ପଦ୍ମ ଧରିପାରନ୍ତି ବିଜେଡି ଛାଡିଥିବା ଭଦ୍ରକର ୩ ବ୍ଲକ୍ ଅଧ୍ୟକ୍ଷ, ଇସାରା ଦେଲେ ରାଜ୍ୟ ସଭାପତି ମନମୋହନ ସାମଲ

ଭୁବନେଶ୍ବର ୩୦।୧୧: ପଦ୍ମ ଧରି ପାରନ୍ତି ବିଜେଡି ଛାଡିଥିବା ଭଦ୍ରକର ୩ ବ୍ଲକ୍ ଅଧ୍ୟକ୍ଷ । ବିଜେପି ହେଉଛି ସମୁଦ୍ର, ନଦୀ ଆସି ସମୁଦ୍ରରେ ମିଶିବେ କହି ଇସାରା ଦେଇଛନ୍ତି ରାଜ୍ୟ ସଭାପତି ମନମୋହନ ସାମଲ । ଭଦ୍ରକ, ଭଣ୍ଡାରୀପୋଖରୀ ବ୍ଲକ୍ ଅଧ୍ୟକ୍ଷା ଏବଂ ବନ୍ତ ବ୍ଲକ୍ ଅଧ୍ୟକ୍ଷ ବିଜେଡିରୁ ଇସ୍ତଫା ଦେବା ପୂର୍ବରୁ ମୋ ସହ ଆଲୋଚନା କରିଥିଲେ ବୋଲି ମନମୋହନ କହିଛନ୍ତି ।

ବିଜେଡ଼ି ଅଧ୍ୟକ୍ଷ ବିଜେପିରେ ମିଶିବା ନେଇ ମନମୋହନ କହିଛନ୍ତି, ନଦୀ ଆସି ସମୁଦ୍ରରେ ମିଶେ । ଲୋକଙ୍କୁ ଯୋଡି ଯୋଡି ବିଜେପି ଆଜି ଏହି ସ୍ଥାନରେ ପହଞ୍ଚିଛି । ଆମେ କାହା ଦଳ ଭାଙ୍ଗୁନୁ । ଯିଏ ଆମ ସହ ଯୋଡି ହେବାକୁ ଚାହିଁବେ ।

୨୦୨୭ରେ ପଞ୍ଚାୟତ ଏବଂ ପୌର ନିର୍ବାଚନ ହେବ । ତା ପୂର୍ବରୁ ଯିଏ ବିଜେପିରେ ମିଶିବା ପାଇଁ ଚାହିଁବ ସିଏ ମିଶିପାରିବ । ଆମେ ଯେଉଁମାନଙ୍କୁ ଦଳ ପାଇଁ ଆସେଟ ହେବେ ଭାବୁଛୁ, ସେମାନଙ୍କୁ ଆମ ଦଳରେ ସାମିଲ କରୁଛୁ ବୋଲି ମନମୋହନ କହିଛନ୍ତି ।