୍ତେ।